فۋجيان ولكەسىنىڭ ۋاكىلدەر ۇيىرمەسى شينجياڭعا بارىپ باعىتتامالى كومەكتەسۋ قىزمەتىن تەكسەردى
2019.09.23 16:50 كەلۋ قاينارى : حالىق تورابى
حالىق تورابى، 9 – ايدىڭ 23 – كۇنى، بەيجيڭ. 9 - ايدىڭ 19 - كۇنىنەن 21 - كۇنىنە دەيىن، فۋجيان ولكەلىك پارتكوم شۋجيىنىڭ ورىنباسارى، ولكە باستىعى تاڭ دىڭجيە فۋجيان ولكەسىنىڭ ۋاكىلدەر ۇيىرمەسىن باستاپ شينجياڭعا بارىپ، باعىتتامالى كومەكتەسۋ قىزمەتىن تەكسەردى، ۇشتاستىردى. شينجياڭ ۇيعۇر اۆتوونوميالى رايوندىق پارتكومىنىڭ شۋجيى چىن چۋانگو، شينجياڭ ۇيعۇر اۆتونوميالى رايوندىق پارتكومى شۋجيىنىڭ ورىنباسارى، شينجياڭ ۇيعۇر اۆتونوميالى رايونىنىڭ ءتوراعاسى شوكىرات زاكىر، شينجياڭ ۇيعۇر اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، شينجياڭ ۇيعۇر اۆتونوميالى رايوندىق پارتكومى شۋجيىنىڭ ورىنباسارى لي پىڭشين قاتارلىلار قيمىلعا قاتىناستى.
9 - ايدىڭ 19 - كۇنى تۇستەن كەيىن شينجياڭ ۇيعۇر اۆتونوميالى رايونى فۋجيان ولكەسىنىڭ ۋاكىلدەر ۇيىرمەسىمەن ۇرىمجىدە قىزمەتتىك كەڭەس وتكىزدى. چىن چۋانگو شينجياڭ ۇيعۇر اۆتونوميالى رايوندىق پارتكوم مەن ۇكىمەت جانە بۇكىل شينجياڭداعى ءار ۇلت حالقى اتىنان فۋجيان ولكەسى ۋاكىلدەر ۇيىرمەسىنىڭ شينجياڭعا كەلىپ تەكسەرۋ جۇرگىزگەندىگىن قىزۋ قارسى الدى، فۋجيان ولكەسىنىڭ ۇزاق ۋاقىتتان بەرى شينجياڭعا زور كۇشپەن قولداۋ كورسەتكەندىگىنە جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: فۋجيان ولكەلىك پارتكوم مەن ولكەلىك ۇكىمەت شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ فۋجيان قىزمەتى جونىندەگى ءبىرقىدىرۋ ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات دايەكتىلەندىرىپ، تياناقتاندىرىپ، مەحانيزمى جالىندى، كاسىبى ساپالى، حالقى باي، ەكولوگياسى كوركەم جاڭا فۋجيان قۇرۋ بارىسىندا ۇزدىكسىز جاڭا جەتىستىكتەرگە قول جەتكىزدى، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكىسىز كۇشەيدى. ءبىز مۇنى شىن جۇرەكتەن قۇتتىقتايمىز.
شينجياڭداعى كەزىندە، فۋجيان ولكەسىنىڭ ۋاكىلدەر ۇيىرمەسى ءۇرىمجى قالاسى جانە سانجى حۇيزۋ اۆتونوميالى وبلىسىنىڭ سانجى قالاسى، قۇتىبي اۋدانى سياقتى جەرلەرگە بارىپ، قالا، قالاشىق، اۋىل - قىستاق، ونەركاسىپ باقشا رايونى، مادەنيەت الاڭدارى مەن سارايلارى، مەكتەپ، شيپاحانا سياقتى جەرلەردى ارالاپ، شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن جۇمىس باسىندا تەكسەردى، كاسىپ سالاسى ارقىلى شينجياڭعا كومەكتەسۋ بويىنشا كەلىسىم جاساسۋ سالتىن وتكىزدى، شينجياڭعا باعىتتامالى كومەكتەسۋ قىزمەتى اڭگىمە ءماجىلىسىن اشتى ءارى شينجياڭعا كومەكتەسىپ جاتقان كادرلارعا، دارىندىلارعا امانداستى.
فۋجيان ولكەسى باستىعىنىڭ ورىنباسارى جىڭ جيانمين جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
