تۇتاس كاسىپ تىزبەگى بويىنشا ورگانيكالىق كۋالاندىرۋدان وتكەن
شينجياڭنىڭ جەرگىلىكتى سيىر ەتى اسكەريلەر سپورت جينالىسىنىڭ اس ۇستەلىنە قويىلدى
2019.10.25 14:22 كەلۋ قاينارى : حالىق تورابى
حالىق تورابى، 10 - ايدىڭ 25 - كۇنى، بەيجيڭ. شينجياڭ گازەتىنىڭ حابارى. 10 - ايدىڭ 23 - كۇنى تۇستەن بۇرىن شينجياڭ تيانلاي شياڭنيۋ ازىق - تۇلىك شەكتى جاۋاپكەرلىك سەرىكتەستىگىنىڭ وڭدەۋ زاۆودى سويۋ، بورشالاۋ سەحىنىڭ ءوندىرىس جەلىسى جان - جاقتى جۇمىس جۇرگىزۋدە، 100 مەتر ۇزىندىقتاعى ۇلاسپالى جۇمىس جەلىسىندە ۇقساماعان جۇمىس ورنىنداعى جۇمىسشىلار سيىردىڭ ءاربىر مۇشەلەرىن دالدىكپەن بورشالاۋدا. 10 نەشە جۇمىس ءتارتىبى ارقىلى وڭدەلىپ شىققان 100 تۇردەن استام سيىر ەتى ونىمدەرى قازىر وتكىزىلىپ جاتقان 7 - كەزەكتى دۇنيە جۇزىلىك اسكەريلەر سپورت جينالىسىنداعى سپورتشىلاردىڭ اس ۇستەلىنە قويىلدى.
«قازىر وڭدەلىپ جاتقان 30 توننا سيىر ەتى اسكەريلەر سپورت جينالىسىنىڭ جاڭادان بەرگەن تاپسىرىسى، مەجەمەن 10 - ايدىڭ 26 - كۇنى ۋحانعا جەتكىزىلەدى. وسىنىڭ الدىنداعى 70 توننا سيىر ەتىن قوسقاندا، ءبىز اسكەريلەر سپورت جينالىسىن 100 توننا سيىر ەتىمەن قامدادىق»، - دەيدى سەرىكتەستىكتىڭ باس ديرەكتورىنىڭ ۇنەمدىك ىستەرگە جاۋاپتى ورىنباسارى حان يۇيسۇڭ.
تيانلاي شياڭنيۋ ازىق - تۇلىك شەكتى جاۋاپكەرلىك سەرىكتەستىگى شينجياڭ تيانلاي مال شارۋاشىلىق شەكتى جاۋاپكەرلىك سەرىكتەستىگىنىڭ بالا سەرىكتەستىگى. بىلتىر 11 - ايدا قات - قابات تەكسەرۋ - ولشەۋ، كارانتيندەۋ، تەكسەرىپ وتكىزىپ الۋدان كەيىن، تيانلاي مال شارۋاشىلىعىنىڭ «تيانلاي شياڭنيۋى» العاشقى ادىمدا «اسكەريلەر سپورت جينالىسىنىڭ ازىق - تۇلىگى» بولىپ تاڭدالدى. بيىل 3 - ايدا تيانلاي مال شارۋاشىلىعى مەن 7 - كەزەكتى دۇنيە جۇزىلىك اسكەريلەر سپورت جينالىسىنىڭ اتقارۋ كوميسسياسى ۋحاندا ازىق - تۇلىك ماتەريالىمەن قامداۋ، ساتىپ الۋ توقتامىن جاساسىپ، اسكەريلەر سپورت جينالىسىن سيىر ەتىمەن قامدايتىن بەلگىلەنگەن سەرىكتەستىك بولدى.
تيانلاي مال شارۋاشىلىعى بۇكىل ەل بويىنشا تۇتاس كاسىپ تىزبەگى بويىنشا ورگانيكالىق كۋالاندىرۋدان وتكەن سيىر ەتىن وندىرەتىن ساناۋلى كاسىپورىنداردىڭ ءبىرى، ونىڭ سيىر ەتىن ءوندىرۋ كاسىپ تىزبەگى بۇراتالا قالاسى ارالتوعاي فەرماسىنان باستاۋ العان، جەم - ءشوپ ەگىمشىلىگى، ەتتى سيىر باعىمشىلىعى، سويۋ، وڭدەۋدەن قوراپتاپ ساتۋعا دەيىن مەملەكەتتىڭ ورگانيكالىق كۋالاندىرۋىنان ءوتىپ، «ءتۇتاس ءوڭىر بويىنشا ورگانيكالىق+تۇتاس كاسىپ تىزبەگى بويىنشا ورگانيكالىق» بولۋدى جۇزەگە اسىردى. ءبىر تۇتاس قولدانىلاتىن داعدىعا ساي، سيىر ەتى ساپاسى بويىنشا تومەننەن جوعارىعا قاراي A1 دەن A5كە دەيىنگى 5 دارەجەگە بولىنەدى، تيانلاي مال شارۋاشىلىعىنىڭ A3 دارەجەلى سيىر ەتىنىڭ ءونىم مولشەرى جالپى ءونىم مولشەرىنىڭ ％40ىن يەلەيدى.
ارناۋلى قامدالاتىن وسى سيىر ەتتەرى ناعىز ورگانيكالىق سيىر ەتى دەپ اتالادى، مۇندا حاۋىپسىزدىك ەڭ الدىمەن دارىپتەلەدى. «سيىر ەتىنىڭ ساپاسىنا، حاۋىپسىزدىگىنە شىنايى كەپىلدىك ەتۋ ءۇشىن، ءاربىر سيىردىڭ تۋىلۋى، باعىلۋى، سويىلۋى، ونان ساتىلۋىنا دەيىنگى تۇتاس بارىستاعى ماتەريالىنىڭ تەگىن تەكتەۋگە بولادى. اسكەريلەر سپورت جينالىسىنا قامدالعان ءار پارشا سيىر ەتىنىڭ بارلىعىندا تۇگەلدەي سالاۋات بەلگىسى بار، ءار پارشا سيىر ەتىنىڭ ساپاسىنىڭ، حاۋىپسىزدىگىنىڭ تەگىن تەكتەۋگە بولادى». حان يۇيسۇڭ بىلاي دەپ تانىستىردى: سيىر ەتى اسكەريلەر سپورت جينالىسىنىڭ اس ۇستەلىنە قويىلۋدان ىلگەرى، ءسوز جوق، قاتاڭ تەكسەرۋدەن وتەدى، مۇنىڭ ىشىندە قوزدىرعىش دارىلەردى تەكسەرۋ ءتۇرى 60 نەشە، ەگىس دارىلەرى قالدىعىن، مال دارىلەرى قالدىعىن تەكسەرۋ ءتۇرى 20 نەشە، داعدىلى تەكسەرۋ ءتۇرى 10 نەشە، شيكى، پىسقان سيىر ەتى ونىمدەرىن تەكسەرۋ تۇرلەرى جيىنى 100 نەشە بولىپ، قالىپتى تەكسەرۋ تۇرلەرىنەن 80 نەشە ءتۇرى كوپ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
