جۇڭگو شينجياڭ مادەنيەت اۋىس ـ كۇيىس ۇيىرمەسى كاتاردا ساپاردا بولدى
2019.11.20 15:17 كەلۋ قاينارى : حالىق تورابى
حالىق تورابى، 11 – ايدىڭ 20 – كۇنى، بەيجيڭ. شينحۋا اگەنتتىگىنىڭ 11 ـ ايدىڭ 18 ـ كۇنى دوحادان بەرگەن حابارى (ءتىلشى ياڭ يۋانيۇڭ). جۇڭگو شينجياڭ مادەنيەت اۋىس ـ كۇيىس ۇيىرمەسى 11 – ايدىڭ 17 – كۇنىنەن 18 – كۇنىنە دەيىن كاتارداعى ءار سالا ۋاكىلدەرىمەن پىكىر اۋىستىرىپ، شينجياڭنىڭ ورنىقتىلىقتى قورعاۋ، ەكونوميكالىق دامۋ، حالىق تۇرمىسىن جاقسارتۋ، ۇلتتار ىنتىماعى، ءدىن جاراسىمدىلىعى، سونداي ـ اق لاڭكەستىككە قارسى تۇرۋ، ۇشقارىلىقتى الاستاۋ كۇرەسى سياقتى جاقتاردا قول جەتكىزگەن كورنەكتى تابىستارىن تانىستىردى.
كاتارداعى ساپار كەزىندە، اۋىس – كۇيىس ۇيىرمەسى ىلگەرىندى ـ كەيىندى حاماد ۋنيۆەرسيتەتىنىڭ يسلام زەرتتەۋ ورنىنداعى وقىتۋشىلارمەن، تۇبەك (جارىم ارال) زەرتتەۋ ورتالىعىنداعى مامان ـ وقىمىستىلارمەن، كاتار اقپارات قۇرالدارىنىڭ تىلشىلەرىمەن اڭگىمەلەسىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعدايى، ۇلت، ءدىن ساياساتى، كاسىپتىك شەبەرلىككە تاربيەلەۋ، باۋلۋ قىزمەتى سياقتىلار جونىندە كەڭ كولەمدە پىكىر اۋىستىردى.
اۋىس ـ كۇيىس ۇيىرمەسى اڭگىمە ماجىلىسىندە بىلاي دەدى: وتكەن عاسىردىڭ 90 ـ جىلدارىنان 2016 ـ جىلعا دەيىن، شەكارا ءىشى ـ سىرتىنداعى «ءۇش ءتۇرلى كۇش» شينجياڭدا نەشە مىڭداعان زورلىقتى كۇش لاڭكەستىك دەلوسىن (ۋاقيعاسىن) جوسپارلاپ جانە ۇيىمداستىرىپ تۋدىرىپ، ءار ۇلت حالقىنىڭ ءومىرى مەن مال - مۇلكىنىڭ حاۋىپسىزدىگىنە اسا زور زيان جەتكىزدى. سوڭعى جىلداردان بەرى، شينجياڭ ءبىرسىپىرا پارمەندى شارالار قولدانىپ، لاڭكەستىككە باتىل سوققى بەرىپ، ۇشقارىلىقتى الاستاۋ قىزمەتىن ىشكەرىلەي ورىستەتىپ، قوعامدىق جالپى جاعدايدىڭ باياندى ورنىقتىلىعىن جۇزەگە اسىردى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، اسىرەسە، شينجياڭدا سوڭعى ءۇش جىلدا ءبىر رەت تە زورلىقتى كۇش لاڭكەستىك دەلوسى (ۋاقيعاسى) تۋىلمادى، بۇل شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ ءادىسىنىڭ بۇكىلدەي دۇرىس ەكەندىگىن تولىق دالەلدەدى.
اۋىس ـ كۇيىس ۇيىرمەسى شينجياڭنىڭ كاسىپتىك شەبەرلىككە تاربيەلەۋ، باۋلۋ قىزمەتىن ورىستەتۋدەگى قاتىستى جاعدايلارىن ەگجەي ـ تەگجەيلى تانىستىرىپ، شينجياڭ كاسىپتىك شەبەرلىككە تاربيەلەۋ، باۋلۋ ورتالىعىن زاڭ بويىنشا قۇرۋ ارقىلى زاڭعا جەڭىل قايشىلىق جاساعان نەمەسە قىلمىستىق ارەكەتى بار ادامداردى تاربيەلەپ، قۇتقارىپ، ولاردىڭ لاڭكەستىكتىڭ، ۇشقارىلىقتىڭ قۇرباندىعىنا اينالۋىنان ساقتانىپ، لاڭكەستىك ارەكەتتەردى تۋىلماي تۇرىپ جويۋعا قۇلشىنىپ، ۇشقارىلىقتىڭ ءوربيتىن توپىراعىن ءونىمدى تۇردە جويىپ، شينجياڭنىڭ قوعام ورنىقتىلىعىن جۇزەگە اسىرۋمەن بىرگە، ءوڭىردىڭ حاۋىپسىزدىگىن پارمەندى تۇردە قامتاماسىز ەتتى. بۇل ءادىس جۇڭگونىڭ نەگىزگى زاڭى مەن زاڭ رۋحىنا، حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋ پرينسيبىنە، دۇنيە جۇزىندەگى ءار ەل حالقىنىڭ ءتۇبىرلى مۇددەسىنە بۇكىلدەي ۇيلەسەدى.
اۋىس ـ كۇيىس ۇيىرمەسى بىلاي دەدى: بىلتىردان بەرى، جۇڭگو كوپ ەلدىڭ جۇڭگودا تۇراتىن ەلشىلەرى، سونداي ـ اق كەيبىر ەلدەردىڭ ساياسي پارتيالارى، قوعامدىق ۇيىمدارى، اقپارات قۇرالدارىنىڭ تىلشىلەرى جانە ءدىني ۇيىمدارى سياقتىلاردى شينجياڭعا ساپارلاي كەلۋگە ۇسىنىس ەتىپ، دۇنيە جۇزىنە وبيەكتيۆ، شىنايى شينجياڭدى ايگىلەدى. حالىقارالىق قوعام شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ جونىندەگى ىزدەنىسىن ايرىقشا القادى. جۇڭگو شينجياڭ مادەنيەت اۋىس ـ كۇيىس ۇيىرمەسىندەگى التى ادام كاتارداعى ساپارىن اياقتاتقاننان كەيىن، كۆەيتكە، ساۋد ارابياعا بارىپ، جەرگىلىكتى ءار سالامەن پىكىر الماستىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
