بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭنىڭ نەگىزگى ساتى دەنساۋلىق ساقتاۋ قۇرىلىمدارىنىڭ ولشەمدەنۋ سالىستىرماسى %100كە تايادى

2019.09.18 14:06     كەلۋ قاينارى : شينجياڭ گازەتى

  ءتىلشىمىز چاۋ جين، پراكتيكانت جاڭ شياۋحان 9 - ايدىڭ 16 - كۇنى ۇرىمجىدەن حابارلايدى. تەك نەگىزگى ساتىداعى ەمدەۋ ىستەرى نىعايىپ، كەمەلدەنگەندە عانا، بۇقارانى تابىس سەزىمىنە، باقىت سەزىمىنە اناعۇرلىم كەنەلتۋگە بولادى. جىل سوڭىنان ىلگەرى رايونىمىز اۋىل - قالاشىق شيپاحانالارىن، قىستاق ەمحانالارىن ولشەمدەندىرۋ قۇرىلىسىن جاپپاي ورىنداپ بولادى. 8 - ايدىڭ سوڭىنا دەيىن، تۇتاس رايونىمىزداعى 899 اۋىل - قالاشىق شيپاحانالارىنىڭ ولشەمدەنۋ سالىستىرماسى %99.3كە، 8902 قىستاق ەمحانالارىنىڭ ولشەمدەنۋ سالىستىرماسى %97.2كە جەتتى.

  ءار ۇلت بۇقاراسىنىڭ سالاماتتىعىن اناعۇرلىم ويداعىداي قورعاۋ ءۇشىن، 2014 - جىلى رايونىمىز «اۆتونوميالى رايوننىڭ اۋىل - قالاشىق شيپاحانالارى مەن قىستاق ەمحانالارىن ولشەمدەندىرۋ قۇرىلىسىن اتقارۋ جوباسىن» جەر - جەرگە تاراتتى، جەر - جەر ۇسىنىلىم تەبىنىن ارتتىرىپ، نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ ورتاسىن ۇزدىكسىز جاقسارتىپ، نەگىزدىك قۇرىلعى قۇرىلىسىن، اسپاپتارمەن جابدىقتاۋدى كۇشەيتىپ، اۋىل - قالاشىق شيپاحانالارى مەن قىستاق ەمحانالارىندا اۋرۋ كورسەتۋ ورتاسىن كورنەكتى جاقسارتتى.

  قۇتىبي اۋدانى ۋگۇڭتاي قالاشىعى شيڭفۋ قىستاعى ەمحاناسىنىڭ شيپاگەرى لۇي رۇڭشين بيىل 72 جاستا، اۋدانداعى جاسى اسسادا ”مىندەت وتەپ جاتقان“ ەكى قىستاق شيپاگەرىنىڭ ءبىرى. ”ول كەزدە ءبىر شاعىن ءدارى قوبديشاسى، تىڭداۋىش، تەرمومەتر، قان قىسىمىن ولشەۋىش بارلىق جابدىعىمىز ەسەپتەلەتىن. ال مەنىڭ قازىرگى كەڭ دە جارىق ەمحاناما قاراڭىز، ءوزى شاعىن بولعانىمەن، ءدارى - دارمەكتەر تۇگەلدەي تولىق“. 40 نەشە جىل قىستاق شيپاگەرى بولعان لۇي رۇڭشين ءوزىنىڭ 524 ادامعا قىزمەت وتەگەندىگىن، مۇنىڭ ىشىندە جوعارى قان قىسىمى ناۋقاسىنا شالدىققان 68 ادام، ديابەت ناۋقاسىنا شالدىققان 24 ادام... بارلىعىن، ءوزىنىڭ قىستاق تۇرعىندارىنىڭ ”ەلەكتروندى سالاماتتىق ارحيۆىن“ كومپيۋتەرگە ءتۇسىرۋدى دە بىلەتىندىگىن ايتتى.

