جاپپاي دوڭگەلەك داۋلەتتى قوعام ورناتۋدىڭ قۋاتتى بىرىككەن كۇشىن توپتايىق
− اۆتونوميالى رايوندىق ەكى ءماجىلىستىڭ جەڭىسپەن جابىلعاندىعىن قىزۋ قۇتتىقتايمىز
شينجياڭ گازەتى باسماقالاسى
2020.01.13 13:54 كەلۋ قاينارى : شينجياڭ گازەتى
ءماجىلىس زالىنىڭ ءىشى - سىرتىندا ورتاق تانىمعا ۇيىسىپ، سەنىم تيانشاننىڭ تۇستىگى مەن تەرىستىگىندە اسپاندادى. بارلىق ۋاكىلدەردىڭ، مۇشەلەردىڭ بىرگە قۇلشىنۋىندا، اۆتونوميالى رايوندىق 13 - كەزەكتى حالىق قۇرىلتايىنىڭ 3 - ءماجىلىسى مەن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى ءتۇرلى كەڭەستىك تارتىپتەرىن تولىق ورىنداپ، جەڭىسپەن جابىلدى. ءبىز ەكى ءماجىلىستىڭ تولىق تابىسقا جەتكەندىگىن قىزۋ قۇتتىقتايمىز، مىندەت اتقارىپ، بورىش ادا ەتكەن ۋاكىلدەرگە، مۇشەلەرگە اسقاق قۇرمەت بىلدىرەمىز!
بۇل جەڭىسكە جورىق جاساعان ءماجىلىس بولدى. ءماجىلىس كەزىندە ءارقايسى ۋاكىلدەر، مۇشەلەر وسكەلەڭ بورىشتىلىق سەزىممەن، جاۋاپكەرشىلىك سەزىممەن جانە كوكىرەك كەرنەگەن ساياسي ىستىق ىنتامەن، ورنىقتىلىقتىڭ، دامۋدىڭ جوسپارىن جاساپ، ناقتى، جارامدى شارا ۇسىنىپ، كىسىنى جەلپىنتەرلىك مول جەمىسكە قول جەتكىزىپ، جالپى جاعدايدى كوكەيدە ۇستاپ، حالىققا ادال بولاتىن ساياسي جاۋاپكەرشىلىك كورسەتتى. اۆتونوميالى رايوندىق ەكى ءماجىلىستىڭ تابىستى اشىلۋى، ءسوز جوق، بۇكىل رايونداعى ءار ۇلت كادر - بۇقاراسىن اناعۇرلىم مىعىم سەنىممەن، اناعۇرلىم اسقاق جىگەرمەن، اناعۇرلىم بەرىك ستيلمەن، ءبىر جاعادان باس، ءبىر جەڭنەن قول شىعارىپ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ، جاپپاي دوڭگەلەك داۋلەتتى قوعام ورناتۋ ۇلى جەڭىسىنە قول جەتكىزۋ ءۇشىن تىڭ، اناعۇرلىم كەسەك ۇلەس قوسۋعا بارىنشا شابىتتاندىرادى جانە جىگەرلەندىرەدى.
ەندى عانا وتكەن 2019 - جىلى، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ءتۇرلى قىزمەتتەردى ءبىر تۇتاس جوسپارلاپ، ويداعىداي ىستەپ، قوعامدىق كەلەلى جاعدايدىڭ ۇزدىكسىز ورنىقتىلىعىن جانە ەكونوميكانىڭ ورنىقتى، اقاۋسىز دامۋىن ساقتاپ، جاپپاي دوڭگەلەك داۋلەتتى قوعام ورناتۋ ءۇشىن بەرىك نەگىز قالادىق.
وتكەننىڭ ءبارى ەندىگىنىڭ بەتاشارى. تاريح دوڭعالاعى تىنباي العا دوڭگەلەپ، ءداۋىر اعىمى جوڭكىلە العا جىلجۋدا. 2020 - جىل بەلەستىك مانگە يە ءبىر جىل، ءبىز بۇكىل مەملەكەتپەن بىرگە جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرامىز. ءدال وسىناۋ كەلەلى تاريحي ساتتە، ءبىز، ءسوز جوق، قيىندىقتى جەڭە ورگە ۇمتىلىپ، بار كۇشپەن العا تارتۋىمىز كەرەك.
