بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

جۇڭگو ا ق ش - تى شينجياڭعا قاتىستى قاتە ۇيعارىمدى دەرەۋ كۇشىنەن قالدىرۋعا قۋزادى

2019.10.09 15:08     كەلۋ قاينارى : حالىق تورابى

  شينحۋا اگەنتتىگى، 10 - ايدىڭ 8 - كۇنى، بەيجيڭ (ءتىلشى جۋ چاۋ). سىرتقى ىستەر مينيسترلىگىنىڭ مالىمدەمەشىسى گىڭ شۋاڭ 10 - ايدىڭ 8 - كۇنى بىلاي دەدى: جۇڭگو جاق ا ق ش - تىڭ جۇڭگو شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى سياقتى قۇرىلىمداردى جانە جۇڭگونىڭ 8 كاسىپورنىن ەكسپورتتى باسقارۋدىڭ تۇلعالىق تىزىمدىگىنە ەنگىزۋىنە قاتاڭ نارازىلىق ءبىلدىرىپ، باتىل قارسى تۇرادى، ا ق ش - تى قاتەلىكتى دەرەۋ تۇزەتىپ، قاتىستى ۇيعارىمدى كۇشىنەن قالدىرىپ، جۇڭگونىڭ ىشكى ىستەرىنە كيلىگۋدى توقتاتۋعا قۋزايدى.

  سول كۇنى وتكىزىلگەن كەزەكتى تىلشىلەر جينالىسىندا ءبىر ءتىلشى مىناداي سۇراۋ قويدى: حابارعا قاراعاندا، ا ق ش ساۋدا مينيسترلىگى 10 - ايدىڭ 7 - كۇنى حابارلاندىرۋ جاريالاپ، جۇڭگو شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى مەن وعان قاراستى 18 قۇرىلىمدى، شينجياڭ ءوندىرىس - قۇرىلىس بيڭتۋانى قوعام حاۋىپسىزدىگى مەكەمەسىن جانە حايكاڭ ۋەيشى قاتارلى جۇڭگونىڭ 8 كاسىپورنىن ەكسپورتتى باسقارۋ تۇلعالىق تىزىمدىگىنە ەنگىزدى. جۇڭگو بۇعان قالاي قارايدى؟

  گىڭ شۋاڭ بىلاي دەدى: ا ق ش اتالمىش كىسىلىك ۇقىق ماسەلەسىن سىلتاۋ ەتىپ، جۇڭگو شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى، شينجياڭ ءوندىرىس - قۇرىلىس بيڭتۋانى قوعام حاۋىپسىزدىگى مەكەمەسى سياقتى قۇرىلىمداردى، سونداي - اق جۇڭگونىڭ 8 كاسىپورنىن ەكسپورتتى باسقارۋ تۇلعالىق تىزىمدىگىنە ەنگىزىپ، ەكسپورت شەكتەمەسىن اتقارادى، مۇنداي ارەكەت حالىقارالىق قاتىناستىڭ نەگىزگى ولشەمىنە اۋىر قايشىلىق جاساپ، جۇڭگونىڭ ىشكى ىسىنە كيلىگىپ، جۇڭگونىڭ مۇددەسىنە زيان جەتكىزدى. جۇڭگو بۇعان كۇشتى نارازىلىق ءبىلدىرىپ، باتىل قارسى تۇرادى.

  گىڭ شۋاڭ بىلاي دەدى: شينجياڭ ىستەرى بۇكىلدەي جۇڭگونىڭ ىشكى ىسىنە جاتادى، ءارقانداي ەلدىڭ وعان كيلىگۋىنە بولمايدى. شينجياڭدا ا ق ش جاق ايتىپ وتىرعان كىسىلىك ۇقىق ماسەلەسى مۇلدە جوق، قاتىستى جازعىرۋ − ا ق ش جاقتىڭ جۇڭگونىڭ ىشكى ىسىنە كيلىگۋدەگى قاساقانا تۋدىرعان سىلتاۋى عانا. شينجياڭدا قولدانىلعان لاڭكەستىككە قارسى تۇرۋ جانە ۇشقارىلىقتى الاستاۋ شارالارىنىڭ ماقساتى − ۇشقارىلىق پەن لاڭكەستىكتىڭ تۋىلۋىنان تۋ باستان ساقتانۋ، بۇل جۇڭگونىڭ زاڭىنا بۇكىلدەي ۇيلەسەدى، حالىقارالىق امالياتقا دا ۇيلەسەدى. وسى شارالار شينجياڭداعى 25 ميلليون ءار ۇلت حالقىنىڭ جاپپاي قولداۋىنا يە بولىپ، حالىقارالىق لاڭكەستىككە قارسى تۇرۋ ىستەرىنە بەلسەندى ۇلەس قوستى. ا ق ش - تىڭ جۇڭگو جاقتى جازعىرۋى بۇكىلدەي اق پەن قارانى شاتاستىرعاندىق، قۇر ساندىراق، تەك ولاردىڭ شينجياڭنىڭ لاڭكەستىككە قارسى تۇرۋ قۇلشىنىسىنا كەدەرگى بولاتىن، جۇڭگونىڭ ورنىقتىلىعى مەن دامۋىنا كەدەرگىلىك جاسايتىن سۇرقيا نيەتىن اناعۇرلىم اشكەرەلەي تۇسەدى.«ءبىز ا ق ش – تى قاتەلىگىن دەرەۋ تۇزەتىپ، قاتىستى ۇيعارىمدى كۇشىنەن قالدىرىپ، جۇڭگونىڭ ىشكى ىستەرىنە كيلىگۋدى توقتاتۋعا قۋزايمىز. جۇڭگو جاق باتىل، پارمەندى شارالار قولدانىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعايدى» دەدى گىڭ شۋاڭ.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار