جۇڭگو مەن قازاقستان اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن جاسىل ءدالىزدى تاعى دا كوبەيتتى
قورعاس (جۇڭگو) – نۇراۋار (قازاقستان) جاسىل ءدالىزى رەسمي اشىلدى
2019.09.30 10:39 كەلۋ قاينارى : حالىق تورابى
حالىق تورابى، 9 – ايدىڭ 30 – كۇنى، بەيجيڭ. ءتىلشىنىڭ ءۇرىمجى كەدەنىنەن ۇعىسۋىنشا، 9 – ايدىڭ 28 – كۇنى، قورعاس (جۇڭگو) - نۇراۋار (قازاقستان) اۋىل شارۋاشىلىق قوسىمشا ونىمدەرىن كەدەننەن تەز وتكىزەتىن جاسىل ءدالىز رەسمي اشىلدى. بۇل جۇڭگو شينجياڭداعى 5 – رەت اشىلعان اۋىل شارۋاشىلىق قوسىمشا ونىمدەرىنىڭ جاسىل ءتۇستى ءدالىزى، جۇڭگو – قازاقستان ەكى ەل بىرلەسىپ اشقان 2 – رەتكى جاسىل ءتۇستى ءدالىز، اۋىل شارۋاشىلىق ونىمدەرىنىڭ «تەز شىعىپ، تەز كىرۋىن» اناعۇرلىم قامتاماسىز ەتتى.
وسىدان بۇرىن جۇڭگو شينجياڭ قازاقستان، قىرعىزستان، تاجىكستان سىندى 3 مەملەكەتپەن بىرگە باقتى، قاراسۋ، ەركەشتام، تورعاتى شەكارا وتكەلى سياقتى اۋىل شارۋاشىلىق قوسىمشا ونىمدەرىن كەدەننەن تەز ءوتكىزەتىن ءتورت جاسىل ءدالىز اشىپ، جۇڭگو ـ قازاقستان، جۇڭگو ـ تاجىكستان، جۇڭگو ـ قىرعىزستان «3 ەل، 4 جول» وتكەلىنىڭ اۋىل شارۋاشىلىق قوسىمشا ونىمدەرىن جاسىل ءدالىزىنىڭ اينالىم مەحانيزمىن ورناتتى.
جۇڭگو مەن قازاقستان ەكى ەلدىڭ اۋىل شارۋاشىلىق قوسىمشا ونىمدەرىنىڭ كەدەننەن تەز ٶتۋ تالابىنا ساي، 2016 – جىلدان باستاپ جۇڭگو – قازاقستان ەكى ەل كەدەنى قورعاس (جۇڭگو) – نۇراۋار (قازاقستان) ارالىعىندا جاسىل ءتۇستى ءدالىز اشۋ جونىندە كوپ رەت كەلىسسوز وتكىزگەن، سونداي – اق پىكىر بىرلىگىنە كەلگەن. بيىل 3 – ايدىڭ 18 – كۇنىنەن باستاپ قورعاس (جۇڭگو) – نۇراۋار (قازاقستان) اۋىل شارۋاشىلىق قوسىمشا ونىمدەرىنىڭ «جاسىل ءتۇستى دالىزدەن» تەز وتكىزۋدى سىناق ەتۋ جۇمىسى جۇرگىزىلگەن، سىناق رەتىندە ىسكە قوسىلعان مەزگىلدە نەگىزىنەن اۋىل شارۋاشىلىق ونىمدەرى تىزىمدىگىندەگى كوكونىس جانە جەمىس - جيدەك تاۋارلارى تاسىلعان.
بىرنەشە اي سىناق رەتىندە ىسكە قوسۋ ارقىلى، 9 – ايدىڭ 29 – كۇنى جاسىل ءتۇستى ءدالىز رەسمي ىسكە قوسىلىپ، تەزدەن وتكىزەتىن ونىمدەر ءتۇرى اۋىل شارۋاشىلىق قوسىمشا ونىمدەرىنە كەڭەيتىلدى، جەمىس، كوكونىستەردەن سىرت، كەپتىرىلگەن جەمىس، جەر جاڭعاعى، شەكىلدەۋىك، پاميدور قويمالجىڭى، كەسپە سياقتى ونىمدەر جاسىل ارنا ارقىلى كەدەننەن وتە الادى.
قورعاس جيڭتيان ساۋدا شەكتى سەرىكتەستىگى كوپ جىلدار بويى جەمىس - جيدەك، كوكونىس ەكسپورت ساۋداسىمەن شۇعىلدانانىپ كەلەدى، اتالعان سەرىكتەستىكتىڭ جاۋاپتىسى چىڭ جاۋپىڭ بىلاي دەدى: «ءبىز ەكسپورت ەتكەن جەمىس - جيدەكتەرىمىز نەگىزىنەن قازاقستان، قىرعىزستان، رەسەي سياقتى ەلدەرگە ساتىلادى. جاسىل ارنا اشىلعاننان كەيىن، جەرگىلىكتى ورىننىڭ الما، شاپتول سياقتى جەمىس ـ جيدەكتەرى سول كۇنى اۆتوكولىككە تيەلىپ، تۇستەن كەيىن قازاقستاننىڭ الماتى بازارىنا جەتەدى، جاڭا جەمىس - جيدەكتەردىڭ ۋاقىت سەبەبىنەن زياندالۋىن بارىنشا تومەندەتتى.»
2017 - جىلى قورعاس شەكارا وتكەلىنىڭ جەمىس - جيدەك، كوكونىس ەكسپورت ەتۋ ۋاقىتى ورتا ەسەپپەن 4 ساعات اينالاسىندا بولدى، 2018 ـ جىلى كەدەننەن ءوتۋ ۋاقىتى تەڭ جارىمىن قىسقارتتى، جاسىل ءتۇستى ءدالىز سىناق رەتىندە ىسكە قوسىلعاننان كەيىن، كەدەننەن ءوتۋ ۋاقىتى تاعى دا %21 قىسقاردى. جۇڭگو - قازاقستان كەدەن مەكەمەسى قولدانعان كەدەننەن وتۋگە قولايلى شارالار كەدەننەن ءوتۋ قارقىنىن ونان ارى جوعارىلاتىپ، ەكى ەلدىڭ اۋىل شارۋاشىلىق قوسىمشا ونىمدەرى ساۋداسىن جەبەۋگە شارت - جاعداي ازىرلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