كامىل سەنىممەن، نىق قاداممەن العا باستىق. ۇكىمەت قىزمەتىنەن بايانداما اۆتونوميالى رايوندىق پارتكومنىڭ وزەكتى قىزمەتىمەن تىعىز بايلانىستىرىپ، اۆتونوميالى رايوندىق پارتكومنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ جونىندەگى ورنالاستىرۋ - تالاپتارىن ءبىر - ءبىر ناقتى نىساناعا، ءبىر - ءبىر ءتۇيىندى قىزمەتكە، حالىق تۇرمىسىنداعى ءبىر - ءبىر ناقتى ىسكە اينالدىرىپ، حالىق ۇكىمەتىنىڭ حالىق ءۇشىن قىزمەت ىستەيتىن داعدىلى تۇرعىسىن جانە ايقىن پوزيتسياسىن ايگىلەپ، ءتۇرلى مەجەلى نىسانالار جۇرت كوڭىلىن جىگەرلەندىرۋمەن بىرگە، شىنايى، اتقارىمدى بولدى. مۇندا، قالعان 165 مىڭ كەدەيدى مەرزىمدى ۋاقىتتا كەدەيلىكتەن ارىلتۋدى، 560 كەدەي قىستاقتى كەدەيلىك تىزىمىنەن شىعارۋدى، 10 كەدەي اۋداننىڭ كەدەيلىك قالپاعىن الىپ تاستاۋدى جۇزەگە اسىرۋ، قازىرگى ولشەم بويىنشا كەدەيلەردىڭ تۇگەلدەي كەدەيلىكتەن ارىلۋىنا، مۇلدەم كەدەيلىكتى جويۋعا شىنايى كەپىلدىك ەتۋ، وڭىرلىك تۇتاس كەدەيلىكتى شەشۋگە شىنايى كەپىلدىك ەتۋ، بۇكىل ەلمەن تەڭ قادامدا جاپپاي دوڭگەلەك داۋلەتتى قوعامعا قادام تاستاۋعا شىنايى كەپىلدىك ەتۋ − ءبىز، ءسوز جوق، جاۋاپ بەرۋگە ءتيىستى تاريح ەمتيحانى. ءبىز نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، باتىلدىقپەن جاۋاپكەرشىلىك ارقالاپ، شىنايى يگەرىپ، ناقتى ىستەپ، باياندامادا بەلگىلەنگەن ”مىندەتناما“، ”جول كارتاسى“، ”ۋاقىت كەستەسى“ بويىنشا بار كۇشپەن ءتۇرلى قىزمەتتەردى ىلگەرىلەتىپ، ماڭداي تەرىمىزبەن تابىستى سۋارىپ، ناقتى ىسكەرلىكپەن ورنىقتى العا باسۋىمىز كەرەك.
اۋەلگى ماقساتتان اينىماي، بورىش ارقالاۋىمىز كەرەك. نەعۇرلىم دامۋدىڭ كىلتەڭ تۇسىنا كەلگەن سايىن، حالىق قۇرىلتايى ءتۇزىمى مەن كەڭەستىك دەموكراتيا ءتۇزىمىنىڭ ابزالدىلىعىن سولعۇرلىم تولىق ساۋلەلەندىرىپ، حالىق پاراساتىن كەڭىنەن جيىپ، حالىق تىلەگىن كەڭىنەن ۇيىستىرىپ، ءىس تىندىراتىن، ناتيجە شىعاراتىن ”ءبىر ارقان“ بولىپ شيراتىلۋىمىز كەرەك. ۋاكىلدەر مەن مۇشەلەر بورىشتى ەستە بەرىك ساقتاپ، ماڭىزدى تاپسىرمانىڭ ۇددەسىنەن شىعىپ، ”كوپىرلىك“ جانە ”دانەكەرلىك“ رولدارىن تولىق ساۋلەلەندىرىپ، حالىقتى وزەك ەتۋدىڭ، حالىقتىڭ باقىتىن كوزدەۋدىڭ ەڭ ۇلكەن ورتاق تانىمىن ونان ارى ۇيىستىرىپ، ءبىر نيەت، ءبىر تىلەكپەن ىنتىماقتاسىپ، قايراتتانا العا ۇمتىلاتىن قۋاتتى بىرىككەن كۇش قالىپتاستىرۋ كەرەك. ءار ۇلت كادر - بۇقاراسى ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، جالپى جۇرت ءبىر نيەتپەن قايراتتانا ىستەپ، نەعۇرلىم قاتەرلى بولعان سايىن، سولعۇرلىم العا ۇمتىلىپ، ۋاقىتپەن جارىسىپ، ەسىل ساتتەردى زايا جىبەرمەي، بيىلعى ءتۇرلى مىندەتتەردى قايراتتانا ورىنداپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تەرەڭ تامىر تارتۋىن تاباندىلىقپەن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
