بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ كەدەيلەردى قونىس اۋدارىپ سۇيەمەلدەۋ مىندەتىن تولىق ورىندادى

170 مىڭعا جۋىق ادام جاڭا ۇيگە قۋانىشپەن كوشىپ كىردى

2019.12.09 15:24     كەلۋ قاينارى : حالىق تورابى

  شينحۋا اگەنتتىگىنىڭ 12 – ايدىڭ 8 – كۇنى ۇرىمجىدەن بەرگەن حابارى. قىس تۇسەردەن بۇرىن، ەڭ سوڭعى ءبىر توپ كەدەي ەگىنشى ـ مالشى جەر – سۋى حالقىن اسىراي الماعان ۇستىرتتەگى تاۋ قويناۋىنان جانە قۇمدى شولدەن قونىس اۋدارىپ، جاسىل القاپقا، جازىققا كوشىپ كەلىپ، مەملەكەت پەن جەرگىلىكتى ۇكىمەت قوسىمشا قاراجات بەرگەن حاۋىپسىز ۇيگە ورنالاستى، سونىمەن شينجياڭ «13 ـ بەسجىلدىق» جوسپار كەزىندە كەدەيلەردى قونىس اۋدارىپ سۇيەمەلدەۋ مىندەتىن تولىق ورىنداپ، 40146 وتباسى، 169 مىڭ 400 ادام جاڭا ۇيگە قۋانىشپەن كوشىپ كىردى.

  قاشقار ايماعىنىڭ قاعىلىق اۋدانىندا 2017 ـ جىلدان بەرى، اقتاش ورنالاستىرۋ رايونى جەرگىلىكتى 3 تاۋلى وڭىردەگى اۋىل ـ قالاشىقتان 3150 وتباسى، 14 مىڭ كەدەي جان سانىن قابىلداپ، شينجياڭداعى ەڭ ۇلكەن قونىس جاڭالاپ ورنالاستىرۋ رايونىنا اينالدى.«جاڭا ءۇيدىڭ يقۋاتى تولىق، توسەك، كورپە ـ جاستىق، كيىم ـ كەشەك جانە قاراپايىم كۇندەلىكتى تۇتىنۋ بۇيىمدارىن ساتىپ الىپ قانا كوشىپ كىردىك» دەدى 58 جاستاعى تۇرامات تۇنياز ، بىلتىر 11 - ايدا تاسقىن اپاتى كوپ تۋىلاتىن چيپان اۋىلى قاراسور قىستاعىنان كوشىپ شىققاننان كەيىن، ونىڭ وتباسىندا وراسان زور وزگەرىستەر تۋىلعان.

  ءتىلشى تۇرامات تۇنياز سياقتى شينجياڭنىڭ وڭتۇستىگىندەگى باسقا جەرگە كوشىرۋ، ورنالاستىرۋ رايوندارىنا كوشىرىلەتىن ەگىنشى ـ مالشىلاردىڭ قونىس ورتاسى بارىنشا جاقسارىپ، «ەكىدەن تارىقتىرماۋ، ءۇشتى قامتاماسىز ەتۋ» ماسەلەسى شەشىلگەندىگىن، كاسىپتەنۋ ارناسى كوبەيىپ، كەدەي وتباسىلارىنىڭ كىرىسى ارتقاندىعىن بايقادى.قاشقار ايماعى پوسكام اۋدانىنا ورنالاسقان تۇڭ ـ ان اۋىلى ءبىر جىلدىڭ الدىندا شينجياڭنىڭ كۇنلۇن تاۋىندا اتقارعان ايماق، وبلىس اتتاعان، تۇتاس اۋىل ـ قالاشىقتاردى كوشىرىپ ورنالاستىرۋ ءتۇيىنى بولاتىن. بۇل ارادا حاۋىپسىز تۇرعىن ءۇي جانە سايكەستى سۋ، ەلەكتر تورابى، جول، جاعار گاز سياقتى الەۋمەتتىك قىزمەت وتەۋ قۇرىلعىلارىنان سىرت، بالالار باقشاسى، باستاۋىش مەكتەپ، شيپاحانا، قىستاق تۇرعىندارىنىڭ قيمىل ورتالىعى جانە باۋ - باقشا الاڭى بار.

  كوشىرىلەتىن بۇقارانىڭ كەدەيلىكتەن قۇتىلۋىنا كومەكتەسۋ، قونىستانۋ شارت ـ جاعدايىن جاقسارتۋ نەگىزىندە، جەرگىلىكتى ۇكىمەت كاسىپورىنداردى ىرگە تەبۋگە باۋراۋ، قىستاق تۇرعىندارىنىڭ جۇمىسقا ورنالاسۋىنا، شارۋاشىلىق قۇرۋىنا دەم بەرۋ سياقتى شارالار ارقىلى كوشىرىلەتىن كەدەي وتباسىلاردىڭ ورنىعىپ قالۋىنا، اۋقاتتانۋىنا مۇمكىندىك جاسادى. اقتاش ورنالاستىرۋ رايونىندا جەرگىلىكتى ورىن ەنگىزگەن 7 زاۆود 4000نان استام قىزمەت ورنىن ازىرلەپ، ءار وتباسىنا كەمىندە ءبىر ادامنىڭ تۇراقتى كاسىپتەنۋىن قامتاماسىز ەتتى. مۇنان سىرت، كۇن سايىن كەمەلدەنىپ كەلە جاتقان سايكەستى نىساندار كەدەي وتباسىلارىن دەربەس شارۋاشىلىق قۇرىپ، جۇمىسقا ورنالاستىرۋ تەكشەسىمەن قامدادى، تۇڭ ـ ان اۋىلىندا 102 ساۋدا دۇكەنى جانە 98 جايما ورنى بار اۋىل شارۋاشىلىق ساۋدا بازارى قۇرىلىپ، كوشىرىلەتىن وتباسىلارىنىڭ شارۋاشىلىق جۇرگىزۋىنە بەرىلدى. «جۇمىسقا ورنالاسقاننان كەيىن، كوشىرىلەتىن ەگىنشى ـ مالشىلاردىڭ ىستەيتىن جۇمىسى، كىرىسى بولدى، رۋحاني بەت ـ بەينەسى دە بارىنشا جاقساردى» دەدى تۇڭ ـ ان اۋىلدىق پارتكومنىڭ شۋجيى ۋاڭ شوۋحۇي.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار