شينجياڭ باسقا جەرگە كوشىرىپ كەدەيلەردى سۇيەمەلدەۋ مىندەتىن جاپپاي ورىندادى
170 مىڭ ادام جاڭا قونىستارىنا قۋانا كوشتى
2019.12.10 14:41 كەلۋ قاينارى : شينجياڭ گازەتى
شينحۋا اگەنتتىگىنىڭ 12 - ايدىڭ 8 - كۇنى ۇرىمجىدەن بەرگەن حابارى (ءتىلشى گۋان چياۋچياۋ). قىس تۇسۋدەن ىلگەرى، ەڭ اقىرعى ءبىر توپ كەدەي ەگىنشى - مالشى ”تۇرمىس كەشىرۋگە قولايسىز“ ءۇستىرتتى تاۋ قويناۋى مەن ءشول جازيرانىڭ كىندىگىنەن جاسىل القاپ، جازىق جەرگە كوشىپ بارىپ، مەملەكەت پەن جەرگىلىكتى ۇكىمەتتىڭ كومەك قاراجاتىمەن سالىنعان حاۋىپسىز ۇيلەرگە كوشىپ كىردى. وسىعان دەيىن، شينجياڭ ”13 - بەسجىلدىق“ جوباداعى باسقا جەرگە كوشىرىپ كەدەيلەردى سۇيەمەلدەۋ مىندەتىن جاپپاي ورىندادى، 40 مىڭ 146 وتباسىنان 169 مىڭ 400 ادام جاڭا قونىسقا كوشتى.
قاشقار ايماعىنىڭ قاعىلىق اۋدانى 2017 - جىلدان بەرى اقتاش ورنالاستىرۋ رايونىنا جەرگىلىكتى 3 تاۋلى رايونداعى اۋىل - قالاشىقتاردان 3150 وتباسىنان 14 مىڭ كەدەي قاۋىمدى ورنالاستىردى، بۇل جەر شينجياڭنىڭ باسقا جەرگە كوشىرىپ ورنالاستىرۋداعى ەڭ ۇلكەن رايونىنا اينالدى.
”جاڭا ءۇي تولىق جابدىقتالعان، توسەك، كورپە - جاستىق، كيىم - كەشەك جانە كۇندەلىكتى تۇتىنۋ بۇيىمدارى سياقتىلاردى عانا الىپ كىرە سالاسىڭ“، - دەدى 58 جاستاعى تۇرمامەت تۇنياز. بىلتىر 11 - ايدا تاسقىن اپاتى كوپ تۋىلاتىن چيپان اۋىلى قاراشور قىستاعىنان كوشىپ شىققاننان كەيىن، ونىڭ وتباسى تۇرمىسىندا زور وزگەرىس بولدى.
تۇرمامەت تۇنياز سياقتىلاردى ءتىلشى شينجياڭنىڭ وڭتۇستىگىندەگى كوپتەگەن باسقا جەرگە كوشىرىپ ورنالاستىرۋ رايوندارىنان مىنالاردى كوردى: كوشىرىلگەن ەگىنشى - مالشىلاردىڭ قونىس ورتاسى زور دارەجەدە جاقسارىپ، ”ەكىدەن تارىقتىرماۋ، ءۇشتى قامتاماسىز ەتۋ“ ماسەلەسى شەشىلىپ، جۇمىستانۋ جولدارى كوبەيىپ، كەدەي وتباسىلارىنىڭ كىرىسى ارتقان.
قاشقار ايماعى پوسكام اۋدانىنىڭ تۇڭان اۋىلى − شينجياڭنىڭ ءبىر جىلدىڭ الدىندا كۇنلۇن تاۋلى رايونىندا اتقارعان ايماق، وبلىس اتتاپ، تۇتاس اۋىل - قالاشىق بويىنشا كوشىرۋ، ورنالاستىرۋ ءتۇيىنى. بۇل ارادا حاۋىپسىز تۇرعىن ۇيلەر مەن سايكەستى سۋ، ەلەكتر تورابى، جول، جانار گاز سياقتى الەۋمەتتىك قىزمەت ەتۋ قۇرىلعىلارىنان سىرت، سايكەستى بالاباقشا، باستاۋىش مەكتەپ، شيپاحانا، قىستاق تۇرعىندارى قيمىل ورتالىعى جانە باقشا الاڭى بار.
بۇقارانى جۇتاڭ ۇيدەن كوشىرىپ، تۇرعىن ءۇي شارت - جاعدايىن جاقسارتۋ نەگىزىندە، جەرگىلىكتى ۇكىمەت تاعى كاسىپورىنداردى كەلىپ ىرگە تەبۋگە باۋراۋ، قىستاق تۇرعىندارىن جۇمىستاندىرۋ، شارۋاشىلىق قۇرۋعا شابىتتاندىرۋ سياقتى شارالار اتقارۋ ارقىلى كوشىرىلگەن كەدەي وتباسىلارىن ورنىقتىرىپ، اۋقاتتانۋىنا مۇمكىندىك جاسادى. اقتاش ورنالاستىرۋ رايونىندا جەرگىلىكتى ورىن ەنگىزگەن 7 زاۆود 4000 جۇمىس ورنىمەن قامداپ، ءار وتباسىنان، كەم دەگەندە، ءبىر ادامدا تۇراقتى جۇمىس بولۋ قاجەتىن قاناعاتتاندىردى. مۇنان سىرت، بىرتىندەپ كەمەلدەنىپ كەلە جاتقان سايكەستى نىساندار كەدەي وتباسىلارىنىڭ دەربەس شارۋاشىلىق قۇرىپ جۇمىستانۋىنا دا وراي تۋدىردى.
قازىر تۇڭان اۋىلىندا 102 دۇكەن جانە 98 جايما ورنى جايعاسقان اۋىل شارۋاشىلىق ونىمدەرى ساۋدا بازارى بار، بۇلار كوشىرىلگەن وتباسىلارىنىڭ تيجارات جاساۋىنا بەرىلدى.”جۇمىستانعاننان كەيىن، كوشىرىلگەن ەگىنشى - مالشىلاردا ىستەيتىن جۇمىس، تاباتىن كىرىسى بولعاندىقتان، رۋحاني بەت - بەينەلەرى دە بارىنشا جاقساردى“، - دەدى تۇڭان اۋىلدىق پارتكومنىڭ شۋجيى ۋاڭ شوۋحۇي.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
