كورىكتى شينجياڭ دۇنيە جۇزىلىك باۋ - باقشا كورمەسىندە ايگىلەندى
دۇنيە جۇزىلىك باۋ - باقشا كورمەسىنىڭ ”شينجياڭ كۇنى“ قيمىلى باستالدى
2019.09.18 14:25 كەلۋ قاينارى : شينجياڭ گازەتى
ءتىلشىمىز يۋان لەي 9 - ايدىڭ 16 - كۇنى بەيجيڭنەن حابارلايدى. 2019 - جىلعى جۇڭگو بەيجيڭ دۇنيە جۇزىلىك باۋ - باقشا كورمەسىنىڭ ”شينجياڭ كۇنى“ قيمىلى 9 - ايدىڭ 16 - كۇنى تۇستەن بۇرىن بەيجيڭدە باستالدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتىناستى ءارى ارناۋ ءسوز سويلەدى.
دۇنيە جۇزىلىك باۋ - باقشا كورمەسىنىڭ ”شينجياڭ كۇنى“ قيمىلىنىڭ ۋاقىتى 3 كۇن، ”شينجياڭ جاقسى جەر“ دەگەندى نەگىزگى تاقىرىپ ەتىپ، ادەبيەت - كوركەمونەر كونسەرتى، ساۋدا كەڭەسى جانە ەكولوگيانى، ساياحاتتى، جەمىس - جيدەك ونىمدەرىن تانىستىرۋ سياقتىلار ارقىلى ەل ءىشى - سىرتىنان كەلگەن سيلى قوناقتارعا شينجياڭدى ۇگىتتەپ، تانىستىرىپ، شينجياڭنىڭ جاراسىمدى دا ورنىقتى، گۇلدەنىپ دامىعان، اسىرەسە، جاڭاشا دامۋ كوزقاراسىن دايەكتىلەندىرىپ، جۇڭگوشا سوتسياليستىك شينجياڭ قۇرعان تاماشا جاعدايى مەن مول تابىستارىن ايگىلەپ، ءتىپتى دە كوپ دوستاردى شينجياڭعا كەلۋگە، شينجياڭدى تۇسىنۋگە، شينجياڭدى سۇيۋگە شاقىرادى.
شوكىرات زاكىر ارناۋ سوزىندە بىلاي دەدى: شينجياڭنىڭ جەرى كەڭ - بايتاق، تاۋ - وزەندەرى كوركەم، كورىنىسى وزگەشە، مادەنيەتى شۇعىلالى، ”ءان - ءبي مەكەنى“، ”جەمىس - جيدەك مەكەنى“ سياقتى تاماشا اتاعى بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جاڭا دامۋ ۇستانىمىن بۇلجىماستان دايەكتىلەندىرىپ، ەڭ قاتاڭ ەكولوگيالىق ورتانى قورعاۋ ءتۇزىمىن اتقارىپ، جاسىل دامۋدى، جوعارى ساپالى دامۋدى كۇش سالا ىلگەرىلەتىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنامىز. تاياۋ جىلداردان بەرى، شينجياڭ قابىلداعان ەل ءىشى - سىرتىنان كەلگەن ساياحاتشىلار سانىنىڭ، ساياحاتتىق كەشەندى تۇتىنۋدىڭ جىلدام ارتۋىن جۇزەگە اسىرۋ ءبىزدىڭ شي جينپيڭنىڭ ەكولوگيالىق وركەنيەت يدەياسىن جاپپاي دايەكتىلەندىرگەنىمىزدىڭ، تياناقتاندىرعانىمىزدىڭ، كورىكتى شينجياڭ قۇرۋدى ىلگەرىلەتۋىمىزدىڭ جاندى بەينەسى جانە امالياتى سانالادى.
شوكىرات زاكىر مىنانى ءبىلدىردى: بۇگىنگى شينجياڭ اشىق، سيىسىمدى، وزىنە سەنىمدى، ءار ۇلت حالقى تىنىش ءومىر، شات - شادىمان تىرشىلىك كەشەتىن، ءتۇرلى ىستەر گۇلدەنىپ - كوركەيىپ، كۇن سايىن ەل ءىشى - سىرتىنداعى ءار سالا، ءار كاسىپ نازار اۋدارىپ وتىرعان ىرىستى جەرگە اينالدى. ءبىز وسى كەزەكتى دۇنيە جۇزىلىك باۋ - باقشا كورمەسىن تۇعىر، ”شينجياڭ كۇنى“ قيمىلىن وراي ەتىپ، ءار جاقپەن اۋىس - كۇيىس پەن سەلبەستىكتى اناعۇرلىم تەرەڭدەتىپ، دامۋدىڭ جاقسى شاراسىن بىرگە اقىلداسىپ، كوركەم بولاشاقتى بىرگە اشىپ، ءوزارا پايدا جەتكىزىپ، تەڭ يگىلىككە كەنەلۋدىڭ جاڭا پاراقتارىن بىرگە جازۋدى شىن نيەتىمىزبەن ءۇمىت ەتەمىز.
بەيجيڭ قالاسىنىڭ ورىنباسار قالا باستىعى لۋ يان، جۇڭگو ساۋدانى جەبەۋ قوعامىنىڭ ورىنباسار باستىعى چىن جيان - ان، مەملەكەتتىك ورمان شارۋاشىلىعى جانە جايلىم مەكەمەسىنىڭ ورىنباسار باستىعى ليۋ دۇڭشىڭ جەكە - جەكە ارناۋ ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز باستالۋ سالتىن باسقاردى.
باستالۋ سالتىندا «انار گۇلى اشىلدى»، «ءبىزدىڭ شينجياڭ جاقسى جەر»، «جۇلا» سياقتى شينجياڭ سالت - ساناسى مەن ەرەكشەلىگىنە يە ءان - ءبي، مۋزيكا اسپاپتار وركەسترى جينالىسقا قاتىناسقان قوناقتارعا شينجياڭنىڭ وزگەشە تارتىمدىلىعى مەن كوپ نەگىزدى مادەنيەتىن ايگىلەپ، كورەرمەندەرگە تاماشا مادەنيەت سالتاناتىن سيلادى.
رەسەيدىڭ، قازاقستاننىڭ جۇڭگودا تۇراتىن ەلشىلەرىنىڭ ۋاكىلدەرى، بەيجيڭ، تيانجين، حىبەي، شانشي، ىشكى موڭعۇل، نيڭشيا، چيڭحاي سياقتى ولكە، اۆتونوميالى رايون، قالالاردىڭ ساۋدانى جەبەۋ قوعامدارى مەن كاسىپورىندار ۋاكىلدەرى جانە اۆتونوميالى رايوننىڭ قاتىستى تاراۋلارىنداعى جاۋاپتى جولداستار جانە كاسىپورىن ۋاكىلدەرى باستالۋ سالتىنا قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
