بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

2019 - جىلعى مەملەكەت بويىنشا اۋىل شارۋاشىلىق ونىمدەرىن ءوندىرۋ مەن ساتۋدى ۇشتاستىرىپ كەدەيلەردى سۇيەمەلدەۋ (شينجياڭ) قيمىلى باستالدى

2019.10.12 13:50     كەلۋ قاينارى : شينجياڭ گازەتى

  10 - ايدىڭ 10 - كۇنى 5 كۇنگە جالعاساتىن 2019 - جىلعى مەملەكەت بويىنشا اۋىل شارۋاشىلىق ونىمدەرىن ءوندىرۋ مەن ساتۋدى ءتۇيىلىستىرىپ كەدەيلەردى سۇيەمەلدەۋ (شينجياڭ) قيمىلى كورلا قالاسىندا باستالدى، ەل ىشىنەن كەلگەن 100گە تارتا ءىرى ساتىپ الۋشى ساۋدا ورىندارى المۇرت قالاسىندا باس قوسىپ، بۇكىل شينجياڭداعى ءارقايسى ايماق، وبلىستىڭ 200دەن استام اۋىل شارۋاشىلىق قوسىمشا ونىمدەرى كاسىپورىندارىمەن ءوندىرۋ جانە ساتۋدى ۇشتاستىردى، سول كۇنى جيىنى ءبىر ميلليارد 465 ميلليون يۋاندىق سەلبەستىك نيەت كەلىسىمىنە قول قويىلدى.

  بۇل رەتكى قيمىلدى ساۋدا ىستەرى مينيستىرلىگىنىڭ بازار جۇيەسى قۇرىلىسى مەكەمەسى مەن اۆتونوميالى رايوندىق ساۋدا ىستەرى مەڭگەرمەسى جاۋاپتى بولىپ وتكىزدى، نەگىزگى تاقىرىبى − ”ءوندىرۋ مەن ساتۋدى ءتۇيىلىستىرۋدى كۇشەيتىپ، كەدەيلىكتەن دالمە - ءدال ارىلتۋعا كومەكتەسۋ“. قيمىل 2 بەكەتتە ءبولىنىپ وتكىزىلەدى، ەل ىشىندەگى ءىرى ساتىپ الۋشى ساۋدا ورىندارى ىلگەرىندى - كەيىندى بايىنعولين موڭعۇل اۆتونوميالى وبلىسى مەن اقسۋ ايماعىنان ساتىپ الادى.

  ءتىلشى قيمىل الاڭىندا 200دەن استام كورمە ورنى ورنالاستىرىلعانىن، مۇنىڭ ىشىندە كەدەيلەردى سۇيەمەلدەيتىن ونىمدەر كورمەسىنەن 50ى ارنايى ورنالاستىرىلىپ، تۇتاس رايونداعى اۋىل شارۋاشىلىق ونىمدەرىن اينالىمعا سالۋ، ءوندىرۋ، مانەرلەۋ، مۇزداتۋ تىزبەگىندەگى زات اينالىمى سياقتى سالالارداعى كاسىپورىنداردىڭ ونىمدەرىنىڭ كورمەگە قويىلعانىن كوردى. باشاگىم قالاسى شيشينچىن جۇزىمشىلىك شارۋالار كاسىپتىك سەلبەستىك كووپەراتيۆىنىڭ باس جوراسى چىن جيانجۇن ىشكى وڭىرلەردىڭ الارماندارىنا جۇزىمدەردى تانىستىرۋدا. اتالعان كووپەراتيۆ بيىل قۇرىلعان، 300 نەشە مۋلىق ءجۇزىم باعى بار، جىلىنا 300 نەشە توننا جەمىس وندىرەدى. ”ءبىز ىشكى وڭىرلەردەگى ءىرى ساتىپ الۋشى ساۋدا ورىندارىمەن ۇزاق ۋاقىتتىق ورنىقتى بايلانىس ورناتىپ، جەمىس ونىمدەرىن ساتۋ ارنالارىن كەڭەيتۋدى ءۇمىت ەتەمىز“، - دەدى چىن جيانجۇن.

  جياڭسۋدىڭ ياڭجوۋىنان كەلگەن ساتىپ الۋشى ساۋداگەر يۋان لەي كورمە ورىندارىنداعى ونىمدەردىڭ جاعدايىن ەگجەي - تەگجەيلى سۇراپ ۇعىستى. يۋان لەي ياڭجوۋدا كولەمدى ساۋدا ساراي، ەرەن بازار جانە قوناق ءۇي اشۋمەن اينالىسادى، اۋىل شارۋاشىلىق قوسىمشا ونىمدەرىنە قاجەتى ءبىرشاما كوپ. ”بۇل مەنىڭ ءبىرىنشى رەت شينجياڭعا كەلىپ اۋىل شارۋاشىلىق قوسىمشا ونىمدەرىن تىكەلەي ساتىپ الۋىم، قوناق ءۇيىمىزدىڭ ءوزى جىلىنا 20 تونناعا تاياۋ قوي ەتىن قاجەت ەتەدى، وسى رەت شينجياڭنىڭ اۋىل شارۋاشىلىق قوسىمشا ونىمدەرى كاسىپورىندارىمەن سەلبەستىك جاساۋدى ءۇمىت ەتەمىن“، - دەدى يۋان لەي.

  اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى جيە جۇنجيە مىنالاردى ءبىلدىردى: بيىل جىل باسىنان بەرى، اۆتونوميالى رايوندىق ساۋدا ىستەرى مەڭگەرمەسى اۋىل شارۋاشىلىق ونىمدەرىن ساتۋدى ىلگەرىلەتۋ ءۇشىن، تالاي رەت ساتۋدى ءتۇيىلىستىرۋ قيمىلىن جاۋاپتى بولىپ وتكىزىپ، تاماشا ونىمدىلىككە قول جەتكىزدى. بۇل رەتكى قيمىل اينالىمعا سالاتىن كاسىپورىنداردى كەدەي وڭىرلەرگە بارىپ ءتۇيىلىسىپ ساتىپ الۋعا ۇيىمداستىرۋ ارقىلى كەدەيلەردى سۇيەمەلدەۋدىڭ باياندى ماحانيزمىن مەرزىم بويىنشا ورناتىپ، تاپسىرىستىق اۋىل شارۋاشىلىعى، ءوندىرۋ مەن ساتۋدى ءبىر تۇلعالاندىرۋ سياقتى كوپ ءتۇرلى سەلبەستىك فورمالارىنان پايدالانىپ، ۇزاق ۋاقىت بويى پايدانى ورتاقتاسۋدى جۇزەگە اسىرىپ، كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋگە دەم بەرەدى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار