بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

ەۆرازيا جەر سىلكىنىسى بەلدەۋىنە ورنالاسقاندىقتان، 5 بالدان جوعارى جەر سىلكىنىسى جىلىنا ورتا ەسەپپەن 5 رەت اينالاسىندا تۋىلادى

شينجياڭدا اۋىلداستاردان 2 ميلليون 580 مىڭ وتباسى سىلكىنىسكە ءتوزىمدى ۇيگە كوشىپ كىردى

حالىق گازەتىنىڭ ءتىلشىسى يۇي سىنان

2020.01.14 13:09     كەلۋ قاينارى : حالىق تورابى

  وزەكتى ءتۇيىن

  شينجياڭدا جەر سىلكىنىسى ءجيى تۋىلاتىندىقتان، جەرگىلىكتى ورىن جەر سىلكىنىسىنەن ساقتانىپ، اپاتتىڭ زيانىن ازايتۋ ارقىلى حالىق تۇرمىسىن قورعادى: اۋىل – قىستاقتا بەيقۇت ءۇي قۇرىلىسىن اتقارىپ، جۇرتشىلىقتىڭ تۇرعىن ۇيلەرىنىڭ سىلكىنىسكە توزىمدىلىك قۋاتىن جوعارىلاتتى؛ سىلكىنىس جاعدايىن زەرتتەۋ – مولشەرلەۋ قىزمەتىن ورىستەتىپ، قۇرىلىستىڭ ورنىن تاڭداۋعا نەگىز قالادى؛ جەر سىلكىنىسىندە شۇعىل جاعدايعا توتەپ بەرۋ جاتتىعۋىن ورىستەتىپ، شۇعىل جاعدايدا ىزدەستىرۋ – قۇتقارۋ اترەتىن قۇردى. «ساقتانۋ» مەن «قۇتقارۋدى» ۇشتاستىرىپ، دايىندىق جۇمىستارىن ويداعىداي جۇرگىزىپ، جۇرتشىلىقتىڭ ءومىرى مەن مال – مۇلكىنىڭ اماندىعىنا جانە تۇرمىسىنىڭ تىنىشتىعىنا كەپىلدىك ەتتى.

  شينجياڭ ۇيعۇر اۆتونوميالى رايونى جىڭ اۋدانىندا تيانشاننىڭ سولتۇستىك ەتەگىندەگى تاس جولدى بويلاي زىرلاپ كەلەمىز، ءبىر سارىندى بوزارعان قۇبا تۇزدەن وتكەن سوڭ، كوز الدىمىزدان قاتار - قاتار تىزىلگەن سارى جاتاعان ۇيلەر كورىندى، بۇل ۇيلەر كوكپەڭبەك اسپانمەن استاسىپ ادەمى كورىنەدى ەكەن. مىنە، بۇل تولى قالاشىعىنىڭ ۇلاندانداعاي قىستاعى.

  بۇل جەر كەزىندە سىناققا ءدوپ كەلگەن: 2017 – جىلى جىڭ اۋدانىندا 6.6 بال جەر سىلكىنىسى تۋىلعان، بايتاق جەر تىتىرەپ، 400 كيلومەتر شالعايداعى ءۇرىمجىنىڭ وزىندە سىلكىنىس ءدۇمپۋى سەزىلگەن. ۇلاندانداعاي قىستاعىنىڭ سىلكىنىس قاينارىنان قاشىقتىعى تەك 30 كيلومەتر عانا بولىپ، اپاتقا ۇشىراۋ جاعدايى ەڭ اۋىر بولعان قىستاقتاردىڭ ءبىرى بولدى. جەر سىلكىنىسىندە قىستاقتان بىردە – ءبىر ادام قازا بولمادى، تەك ەكى تۇرعىن عانا جارالاندى، مۇنى حيكىمەت دەپ ايتۋعا تاتيدى.

  شينجياڭ ەۆرازيا جەر سىلكىنىسى بەلدەۋىنە ورنالاسقان، وپىرىلمالى بولەكتىڭ كوبى وسى اراعا تۋرا كەلەدى دە جەر سىلكىنىسى ءجيى تۋىلادى، 6 بالدان جوعارى جەر سىلكىنىسى جىلىنا ورتا ەسەپپەن ءبىر رەت تۋىلادى، 5 بالدان جوعارى جەر سىلكىنىسى جىلىنا 5 رەت اينالاسىندا تۋىلادى. وسىنداي جاعدايعا قانىق بولعاندىقتان، جەرگىلىكتى ورىن قۇلشىنا ىزدەنىس جاساپ، سىلكىنىستەن ساقتانىپ، اپاتتىڭ زيانىن ازايتۋدىڭ ءونىمدى شارالارىن ىزدەستىردى.

