بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

  2020 - جىلعى كوكتەمگى تاسىمال 1 - ايدىڭ 10 - كۇنى باستالادى

شينجياڭ مولشەرمەن 18 ميلليون 700 مىڭ ادام - رەت جولاۋشى جونەلتەدى

2019.12.27 15:27     كەلۋ قاينارى : شينجياڭ گازەتى

  2020 - جىلعى اۆتونوميالى رايوندىق كوكتەمگى تاسىمال تەلەۆيزور - تەلەفون ماجىلىسىنەن ۇعىسۋعا قاراعاندا، 2020 - جىلعى كوكتەمگى تاسىمال قىزمەتى 1 - ايدىڭ 10 - كۇنى باستالىپ، 2 - ايدىڭ 18 - كۇنى اياقتايدى، جيىنى 40 كۇنگە جالعاسادى. بۇكىل رايوندا جولاۋشى جونەلتىلۋ مولشەرى شامامەن 18 ميلليون 700 مىڭ ادام - رەت بولىپ، بىلتىرعىدان انتەك ارتادى.

  كوكتەمگى تاسىمال كەزىندە، وقۋشىلار ءنوپىرى، تۋىسشىلاۋ ءنوپىرى، ەڭبەكشىلەر ءنوپىرى قاباتتاسىپ، مەجەمەن بۇكىل رايوندا تاس جول جولاۋشى تاسىمال مولشەرى 9 ميلليون 300 مىڭ ادام - رەت، تەمىر جول جولاۋشى تاسىمال مولشەرى 5 ميلليون 250 مىڭ ادام - رەت، حالىقتىق اۆياتسيا جولاۋشى تاسىمال مولشەرى 4 ميلليون 150 مىڭ ادام - رەت بولادى، تاسىمالدىڭ قامداۋ - قاجەتسىنۋ جالپى مولشەرىندەگى قايشىلىق بىلتىرعىدان ءبىراز باسەڭدەيدى. مەرەكەدەن بۇرىن جولاۋشىلار ءنوپىرى شوعىرلى بولادى، تەمىر جولداعى كەيبىر ءتۇيىندى بەتالىستاردا، حالىقتىق اۆياتسياداعى كەيبىر ءتۇيىندى لەنيالاردا تاسىمال قۋاتى ەداۋىر تىعىز تاياڭ بولادى.

  كوكتەمگى تاسىمال كەزىندە، شينجياڭ تەمىر جولىنداعى جولاۋشىلار ءنوپىرى شينجياڭ ىشىندەگى جولاۋشىلار ءنوپىرىن نەگىز ەتەدى، كوكتەم مەرەكەسى كەزىندە ءۇرىمجى مەن ايماقتار، وبلىستار اراسىندا قاتىنايتىن جولاۋشىلار ءنوپىرى ەداۋىر شوعىرلى بولادى، شينجياڭنان شىعاتىن جولاۋشىلار ءنوپىرى كوكتەم مەرەكەسىنىڭ الدىندا شاڭحاي، چىڭدۋ، چۇڭچيڭ بەتالىستارىنداعى جولاۋشىلار ءنوپىرىن نەگىز ەتەدى. شينجياڭ تەمىر جول تاراۋلارى تۇراقتى قاتىنايتىن 117 جۇپ پويەز نەگىزىندە، شينجياڭ ىشىندە ۇرىمجىدەن وڭتۇستىك، سولتۇستىك، شىعىس شينجياڭعا ءارقايسى بەتالىستا قاتىنايتىن 55 جولاۋشىلار پويەزىن كوبەيتىپ قاتىناتۋدى جوسپارلادى، سونىمەن بىرگە موتورلى ۆاگوندار، ”فۋشيڭ“ اتتى موتورلى ۆاگون قۇراماسىن قايتا بايلانىستىرىپ قاتىناتۋ تاسىلىنەن پايدالانىپ، شينجياڭ ىشىندەگى جولاۋشىلاردىڭ ساپارعا شىعۋ قاجەتىن قاناعاتتاندىرادى؛ شينجياڭنان شىعۋدا شاڭحاي، چىڭدۋ، چۇڭچيڭ قاتارلى ءتۇيىندى بەتالىستاردا 72 جولاۋشىلار پويەزىن كوبەيتىپ قاتىناتۋ جوسپارلاندى.

  شينجياڭنىڭ قاتىناس - تاسىمال تاراۋلارى 29 مىڭنان ارتىق جولاۋشىلار اۆتوبۋزىن ىسكە قوسىپ، جولاۋشىلاردىڭ ساپارعا شىعۋىن قامتاماسىز ەتۋدى جوسپارلاپ وتىر، سونىمەن بىرگە شۇعىل جاعدايعا توتەپ بەرىپ، قامتاماسىز ەتەتىن 800 جولاۋشىلار اۆتوبۋزىن دايىنداپ، جولاۋشىلار ءنوپىرىنىڭ قاۋىرت كەزىنە توتەپ بەرەدى ءارى جولاۋشىلار تاسىمال بەكەتتەرىن ينتەرنەتتە بەلەت ساتۋدان حابارلاۋ مەن بەلەت ساتۋ مولشەرىن جوعارىلاتۋعا بەلسەنە جەتەكتەپ، شارت - جاعدايى بار جولاۋشىلار تاسىمال بەكەتتەرىن بەلەتتى جەتكىزىپ بەرۋ قىزمەت وتەۋىن ورىستەتۋگە شابىتتاندىرادى.

  كوكتەمگى تاسىمال كەزىندەگى قار - مۇز، سوقىر تۇمان سياقتى اۋا رايلارىنىڭ ىقپالىنا مەڭزەس، شينجياڭ حالىقتىق اۆياتسيا تاراۋلارى مەتەرولوگيالىق قىزمەت وتەۋ مەن جونەلتۋ مولشەرىن باسقارۋدىڭ ەگجەي - تەگجەيلىلەنۋ دەڭگەيىن ءوسىرىپ، ۇشاقتاردىڭ جوسپارلى ورنالاستىرىلۋىن ساپالىلاندىرادى، سونىمەن بىرگە اۆياتسيا سەرىكتەستىكتەرىنەن ۇشۋ گرۋپپاسىنىڭ تەحنيكالىق كۇشىن ءوسىرىپ، كۇردەلى اۋا رايىنا توتەپ بەرۋ قابىلەتىن جوعارىلاتۋدى تالاپ ەتتى. اۋا رايى سەبەبىنەن ۇشاقتاردىڭ كۇشىنەن قالدىرىلۋ نەمەسە كەشىكتىرىلۋ جاعدايى كەزىكسە، حالىقتىق اۆياتسيا تاراۋلارى اۆياتسيا مەن تەمىر جولدى بايلانىستىرىپ، شۇعىل جاعدايعا توتەپ بەرۋ شاراسىن قولدانىپ، جولاۋشىلاردىڭ ۇيىنە تەزىرەك جەتۋىنە كەپىلدىك ەتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار