ۇرىمجىدە كونە تۇرعىن ۇيلەردەن 90 مىڭنان استامىن جاڭالادى
حالىق گازەتىنىڭ ءتىلشىسى لي يانان
2019.12.18 15:32 كەلۋ قاينارى : حالىق تورابى
شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسىنىڭ تۇرعىندار اۋلاسىندا تۇراتىن 77 جاستاعى مەي زۋيۋان قابات ۇيگە باسپالداقپەن شىعۋدان الاڭدامايتىن بولدى، «ليفت ورناتىلعاننان كەيىن، قابات ۇيگە شىعىپ - كىرۋ الدە قايدا قولايلى بولدى».
ءادىل وسى الەۋمەتتىك اۋماقتاقتىڭ ءبىرىنشى قاباتىندا تۇرادى، بۇرىن لاس سۋ قۇبىرى ۇنەمى بىتەلىپ قالىپ، ابدەن اۋرەگە سالاتىن، ول: «وسى جولى اس ءۇي مەن دارەتحانانىڭ لاس سۋ قۇبىرىنا وزگەرىس ەنگىزىلىپ، ءبىزدىڭ ءبىر قيىنشىلىعىمىز شەشىلدى. قابات ءۇيدىڭ سىرتقى داۋالىنا دا جىلۋلىق ساقتاۋ قاباتى ورناتىلىپ، اۋلانىڭ جولدارى كەڭەيتىلدى، كوكتە ايقاسىپ تۇراتىن توك سىمدارى جەر استىمەن جۇرگىزىلدى، مۇنىڭ ءبارى مەن 20 نەشە جىل تۇرعان الەۋمەتتىك اۋماقتى ونان ارى كورىكتەندىردى»، — دەيدى.
قۇرىلىس جۇرگىزۋشى ورىن — شينجياڭ سانجى قالا قۇرىلعىلارىن سالۋ (توبى) شەكتى سەرىكتەستىگىنىڭ ناق مايدانداعى جۇمىسقا جاۋاپتى قىزمەتكەرى لي يانحۋدىڭ تانىستىرۋىنشا، بۇرىن اتالعان تۇرعىندار اۋلاسىنىڭ جولى تار بولاتىن دا ءورت ءوشىرۋ ماشيناسى، شۇعىل قۇتقارۋ ماشيناسى قاتارلىلاردىڭ كىرۋى قيىن بولاتىن، توك سىمدارى ورمەكشىنىڭ تورىنداي ايقاسىپ تۇراتىن، لاس سۋ قۇبىرى دا ۇنەمى بوگەلەتىن، بۇل تۇرعىندارعا كوپتەگەن قولايسىزدىقتار تۋدىرعان ەدى. ءۇرىمجى قالاسى سايباق رايونى قۇرىلىس ساپاسى مەن حاۋىپسىزدىگىن باقىلاۋ پۋنكتىنىڭ باستىعى جۋ زوچىڭ: «تۇرعىندار اۋلاسىندا الەۋمەتتىك اۋماقتىڭ فۋنكتسياسىن كەمەلدەندىرۋ نىسانى اتقارىلۋدا، 30 مىڭ 300 وتباسىنداعى 120 مىڭداي تۇرعىن بۇدان يگىلىكتەندى، جاڭالاۋ مازمۇنى ليفت ورناتۋ، اس ۇيلەردى جاڭالاۋ، قۇرىلىستىڭ ەنەرگيا ۇنەمدەۋ ينجەنەرياسى، الەۋمەتتىك اۋماقتاعى سايكەستى قۇرىلعىلاردى كەمەلدەندىرۋ سياقتىلاردى قامتيدى»، — دەيدى.