  بەيقۇت ءۇي قۇرىلىسىن سالىپ، تىرشىلىك قورعانىسىن تۇرعىزدى

  ءتۇس الەتىندە كۇن نۇرى شۋاعىن توگىپ تۇر، ۇلاندانداعاي قىستاعىنىڭ تۇرعىنى ا سىرگلين ءۇيىن تازالاپ، تنىم الماي كىرىپ – شىعىپ ءجۇر. ولاردىڭ ءۇيىنىڭ تامى قالىڭ، بولات شىبىقتى سەمونتپەن بەرىك سالىنعان ءۇي 8 بالدىق جەر سىلكىنىسىنە ءتوزىمدى ولشەممەن سالىنعان.

  3 جىلدىڭ الدىندا 6.6 بال جەر سىلكىنىسى تاڭعى ساعات 7دەن وتكەندە تۋىلدى. سول كەزدە ا سىرگلين ۇيىنە ەڭ سوڭعى رەت اشەكەيلەۋ جۇرگىزىپ جاتقان، ەندى عانا قوقسىق توگۋگە دايىندالعان كەزدە، جەردىڭ كۇشتى تەربەلگەنىن سەزىپ، دەرەۋ سىرتقا قاشىپ شىقتى. ۇرەيدەن ارەڭ ەس جيىپ، دەرەۋ ۇيىنە قايتىپ كىرىپ، ءىشى – سىرتىن اينالىپ قاراپ شىقسا، تامنىڭ تەك بەتىنىڭ كىشكەنە جەرى عانا ءتۇسىپتى. باستابىندا ول سەنىڭكىرەمەي، ءۇيدى اينالىپ تاعى ءبىر قاراپ شىعىپ، «تيتتەي ساڭلاۋدىڭ جوق ەكەنىن» تۇراقتاندىرعاندا بارىپ، جايلى تىنىستادى.

  سىلكىنىستەن كەيىن، بىرنەشە تۇرعىن ا سىرگليننىڭ ۇيىنە جاعداي ۇعىسۋعا كەلدى. سول كەزدە جەرگىلىكتى تۇرعىنداردىڭ كەيبىرەۋى تام ۇيدە وتىراتىن بولىپ، ءۇيدىڭ قاڭقاسى بىرنەشە دىڭگەكتەن عانا تۇراتىن. مۇنان دا كونە ۇيلەر، ءتىپتى تۇتاس توپىراقتان تۇرعىزىلعان ۇيلەر بولاتىن. ول كەزدە جەردەن شۇڭقىر ويىپ، وعان سۋ تولتىرىپ، ءشوپ – شالاڭ مەن توپىراقتى ارالاستىرىپ، ونى ەكى تاقتايدىڭ ورتاسىنا قۇيىپ ءۇيدىڭ تامىن تۇرعىزاتىن. «جەر سىلكىنىسىندە وسىنداي ۇيلەر قۇلاپ، قىستاق تۇرعىندارى جارالاندى»، — دەيدى تولى قالاشىعىنىڭ باستىعى نيجاپ وكىنىشتى بەينەدە.

  بەرىك سالىنعان ۇيلەر — جەر سىلكىنىسىنەن ساقتانۋدىڭ ءبىرىنشى قورعانى. شينجياڭ ۇيعۇر اۆتونوميالى رايونى 2004 – جىلدان باستاپ سىلكىنىسكە ءتوزىمدى بەيقۇت ءۇي قۇرىلىسىن سالدى، مۇنداعى ماقسات قارجىلىق جاقتا قوسىمشا قاراجات بەرۋ، ءۇي سالۋ تەحنيكاسى جاعىندا جەتەكشىلىك ەتۋ قاتارلى تاسىلدەر ارقىلى تۇرعىنداردىڭ ءۇيىنىڭ سىلكىنىسكە توزىمدىلىك قۋاتىن ارتتىرۋ بولاتىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار