ءوندىرۋ، ساتىپ الۋ، ساقتاۋ، مانەرلەۋ، ساتۋ بەس بۋىندى بىردەي ارەكەتتەندىردى
شينجياڭ استىق حاۋىپسىزدىگىن قامتاماسىز ەتۋ قابىلەتى اناعۇرلىم جوعارىلادى
2019.10.30 16:08 كەلۋ قاينارى : حالىق تورابى
ءتىلشىمىز ۋاڭ يۇڭفەي، پراكتيكانت جاۋ شيڭمەي 10 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق قور مەكەمەسىنەن ۇعىسۋعا قاراعاندا، سوڭعى جىلدارى رايونىمىز ءوندىرۋ، ساتىپ الۋ، ساقتاۋ، مانەرلەۋ، ساتۋ سىندى بەس بۋىندى بىردەي ارەكەتتەندىرۋدى كۇشەيتىپ، استىق حاۋىپسىزدىگىن قامتاماسىز ەتۋ قابىلەتى اناعۇرلىم جوعارىلاعان.
تانىستىرۋعا قاراعاندا، سوڭعى 2 جىلدا رايونىمىزدىڭ ءبيداي، جۇگەرى، كۇرىش سياقتى استىقتاردىڭ ءونىم مولشەرى 15 ميلليون توننا مولشەرىندە ورنىقتى بولعان. ”رايونىمىزدا استىق جالپى سۇرانىسى 13 ميلليون توننا مولشەرىندە بولىپ، ءونىم سۇرانىستان ارتىق بولۋ جاعدايى ساقتالدى، استىق حاۋىپسىزدىگىن قامتاماسىز ەتۋ قابىلەتى ورنىقتى جوعارىلادى“، - دەدى اۆتونوميالى رايوندىق استىق جانە زاتتىق قور مەكەمەسىنىڭ ورىنباسار مەڭگەرمە باستىعى دارەجەلى كادرى ليۋ شۋەميڭ.
ءوندىرۋ بۋىنىندا رايونىمىز ساپالى تۇقىم جەتىلدىرۋ، سۋ ۇنەمدەۋ سياقتى وسى زامانعى اۋىل شارۋاشىلىق تەحنيكاسىن جالپىلاستىرۋدى، قولدانۋدى ۇزدىكسىز ىلگەرىلەتىپ، استىق ءوندىرىسى قۋاتى جوعارىلادى. ”2019 - جىلى بۇكىل رايوندا ساتىپ الىنعان ءبىرىنشى دارەجەلى ءبيدايدىڭ سالىستىرماسى ％77.48 بولىپ، وتكەن جىلداعىدان ％5.69 جوعارىلادى، ورگانيكالى ءبيدايدىڭ ءار كيلوگرامى 5.0 يۋاننان جوعارى باعادا ساتىپ الىندى. بۇل بىلتىر استىق ساتىپ الۋ، ساقتاۋ ءتۇزىمى رەفورماسى اتقارىلعاننان بەرى، ساپالىسىن جوعارى باعادا ساتىپ الۋدىڭ اناعۇرلىم كورنەكتىلەنىپ، ءبيدايدىڭ قامداۋ جاعىنداعى قۇرىلىمدىق رەفورماسىن جەبەگەندىگىن، ەگۋ بۋىنىنداعى ساپانىڭ جوعارىلاعاندىعىن تۇسىندىرەدى“، - دەدى ليۋ شۋەميڭ.
