جۇڭگو شينجياڭ مادەنيەت اۋىس ـ كۇيىس ۇيىرمەسى ساۋد ارابياسىندا ساپاردا بولدى
2019.11.27 15:15 كەلۋ قاينارى : حالىق تورابى
حالىق تورابى، 11 – ايدىڭ 27 – كۇنى، بەيجيڭ. شينحۋا اگەنتتىگىنىڭ 11 – ايدىڭ 25 – كۇنى ريادتان بەرگەن حابارى، جۇڭگو شينجياڭ مادەنيەت اۋىس ـ كۇيىس ۇيىرمەسى 11 – ايدىڭ 21 – كۇنىنەن 25 – كۇنىنە دەيىن ساۋد ارابياسىنىڭ استاناسى رياد پەن ەكىنشى ۇلكەن قالا جيدادا ساۋد ارابياسىنىڭ ءار سالا ۋاكىلدەرىمەن شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ جاعدايى، ۇلت، ءدىن ساياساتى، كاسىپتىك شەبەرلىككە تاربيەلەۋ، باۋلۋ قىزمەتى جونىندە كەڭ كولەمدى پىكىر اۋىستىردى.
ساۋد ارابياسىندا ساپاردا بولعان كەزدە، اۋىس ـ كۇيىس ۇيىرمەسى يسلام سەلبەستىك ۇيىمىمەن، يسلام جاستار الەمدىك وداعى، ساۋد ارابياسى اقپارات مينيسترلىگى، ساۋد فايسال سىرتقى ىستەر زەرتتەۋ ورنى، ءار ۇلت مۇھاجىرلارى، ساۋد ارابيا مەدياسى سياقتى ءار سالا ۋاكىلدەرىمەن اڭگىمە وتكىزىپ، شينجياڭنىڭ ورنىقتىلىقتى قورعاۋ، ەكونوميكالىق دامۋ، حالىق تۇرمىسىن جاقسارتۋ، ۇلتتار ىنتىماعى، ءدىن جاراسىمدىلىعى، سونداي ـ اق لاڭكەستىككە قارسى تۇرۋ، ۇشقارىلىقتى الاستاۋ كۇرەسى سياقتى جاقتاردا قول جەتكىزگەن كورنەكتى تابىستارىن تانىستىردى.
اۋىس ـ كۇيىس ۇيىرمەسى اڭگىمە ماجىلىسىندە بىلاي دەدى: وتكەن ءبىر مەزگىلدە شينجياڭ ۇلتتىق بولشەكتەۋشىلىك، ۇشقارىلىق جانە لاڭكەستىك كۇشتەردىڭ قاتەرىنە قاتتى ۇشىرادى. اسىرەسە، وتكەن عاسىردىڭ 90 ـ جىلدارىنان 2016 ـ جىلعا دەيىن، شەكارا ءىشى ـ سىرتىنداعى «ءۇش ءتۇرلى كۇش» شينجياڭدا نەشە مىڭ رەتكى زورلىقتى كۇش لاڭكەستىك دەلوسىن (ۋاقيعاسىن) جوسپارلاپ جانە ۇيىمداستىرىپ اتقارىپ، ءار ۇلت حالقىنىڭ ومىرىنە، مال ـ مۇلكىنە، جان دۇنيەسىنە اۋىر زيان جەتكىزدى. اۋىس ـ كۇيىس ۇيىرمەسى بىلاي دەدى: سوڭعى جىلداردان بەرى، شينجياڭ ءبىرقىدىرۋ پارمەندى شارالار قولدانىپ، لاڭكەستىككە باتىل سوققى بەرىپ، ۇشقارىلىقتى الاستاۋ قىزمەتىن ىشكەرىلەي ورىستەتىپ، قوعامدىق جالپى جاعدايدىڭ باياندى ورنىقتىلىعىن جۇزەگە اسىردى. اسىرەسە، سوڭعى ءۇش جىلدا شينجياڭدا زورلىقتى كۇش لاڭكەستىك دەلوسىنىڭ (ۋقيعاسىنىڭ) تۋىلماۋى شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ ءادىسىنىڭ بۇكىلدەي دۇرىس ەكەندىگىن تولىق دالەلدەدى.
اۋىس ـ كۇيىس ۇيىرمەسى شينجياڭنىڭ كاسىپتىك شەبەرلىككە تاربيەلەۋ، باۋلۋ قىزمەتىن ورىستەتۋدەگى قاتىستى جاعدايلارىن ەگجەي ـ تەگجەيلى تانىستىرىپ، شينجياڭنىڭ قوعام ورنىقتىلىعىن جۇزەگە اسىرۋىنىڭ كاسىپتىك شەبەرلىككە تاربيەلەۋ، باۋلۋ ورتالىعىن زاڭ بويىنشا قۇرۋمەن، كاسىپتىك شەبەرلىككە تاربيەلەۋ، باۋلۋ قىزمەتىن ورىستەتۋمەن تىعىز بايلانىستى ەكەندىگىن باسا دارىپتەدى، بۇل ونىمدىلىك حالىقارالىق قوعامنىڭ جاپپاي مويىنداۋىنا جانە تۇراقتاندىرۋىنا يە بولدى.
اۋىس ـ كۇيىس ۇيىرمەسى بىلاي دەدى: وتكەن جىلدان بەرى، جۇڭگو شەتەل ساياسي ٴءمانساپتىلارى، اقپارات قۇرالدارى تىلشىلەرى، ٴءدىني ۇيىمدار، بەي ۇكىمەتتىك ۇيىمدار سياقتىلاردى قامتىعان 60 نەشە توپ ـ توپ ۇيىرمەنى (گرۋپپانى) شينجياڭعا ساپارلاي كەلىپكەلۋگە ۇسىنىس ەتىپ، دۇنيە جۇزىنە وبيەكتيۆ، شىنايى شينجياڭدى ايگىلەدى. حالىقارالىق قوعام شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ جونىندەگى جاعىنداعى ىزدەنىسىن ايرىقشا القادى.جۇڭگو شينجياڭ مادەنيەت اۋىس ـ كۇيىس ۇيىرمەسىندەگى 6 ادام وسىنىڭ الدىندا كاتار مەن كۆەيتتە ساپاردا بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
