شينجياڭ ۇيعۇر اۆتونوميالى رايوندىق ساياسي كەڭەس جاڭا جىل شاي ءماجىلىسىن وتكىزدى
2020.01.02 16:26 كەلۋ قاينارى : حالىق تورابى
حالىق تورابى، 1 – ايدىڭ 2 – كۇنى، بەيجيڭ. 2019 - جىلى 12 - ايدىڭ 31 - كۇنى تۇستەن كەيىن، شينجياڭ ۇيعۇر اۆتونوميالى رايوندىق ساياسي كەڭەس شينجياڭ يىڭبين قوناق ءۇيىنىڭ ءماجىلىس ورتالىعىندا جاڭا جىل شاي ءماجىلىسىن وتكىزدى. چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، جاڭ چۇنلين دەموكراتيالىق پارتيا - توپتاردىڭ شينجياڭ رايوندىق كوميتەتىندەگىلەرمەن، شينجياڭ ۇيعۇر اۆتونوميالى رايوندىق ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن، شينجياڭ ۇيعۇر اۆتونوميالى رايونىنىڭ قاتىستى جاقتارىنداعى جاۋاپتى جولداستارمەن، سونداي - اق ءار ۇلت، ءار سالا قايراتكەرلەرىنىڭ ۋاكىلدەرىمەن ءبىر اراعا قۋانىشپەن باس قوسىپ، 2020 - جىلعى جاڭا جىلدى بىرگە قارسى الدى. شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن شاي ءماجىلىسىن باسقاردى.
دۋ قول شاپالاق ءۇنى ىشىندە شينجياڭ ۇيعۇر اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو ىقىلاسقا تولى ءسوز سويلەدى. ول شينجياڭ ۇيعۇر اۆتونوميالى رايوندىق پارتكوم مەن حالىق ۇكىمەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، حالىقتىق ۇيىمدارعا، بۇكىل شينجياڭداعى قالىڭ جۇمىسشىلارعا، شارۋالارعا، زيالىلارعا، كادرلارعا جانە ءار سالاداعى قايراتكەرلەرگە، دەمالىسقا، پەنسياعا شىققان ساقا جولداستارعا، حالىق ازاتتىق ارمياسىنىڭ شينجياڭدا تۇراتىن كوماندير - اسكەرلەرىنە، قارۋلى ساقشى كوماندير - اسكەرلەرىنە، قوعام حاۋىپسىزدىگى كادر - ساقشىلارىنا، ءورت ءسوندىرۋ، ورتتەن ساقتانۋ، قۇتقارۋ اترەتىنىڭ كوماندير - اسكەرلەرىنە، ءوندىرىس - قۇرىلىس بيڭتۋانىنداعى كادرلارعا، جۇمىسشى - قىزمەتشىلەرگە، شينجياڭعا كومەككە كەلگەن قالىڭ كادرلارعا، دارىندىلارعا، سونداي - اق ورتالىقتىڭ شينجياڭدا تۇراتىن ورىندارىنداعى جولداستارعا، شينجياڭنىڭ ورنىقتىلىعى مەن دامۋىنا كوڭىل بولگەن، كومەكتەسكەن جانە قولداۋ كورسەتكەن بارشا دوستارعا شىنايى سالەم جولدادى جانە جاڭا جىل بايلانىسىمەن ىزگى تىلەك ءبىلدىردى.
چىن چۋانگو بىلاي دەدى: 2019 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇيعۇر اۆتونوميالى رايوندىق پارتكوم تۇتاس رايونداعى ءار ۇلت كادرلارى مەن بۇقاراسىن ىنتىماقتاستىرىپ جانە باستاپ، ورنىقتىلىق، دامۋ، رەفورما قىزمەتتەرىن تىڭعىلىقتى ىستەپ، ءتۇرلى ىستەردىڭ تىڭنان العا باسۋىن ىلگەرىلەتتى. بۇل ناتيجەلەرگە باس شۋجي شي جينپيڭنىڭ تۋ ۇستاپ باعدار بەلگىلەۋىنىڭ، جول باستاپ كوشباسشى بولۋىنىڭ ارقاسىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ شۇعىلالى جەتەكشىلىگىنىڭ، عىلىمي جەتەكشىلىگىنىڭ ارقاسىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ، شىنايى قامقورلىعىنىڭ ارقاسىندا، بۇكىل ەلدەگى ءار ۇلت حالقىنىڭ قالتقىسىز كومەگىنىڭ، كۇش سالا قولداۋىنىڭ ارقاسىندا، تۇتاس رايونداعى پارتيانىڭ، ۇكىمەتتىڭ، ارميانىڭ، ساقشىنىڭ، بيڭتۋاننىڭ، حالىقتىڭ ءبىر نيەتپەن ىنتىماقتاسۋىنىڭ، قاجىرلىقپەن كۇرەس جۇرگىزۋىنىڭ ارقاسىندا قول جەتتى، وعان ءار دارەجەلى ساياسي كەڭەس ۇيىمدارىنىڭ جانە دەموكراتيالىق پارتيا - توپتاردىڭ، پارتيادا، توپتا جوق قايراتكەرلەردىڭ، حالىقتىق ۇيىمداردىڭ، سونداي - اق قالىڭ ساياسي كەڭەس مۇشەلەرىنىڭ ماڭداي تەرلەرى مەن اقىل - پاراساتتارى دا سىڭگەن، قالىڭ كادرلار مەن بۇقارا، ءار ۇلت، ءار سالا قايراتكەرلەرى باستان - اياق نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ەل بىرلىگىنەن بەرىك قامال تۇرعىزىپ، قاجىرلىقپەن كۇرەسىپ قولعا كەلتىردى.