2018 - جىلدان بەرى، رايونىمىز ”ۇكىمەت جەتەكشى بولۋ، باعانى بازار تۇراقتاندىرۋ، ءوندىرۋشى قوسىمشا قاراجات الۋ، كوپ نەگىزدى تۇلعا ساتىپ الۋ، ساپالىسىنا قوسىمشا قاراجاتتا ءمان بەرۋ، ساپالىسىن جوعارى باعادا ساتىپ الۋ، شۇعىل جاعدايدا بازاردا تاپسىرىسپەن ساتىپ الۋ“ بازارلانعان ساتىپ الۋ، ساقتاۋ مەحانيزمىن ورناتتى. 10 - ايدىڭ 20 - كۇنىنە دەيىن، بۇكىل رايوندا ساناققا الىنعان استىق كاسىپورىندارى جيىنى 2 ميلليون 600 مىڭ توننا ءبيداي ساتىپ الدى، مەملەكەت مەنشىگىندەگى استىق كاسىپورىندارى 2 ميلليون 110 مىڭ توننا ءبيداي ساتىپ الدى، ۇن مانەرلەۋ كاسىپورنى قاتارلى كوپ نەگىزدى تۇلعالار 490 مىڭ توننا ساتىپ الدى.
رايونىمىز ورتالىق ساقتاۋ، مەملەكەت ۋاقىتشا ساقتاۋ، اۆتونوميالى رايون جەرگىلىكتى ورىن ساقتاۋ، ايماق، اۋدان دارەجەلى ساقتاۋ جانە دايىن استىقتى شۇعىل جاعدايعا توتەپ بەرۋ ماقساتىندا ساقتاۋ − 4 دارەجەلى ساقتاۋ جۇيەسىن ورناتتى. بۇدان سىرت، بەلگىلى سانداعى مەملەكەت ۋاقىتشا ساقتايتىن ءبيداي دا بار، ساياساتتىق استىق قامباسىنداعى قور تولىق. ”اسىرەسە، سوڭعى جىلدارى ءبىز سۋىق اۋا الماستىرۋ، ىشكى سيركۋلياتسيا، ەلەكتروندى تەمپەراتۋرا ولشەۋ سياقتى ءتۇرلى وسىزاماندانعان، زەردەلىلەنگەن، جاسىلدانعان استىق ساقتاۋ تاسىلدەرىن ۇزدىكسىز جالپىلاستىرىپ، استىق ساقتاۋ قابىلەتىمىز بارىنشا جوعارىلادى“، - دەدى اۆتونوميالى رايوندىق استىق جانە زاتتىق قور مەكەمەسى حاۋىپسىز ساقتاۋ جانە عىلىم - تەحنيكا باسقارماسىنىڭ باستىعى ياڭ جىنلي.
قازىر رايونىمىزدا جيىنى 100دەن ارتىق كولەمنەن جوعارى ۇن مانەرلەۋ كاسپورنى بار، رايونىمىز ساۋداگەر شاقىرىپ، قارجى ەنگىزۋ ساپاسىن ۇزدىكسىز كۇشەيتتى، الاتاۋ ساعاسى، قورعاس، ءۇرىمجى قالاسى جالپىلىق قورعامالى باجى رايونىنا دەرلىك ەل ىشىندەگى كولەمدى ۇن ونىمدەرىن مانەرلەۋ كاسىپورىندارى كەلىپ ورنالاستى.
ساتۋ بۋىنىندا رايونىمىز ءۇرىمجى مەملەكەتتىك استىق ساۋدا ورتالىعىن باستاماشى، ءارقايسى ايماق، وبلىستاعى اۋىل شارۋاشىلىق قوسىمشا ونىمدەرى ساۋدا بازارىن تىرەك، اۋىل، قالاشىق بازارى ساۋداسىن قوسىمشا ەتكەن استىق ساۋداسى بازار جۇيەسىن ورناتتى. ”بۇدان تىس، رايونىمىز ۇننىڭ وڭىرلىك ماركا قۇرىلىسىن ىلگەرىلەتىپ، شۋەحۋافىن جانە لاڭمان ۇنىنىڭ كاسىپتىك ولشەمىن بەلگىلەپ، ماركا جاراتۋعا قۇلشىنىپ، بۇكىل ەلگە بەت الدىرىپ، شينجياڭنىڭ استىق بايلىق قاينارى باسىمدىعىن ەكونوميكالىق باسىمدىققا اينالدىردى“،-دەدى ليۋ شۋەميڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