مۇراجاي تۇرعىندار رايونىنىڭ تۇرعىنى جاۋ يۇڭچياڭ تىلشىگە ءوزىنىڭ جاڭالاۋدان وتكەن ءۇيىن كورسەتتى: بۇرىنعى تاپ – تار سامالدىق اس ۇيگە وزگەرتىلىپ، اسادال جانە كوكونىس جۋۋ شاراسى ورنالاستىرىلعان؛ دارەتحانا پلاستيكالىق بولاتپەن ءبولىنىپ كەڭەيتىلگەن سوڭ، قول جۋۋ شاراسى، جۋىنۋ قۇرىلعىلارى ورنالاستىرىلعان؛ 41 شارشى مەترلىك ءبىر بولمەلى ءۇي كەڭ كورىنىپ، پايدالانىمدىلىعى دا ارتا تۇسكەن. «اس ءۇيدىڭ جاڭالانۋى ءوزىمىزدىڭ اشەكەيلەگەنىمىزدەن دە جاقسى بولدى، ءۇيىمىز جايلى بولدى»، — دەيدى ول.
بۇل الەۋمەتتىك اۋماقتا جاۋ يۇڭچياڭنىڭ ۇيىمەن بىرگە 650 وتباسىنىڭ ءۇيى دە جاڭالانعان، جاڭالاۋ اقىسىن ۇكىمەت پەن تۇرعىندار بىرگە ۇستىنە العان. ول: «تۇرمىستىق ورتاداعى وزگەرىستەر وسىنشالىق زور بولدى، اقشانى دا كوپ شىعارمادىق، ىشتەي قاتتى قۋاندىق!» — دەيدى.
ءۇرىمجى قالاسى 2019 – جىلى ورتالىق قالا رايونىنداعى كونە تۇرعىندار اۋلالارىنداعى ۇيلەرگە كەڭ كولەمدى جالپىلىق جاڭارتۋ جۇمىستارىن ورىستەتتى. اس ءۇيدى جاڭالاۋ، لاس سۋ قۇبىرى مەن توك سىمدارىن جاڭالاۋ، ليفت ورناتۋ قاتارلى تاسىلدەر ارقىلى توپقا، كەزەڭگە ءبولىپ اتقارىپ، جىل بويى جيىنى 91 مىڭ وتباسىنىڭ ءۇيىن جاڭالادى، قازىر جۇمىس نەگىزىنەن اياقتادى.
قييۇم ابىلەز ەسىمدى تۇرعىن تۇرمىستىق ورتاداعى وزگەرىستەردى تەرەڭ سەزىنگەن. بۇرىن ولاردىڭ وتباسىنداعى بىرنەشە جان حەيجياشان اۋماعىنداعى ون نەشە شارشى مەترلىك اياداي ۇيدە تۇرعان. بۇرىن حەيجياشاندى ايتقاندا، ول ۇنەمى باسىن شايقايتىن: ءوزى جاساپ العان، الباتى سالىنعان قۇرىلىس كوپ، جەمىس – جيدەك جەۋ ءۇشىن سىرتقا بارىپ الۋ كەرەك، ءۇيدى جىلىتۋ ءۇشىن مەشكە كومىرمەن وت جاعاتىنبىز، اتتاپ باسقان جەرىڭ لاس سۋ بولاتىن. بۇگىنگى تاڭدا، شاعۋ جانە قايتا سالۋدان كەيىن، حەيجياشاندا بيىك عيماراتتار بوي تۇزەپ، جاسىلداندىرىلىپ، تۇرعىندار جاراسىمدى تۇرادى. قييۇم كوشكەننەن سوڭ 80 شارشى مەترلىك ۇيگە كىردى، ۇكىمەتتىڭ كومەگىندە قىزمەت تە تاپتى. تۇرعىندار رايونىنا جاقىن جەردەگى حەيجياشان امبەباپ اۋىل شارۋاشىلىق بازارىنداعى 2500 شارشى مەترلىك قالتقى وسى ماڭداعى تۇرعىنداردىڭ كۇندەلىكتى تۇرمىستىق قاجەتىن قامتاماسىزداندىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
