شينجياڭ قوعامدىق قامسىزداندىرۋ قاراجاتىن تومەندەتىپ، كاسىپورىنداردىڭ 5 ميلليارد 524 ميلليون يۋان اۋىرتپالىعىن جەڭىلدەتتى
2019.12.30 16:11 كەلۋ قاينارى : حالىق تورابى
حالىق تورابى، 12 – ايدىڭ 30 – كۇنى، بەيجيڭ. شينجياڭ گازەتىنىڭ حابارى. «سەرىكتەستىگىمىزدە 900دەن استام قىزمەتكەر بار، بيىل 5 - ايدا قوعامدىق قامسىزداندىرۋ قاراجاتى تومەندەتىلگەننەن بەرى، زەينەتكەرلىك قامسىزداندىرۋىنىڭ وزىنەن ايىنا 130 مىڭ يۋانعا تاياۋ اقشا از تاپسىردىق»، - دەدى 12 - ايدىڭ 27 - كۇنى باي اۋدانى جۇڭتاي كومىر كوكىستەندىرۋ شەكتى سەرىكتەستىگى ديرەكتورىنىڭ ۇنەمىلىك ىستەرگە جاۋاپتى ورىنباسارى ران يۇيشين.
بيىل 5 - ايدىڭ 1 - كۇنىنەن باستاپ، شينجياڭ قوعامدىق قامسىزداندىرۋ قاراجاتىنىڭ مولشەرىن تومەندەتۋ ساياساتىن اتقارىپ، قالا - قالاشىق جۇمىسشى - قىزمەتكەرلەرىنىڭ نەگىزدىك زەينەتكەرلىك قامسىزداندىرۋىندا مەكەمە - ورىنداردىڭ تاپسىراتىن قاراجات سالىستىرماسى %16 تومەندەدى؛ جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋ قاراجاتىن ساتى بويىنشا تومەندەتۋ شەكتى ۋاقىتىن 2020 - جىلى 4 - ايدىڭ 30 - كۇنىنە دەيىن ۇزارتۋدى ۇزدىكسىز تياناقتاندىردى. شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 11 - ايدىڭ سوڭىنا دەيىن، شينجياڭ قوعامدىق قامسىزداندىرۋ قاراجاتىن تومەندەتىپ، كاسىپورىنداردىڭ تاپسىراتىن قوعامدىق قامسىزداندىرۋ اۋىرتپالىعىن جالپى 5 ميلليارد 524 ميلليون يۋان جەڭىلدەتكەن، مۇنىڭ ىشىندە زەينەتكەرلىك قامسىزداندىرۋى 3 ميلليارد 554 ميلليون يۋان، جۇمىسسىزدىق قامسىزداندىرۋى ءبىر ميلليارد 636 ميلليون يۋان، جۇمىس ۇستىندە جارالانۋ قامسىزداندىرۋى 334 ميلليون يۋان بولعان.
قوعامدىق قامسىزداندىرۋ قاراجاتىن تومەندەتۋ كاسىپورىنداردىڭ جۇمىس ورنىن تۇراقتاندىرۋدا شىنايى رول اتقاردى. ران يۇيشيننىڭ تانىستىرۋىنا قاراعاندا، سەرىكتەستىك ۇنەمدەگەن اقشانى جۇمىسشى - قىزمەتكەرلەردى باۋلۋعا، ءوندىرىس تەحنولوگياسىنا وزگەرىس ەنگىزۋگە جۇمساپ، ونىمدەرىنىڭ بازارداعى باسەكەلىك قۋاتىن ارتتىرعان.
ۇلكەن كاسىپورىنداردىڭ سەزىنۋى كورنەكتى بولدى، شاعىن كاسىپورىنداردىڭ «تابىس سەزىمى» دە از بولعان جوق. كۇشار حۋاشيانزى كيىم - كەشەك شەكتى سەرىكتەستىگىندە 20 نەشە ورنىقتى جۇمىستانعان جۇمىسشى - قىزمەتكەر بار، قوعامدىق قامسىزداندىرۋ قاراجاتى تومەندەتىلگەننەن كەيىن، كاسىپورىن تاپسىراتىن اقىنىڭ وزىندىك قۇنىنان جىلىنا 20 مىڭ يۋانعا تاياۋ اقشا ۇنەمدەپ قالدى. «قاراجاتتىڭ تومەندەتىلۋى ءبىزدىڭ كوپ اۋىرتپالىعىمىزدى جەڭىلدەتتى»، - دەدى سەرىكتەستىكتىڭ قازىنا قىزمەتكەرى شاريپا مامتىمين.
قوعامدىق قامسىزداندىرۋ قاراجاتىنىڭ تومەندەتىلۋى كاسىپورىنداردىڭ اۋىرتپالىعىن جەڭىلدەتىپ، بازارداعى ومىرشەڭدىگىن ونان ارى كۇشەيتتى. ءىشىنارا كاسىپورىندار اۋىرتپالىقتان جەڭىلدەتىلگەن قارجىنى قورشاعان ورتا قۇرىلىسى، جۇمىسشى - قىزمەتكەرلەردىڭ كىرىسىن جوعارىلاتۋ، بازار اشۋ قاتارلىلارعا پايدالانىپ، قاراجاتتى تومەندەتۋ ساياساتىنىڭ پايداسىن ناقتى ەكونوميكانى دامىتۋدىڭ قوزعاۋشى كۇشىنە اينالدىردى. سونىمەن بىرگە، قوعامدىق قامسىزداندىرۋ قاراجاتىن تومەندەتۋ كاسىپورىنداردىڭ قامسىزداندىرۋعا قاتىناسۋ بەلسەندىلىگىن دە كۇشەيتتى. شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 11 - ايعا دەيىن تۇتاس شينجياڭداعى كاسىپورىنداردان زەينەتكەرلىك قامسىزداندىرۋىنا قاتىناسقانداردىڭ سانى بىلتىرعىدان 300 مىڭ ادام ارتقان.
«ۇزاق بولاشاقتان قاراعاندا، قوعامدىق قامسىزداندىرۋ قاراجاتىن تومەندەتۋ جۇمىستانۋ ورنىن كوبەيتۋدە، جۇمىستاندىرۋدى جەبەۋدە بەلسەندى رول اتقاردى ءارى قوعامدىق قامسىزداندىرۋ ءتۇزىمىنىڭ باياندى دامۋىنا تىڭ قوزعاۋشى كۇش تە ۇستەيدى»، - دەدى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى زەينەتكەرلىك قامسىزداندىرۋى باسقارماسىنىڭ تەكسەرىپ - زەرتتەۋشىسى سۇن جانشۋە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