  رايونىمىز ”اۋدان، اۋىلدى ءبىر تۇلعالاندىرۋ“ قۇرىلىسى ارقىلى اۋدان دارەجەلى شيپاحانالاردىڭ اۋىل - قالاشىق شيپاحانالارىنا تەحنيكالىق جاقتان ىقپال جاساۋى مەن باسقارۋ دەڭگەيىن نىعايتۋىنا جەتەكشىلىك ەتۋ رولىن كۇشەيتتى. ”اۋىل - قىستاقتى ءبىر تۇلعالاندىرۋ“ قۇرىلىسى ارقىلى ”اۋىل جۇمىسقا قابىلداۋدى، اۋىل باسقارۋدى، قىستاق پايدالانۋدى“ جولعا قويىپ، قىستاق شيپاگەرلەرىنە جاسالاتىن مامىلە ماسەلەسىن ءونىمدى شەشىپ، قىستاق شيپاگەرلەرى قوسىنىن اناعۇرلىم ورنىقتىردى.

  لۇي رۇڭشين الەۋمەتتىك دەنساۋلىق ساقتاۋ بويىنشا قىزمەت وتەۋ، ادەتتەگى تەكسەرۋ، ەمدەۋ قاراجاتى، وتباسىلىق شيپاگەر كەلىسىمى بويىنشا قىزمەت وتەۋ سياقتى جاقتاردان ايىنا 3000 يۋاننان استام ەڭبەكاقى الادى. ”ءبىز ەندىگارى ’جالاڭ اياق‘ بولمايتىن بولدىق، مارتەبەمىز دە جوعارىلادى، ماڭايداعى تۇرعىنداردىڭ ءبارى مەنى تانيدى، اۋىلداستار ءۇشىن قىزمەت ەتۋ سەنىمىم ءتىپتى دە نىعايا ءتۇستى“، - دەدى لۇي رۇڭشين.ۇعىسۋعا قاراعاندا، تۇرعىنداردىڭ ءوز سالاماتتىقتارىن وزدەرى باسقارۋ تانىمىن جەتىلدىرۋ ءۇشىن، بيىلدان باستاپ رايونىمىز جەكەلەردىڭ ەلەكتروندى سالاماتتىق ارحيۆىن تەكسەرۋ، ۇعىسۋ جۇمىسىن اشىق جۇرگىزدى، بۇرىنعى سالاماتتىق ينفورماتسيالارى، ارالاپ ۇعىسۋ ەستەلىگى، ەمدەلۋ ەستەلىگى سياقتىلاردى ”قالاعان“ ۋاقىتتا الا الاتىن بولدى. وتباسىلىق شيپاگەر كەلىسىمى بويىنشا قىزمەت وتەۋ تۇعىرى ”تۇرعىندار سالاماتتىعى“ APPىنا سۇيەنىپ، الدىن الا ءنومىر الۋ، جالپى حالىقتىڭ سالاماتتىعىن تەكسەرۋ، الەۋمەتتىك دەنساۋلىق ساقتاۋ قىزمەت وتەۋ ەسكەرتپەسى، سالاماتتىق تاربيەسى سياقتى حالىققا قولايلى قىزمەت وتەۋ نىساندارىن اتقاردى. قازىر ينفورماتسيالانعان باسقارۋ كەلىسىمىنە كەلىسكەن وتباسى 958 مىڭ 700، تۇرعىندار 2 ميلليون 865 مىڭ 200 ادام.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ بىلاي دەپ تانىستىردى: كەدەي اۋدانداردىڭ نەگىزگى ەمدەلۋدى قامتاماسىزداندىرۋ ماسەلەسىن شەشۋ ءۇشىن، جىل سوڭىنان ىلگەرى بارلىق كەدەي اۋدان، اۋىل، قىستاق 3 دارەجەلىنىڭ بارلىعى ەمدەۋ قۇرىلىمىنا، تولىمدى شيپاگەرگە، سايكەستى قىزمەت وتەۋ قابىلەتىنە يە ەتىلەدى. سونىمەن قاتار، نەگىزگى ساتى ەمدەۋ قۇرىلىمدارىنداعى قازىرگى قىزمەتكەرلەردى باۋلۋدى ونان ارى كۇشەيتىپ، اۋىل - قىستاق شيپاگەرلەرى جىل سايىن كەزەكپەن ءبىر رەت باۋلۋعا قاتىناسادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار