بىرگە اقىلداسىپ، بىرگە قۇرىپ، بىرگە يگىلىكتەنىپ، كوركەم بولاشاق جاراتايىق
7 - كەزەكتى جۇڭگو − ازيا - ەۆروپا كورمەسى كەلەر جىلى 9 - ايدا وتكىزىلەدى
2019.12.23 15:21 كەلۋ قاينارى : حالىق تورابى
حالىق تورابى، 12 – ايدىڭ 23 – كۇنى، بەيجيڭ. 12 - ايدىڭ 20 - كۇنى 7 - كەزەكتى جۇڭگو − ازيا - ەۆروپا كورمەسىن تانىستىرۋ ءماجىلىسى بەيجيڭدە اشىلدى. وسى كەزەكتى كورمە 2020 - جىلى 9 - ايدىڭ 3 - كۇنىنەن 7 - كۇنىنە دەيىن ءۇرىمجى قالاسىنىڭ حۇڭگۋاڭشانىنا ورنالاسقان شينجياڭ حالىقارالىق كورمە ورتالىعىندا وتەدى، ءۇرىمجى قالالىق ۇكىمەت تۇڭعىش رەت جاۋاپتى بولىپ وتكىزەدى.
7 - كەزەكتى جۇڭگو − ازيا - ەۆروپا كورمەسىنىڭ نەگىزگى تاقىرىبى − «بىرگە اقىلداسىپ، بىرگە قۇرىپ، بىرگە يگىلىكتەنىپ، كوركەم بولاشاق جاراتايىق». وسى كەزەكتى كورمە «ءبىر پورت»، «ەكى رايون»، «بەس ۇلكەن ورتالىق»، «شەكارا وتكەلى ەكونوميكالىق بەلدەۋى» قۇرىلىسىن نەگىز ەتىپ، قارجى قوسۋ سەلبەستىگى، جىبەك جولى ەكونوميكالىق بەلدەۋى وزەكتى رايون قۇرىلىسى، كاسىپ سالاسىنىڭ جاڭا قوزعاۋشى قۋاتى، حالىقارالىق ساۋدادا جاڭالىق اشۋ، تاۋار ساۋداسى، تۇتاس وڭىرلىك سەلبەستىك بويىنشا سىرتقا ەسىك اشۋ، كەدەيلەردى دالمە - ءدال سۇيەمەلدەۋ جەتىستىگى سىندى جەتى ۇلكەن كورمە ءوڭىرىن ورنالاستىرادى، 12 كورمە مازمۇنىنا سايادى، سونداي - اق رەت مينيستر دارەجەلى سەگىز تالقى مىنبەرى وتكىزىلەدى، كورمە - ءماجىلىستىڭ جالپى اۋماعى 100 مىڭ شارشى مەترگە جەتەدى.
وسى رەتكى تانىستىرۋ ماجىلىسىنە قاتىناسقان تاجىكستاننىڭ جۇڭگوداعى باس ەلشىسى پارۋز داۆلاتزادە مىنانى ءبىلدىرى: جۇڭگونىڭ شينجياڭى جۇڭگو - تاجىكستان ەكى جاقتى سەلبەستىگىن ىلگەرىلەتۋدە ماڭىزدى رول اتقاردى، جۇڭگو - تاجىكستان سىرتقى ساۋداسىنىڭ ％60ى جۇڭگونىڭ شينجياڭنىڭ قاراسۋ وتكەلى ارقىلى جۇزەگە اسۋدا. جۇڭگو − ازيا - ەۆروپا كورمەسى التى كەزەك وتكىزىلىپ، تاجىكستان ساياسي، ساۋدا سالاسىنىڭ قارسى الۋى مەن نازار اۋدارۋىنا يە بولدى، 7 - كەزەكتى جۇڭگو − ازيا - ەۆروپا كورمەسىنەن ەرەكشە ءۇمىت كۇتەمىز.
«بۇل ءۇرىمجى قالاسى تۇڭعىش رەت ۇستىنە الىپ وتكىزەتىن جۇڭگو − ازيا - ەۆروپا كورمەسى، ءبىز الدا كورمە قۇرىلعىلارىن كەمەلدەندىرىپ، ماڭداي الدى كورمە قىزمەت وتەۋى مەن باي مازمۇندا ساۋدا - ەكونوميكا قيمىلدارى ارقىلى جۇڭگولىق، شەتەلدىك قوناقتار مەن ساۋداگەرلەرگە جوعارى ءونىمدى، قولايلى، كورمە جانە ساۋدا - ساتتىق ورتاسىن جاراتىپ، جۇڭگو، شەتەل كاسىپورىندارىنىڭ ساۋدا كەڭەسى، قارجى قوسۋ سەلبەستىگى ءۇشىن تاماشا تۇعىر ازىرلەيمىز» دەدى ءۇرىمجى قالاسىنىڭ ورىنباسار باستىعى، جۇڭگو − ازيا - ەۆروپا كورمەسى حاتشىلار باسقارماسىنىڭ ورىنباسار باس حاتشىسى لي ۋي.
شاڭحاي سەلبەستىك ۇيىمى، تاجىكستان، ازەربايجان، دومينيكا، يندونەزيا، سەربيا سياقتى 26 حالىقارالىق ۇيىم مەن مەملەكەتتىڭ جۇڭگودا تۇراتىن قۇرىلمدارىنىڭ ۋاكىلدەرى وسى رەتكى تانىستىرۋ ماجىلىسىنە قاتىناستى.
مۇنان بۇرىن، شينجياڭ التى كەزەك جۇڭگو − ازيا - ەۆروپا كورمەسىن تابىستى وتكىزىپ، جالپى بەس قۇرلىقتاعى 70 نەشە مەملەكەت پەن رايونداعى كاسىپورىندار كورمەگە قاتىناستى؛ 50دەن استام رەت جوعارى دارەجەلىلەر تالقى مىنبەرىن جانە ارناۋلى تاقىرىپتىق قيمىل وتكىزدى؛ شوعىرلى قول قويىلعان بىرلەسكەن نىساندارىنىڭ جالپى قارجى مولشەرى ءبىر تريلليون 300 ميلليارد يۋاننان استى، سىرتقى ەكونوميكا - ساۋدا توقتامىنىڭ جالپى قارجى مولشەرى 36 ميلليارد دوللارعا تايادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