چىن چۋانگو مىنانى اتاپ كورسەتتى: وتكەن ءبىر جىلدا، تۇتاس شينجياڭداعى ءار دارەجەلى ساياسي كەڭەس ۇيىمدارى جانە ءار ۇلت، ءار سالاداعى ساياسي كەڭەس مۇشەلەرى وزەكتى ارقاۋ ەتىپ، كەلەلى جاعدايعا قىزمەت ەتىپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن تولىق ساۋلەلەندىرىپ، دەموكراتيانى ساۋلەلەندىرۋ مەن ىنتىماقتى جەبەۋدى ءوزارا تۇتاستىرۋعا، ۇسىنىس قويىپ، كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش شىعارۋعا تاباندى بولىپ، پارتكوم مەن ۇكىمەتتىڭ عىلىمي شەشىم جاساۋىن ىلگەرىلەتۋگە كوزقاراسى بار، سالماعى بار، قۇنى بار پىكىر - ۇسىنىستار ورتاعا قويىپ، ورنىقتىلىقتىڭ، دامۋدىڭ، رەفورمانىڭ ءتۇرلى ىستەرىن ىلگەرىلەتۋ ءۇشىن ماڭىزدى ۇلەس قوستى. جاڭا ءبىر جىلدا، ءبىز جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، ەڭ كەڭ وتانشىلدىق بىرلىكساپتى بەكەمدەپ جانە دامىتىپ، حالىق ساياسي كەڭەسىنىڭ ءتۇزىم ابزالدىلىعىن شينجياڭدى ورنىقتىرۋداعى، شينجياڭدى گۇلدەندىرۋدەگى، شينجياڭدى تىنىشتاندىرۋداعى جونگە سالۋ ونىمدىلىگىنە شىنايى اينالدىرۋىمىز كەرەك. ءار دارەجەلى ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ۇلى ىنتىماقتان، ۇلى بىرلىكتەن جازباي، بارلىق بەلسەندى فاكتوردى قۇلشىنا جۇمىلدىرىپ، ىنتىماقتاستىرۋعا بولاتىن بارلىق كۇشتى ىنتىماقتاستىرىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن بىرگە تىنباي كۇرەسۋ كەرەك.
چىن چۋانگو مىنانى باسا دارىپتەدى: 2020 - جىل − جاپپاي دوڭگەلەك داۋلەتتى قوعام ورناتاتىن جانە «13 – بەسجىلدىق» جوبا اياقتالاتىن جىل، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە، ءبىرىنشى 100 جىلدىق كۇرەس نىساناسىن جۇزەگە اسىرۋدا شەشۋشى جەڭىسكە جەتەتىن جىل. ءبىز «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قيىن - قىستاۋلاردان بىرگە ءوتىپ، ۇدەرە العا تارتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قايراتتانا جاقسى جازۋىمىز كەرەك.
شينجياڭ ۇيعۇرۇ اۆتونوميالى رايوندىق ساياسي كەڭەستىڭ مۇشەسى، جۇڭگو دەموكراتيالىق مەملەكەت قۇرۋ قوعامى شينجياڭ رايوندىق كوميتەتى مەڭگەرۋشىسىنىڭ ارناۋلى مىندەتتەگى ورىنباسار مۇشەسى جاي جيانفاڭ، شينجياڭ ۇيعۇر اۆتونوميالى رايوندىق ساياسي كەڭەستىڭ تۇراقتى مۇشەسى، شينجياڭ مال شارۋاشىلىعى عىلىم اكادەمياسىنىڭ جوعارى دارەجەلى مال دارىگەرى ايساجان ابىلا شاي ماجىلىسىندە لەبىز ءبىلدىردى.
شينجياڭ ۇيعۇر اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، شينجياڭ ءوندىرىس - قۇرىلىس بيڭتۋانى باسشىلىق القاسىنىڭ مۇشەلەرى، شينجياڭ ۇيعۇر اۆتونوميالى رايوندىق جوعارى حالىق سوتى مەكەمەسىندەگى، شينجيڭ ۇيعۇر اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى، اۋە ارميا ءۇرىمجى بازاسىنداعى نەگىزگى جاۋاپتى جولداستار، ۇرىمجىدەگى ءبىر ءبولىم شينجياڭ ۇيعۇر اۆتونوميالى رايونىنان دەمالىسقا، پەنسياعا شىققان ورىنباسار ولكە دارەجەلىدەن جوعارى ساقا جولداستار شاي ماجىلىسىنە قاتىناستى. شينجياڭ ۇيعۇر اۆتونوميالى رايونىنىڭ قاتىستى تاراۋلارىنداعى جانە ورتالىقتىڭ شينجياڭدا تۇراتىن ورىندارىنداعى ءبىر ءبولىم جاۋاپتى جولداستار، ۇرىمجىدەگى ءبىر ءبولىم پارتيا 19 - قۇرىلتايىنىڭ ۋاكىلدەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ ۋاكىلدەرى، ءار ۇلت، ءار سالانىڭ ۋاكىل قايراتكەرلەرى، ءارقايسى شەپتەگى وزات ۇلگىلەردىڭ ۋاكىلدەرى قاتارلىلار شاي ماجىلىسىنە قاتىناستى.
شاي ماجىلىسىندە ءار ۇلت ادەبيەت - كوركەمونەر قىزمەتكەرلەرى تارتىمدى كونسەرت قويدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
