شينجياڭ ۇيعۇر اۆتونوميالى رايونى دەمالىسقا، پەنسياعا شىققان ساقا كادرلار اڭگىمە ءماجىلىسىن اشتى
چىن چۋانگو ءسوز سويلەدى ءارى بۇكىل شينجياڭداعى ساقا جولداستارعا كوكتەم مەرەكەسى بايلانىسىمەن ىزگى تىلەك جولدادى
شوكىرات زاكىر باسقاردى، شاۋكەت يمىن، نۇرلان ءابىلماجىن، لي پىڭشين قاتىناستى
2020.01.21 13:52 كەلۋ قاينارى : حالىق تورابى
حالىق تورابى، 1 – ايدىڭ 21 – كۇنى، بەيجيڭ. شينجياڭ گازەتىنىڭ 1 – ايدىڭ 19 – كۇنى بەرگەن حابارىنا قاراعاندا، 1 - ايدىڭ 19 - كۇنى تۇستەن كەيىن شينجياڭ ۇيعۇر اۆتونوميالى رايونى دەمالىسقا، پەنسياعا شىققان ساقا كادرلار اڭگىمە ءماجىلىسىن اشىپ، 2019 - جىلعى شينجياڭ ۇيعۇر اۆتونوميالى رايونىنىڭ ورنىقتىلىق، دامۋ، رەفورما قىزمەت جاعدايىن حابارلاندىردى، ساقا باسشىلاردىڭ، ساقا جولداستاردىڭ شينجياڭ ۇيعۇر اۆتونوميالى رايونىنىڭ ءتۇرلى قىزمەتتەرى جونىندەگى پىكىرىن، ۇسىنىسىن تىڭدادى. شينجياڭ ۇيعۇر اۆتونوميالى رايوندىق پارتكومىنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.
شينجياڭ ۇيعۇر اۆتونوميالى رايوندىق پارتكومى شۋجيىنىڭ ورىنباسارى، شينجياڭ ۇيعۇر اۆتونوميالى رايونىنىڭ ءتوراعاسى شوكىرات زاكىر ءماجىلىستى باسقاردى. شينجياڭ ۇيعۇر اۆتونوميالى رايونىنىڭ باسشىلارىنان شاۋكەت يمىن، نۇرلان ءابىلماجىن، لي پىڭشين، ەركىن تۇنياز، سارقىت اقان، ياڭ شين، جاڭ چۇنلين اڭگىمە ماجىلىسكە قاتىناستى.
اڭگىمە ءماجىلىسى باستالۋدان بۇرىن، چىن چۋانگو، شوكىرات زاكىر، شاۋكەت يمىن، نۇرلان ءابىلماجىن قاتارلى باسشىلار ساقا باسشىلارمەن، ساقا جولداستارمەن ءبىر - بىردەن قول الىسىپ، كوكتەم مەرەكەسى بايلانىسىمەن ءوزارا ەسەندىك سۇرادى.
اڭگىمە ماجىلىستە، چىن چۋانگو 2019 - جىلعى شينجياڭنىڭ ەكونوميكالىق، قوعامدىق دامۋ جاعدايىن حابارلاندىرىپ، 2020 - جىلعى قىزمەتتىڭ جالپى تۇلعالىق ورنالاستىرۋىن تانىستىردى. چىن چۋانگو شينجياڭ ۇيعۇر اۆتونوميالى رايوندىق پارتكوم مەن ۇكىمەت اتىنان ساقا باسشىلاردىڭ، ساقا جولداستاردىڭ ۇزاق ۋاقىتتان بەرى شينجياڭنىڭ ورنىقتىلىعىنا، دامۋىنا قوسقان ماڭىزدى ۇلەسىنە، سىڭىرگەن قان مەن تەرىنە شىن جۇرەكتەن العىس ايتتى، وسكەلەڭ قۇرمەت ءبىلدىردى، بۇكىل شينجياڭداعى ساقا جولداستارعا كوكتەم مەرەكەسى بايلانىسىمەن ىزگى تىلەك جولدادى.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيىتقى ەتكەن پارتيا ورتالىق كوميتەتى ساقا كادرلار قىزمەتىنە ايرىقشا ءمان بەرىپ، باستان - اياق ساقا كادرلاردى قۇرمەتتەپ، ساقا كادرلاردى شىنايى سۇيىسپەنشىلىكپەن ايالادى. باس شۋجي شي جينپيڭنىڭ ساقا كادرلار قىزمەتى جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، ساقا جولداستاردىڭ ەڭبەگىن ەستە بەرىك ساقتاپ، ساقا جولداستاردىڭ رۋحىن جالعاستىرىپ، قىزمەتتەردى بار زەيىنمەن ويداعىداي ىستەپ، جاڭا داۋىردەگى شينجياڭداعى ساقا كادرلار قىزمەتىنىڭ جاڭا جاعدايىن قۇلشىنا اشۋ كەرەك. ماڭىزدى ورىنعا قويىپ، ساقا كادرلاردىڭ تاريحي ۇلەسىن تولىق تۇراقتاندىرىپ، ساقا كادرلاردىڭ ءىس جۇزىندىك رولىنا ايرىقشا ءمان بەرىپ، ساقا كادرلار قىزمەتىن شىن مانىندە ماڭىزدى كۇنتارتىپكە ەنگىزىپ، ماڭىزدى ماسەلەلەردى، ماڭىزدى ىستەردى دەر كەزىندە اقىلداسىپ شەشۋ كەرەك. پارتيا قۇرىلىسىن كۇشەيتىپ، ساقا كادرلار قىزمەتىندە باستان - اياق شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە، دايەكتىلەندىرۋگە تاباندى بولىپ، پارتيانىڭ ساياسي قۇرىلىسىن ءبىرتۇتاس باسشىلىققا الۋعا تاباندى بولىپ، دەمالىسقا، پەنسياعا شىققان كادرلاردىڭ ساياسي قۇرىلىسىن، يدەيالىق قۇرىلىسىن جانە پارتيا ۇيىمى قۇرىلىسىن جاپپاي كۇشەيتىپ، ۇزدىكسىز «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. ەرەكشە رولدى ساۋلەلەندىرىپ، ساقا جولداستاردىڭ پارتيانىڭ قىزىل گەنىن جالعاستىرۋ، پارتيانىڭ توڭكەرىستىك مادەنيەتىن جەتىلدىرۋ، پارتيانىڭ تاڭداۋلى ءداستۇرىن اسقاقتاتۋ، سوتسياليستىك وزەكتى قۇن كوزقاراسىن جەتىلدىرۋ جانە ونى امالياتتا ايگىلەۋ، شينجياڭ حيكاياسىن جاقسى شەرتۋ، ۇرپاقتارعا كوڭىل ءبولۋ، ولاردى تاربيەلەۋ، جاستار مەن ورەندەردىڭ اقاۋسىز جەتىلۋىن جەبەۋ سياقتى جاقتارداعى ابزال رولدارىن ساۋلەلەندىرۋىن قولداۋ كەرەك. قىزمەت وتەۋمەن قامتاماسىز ەتۋدى ويداعىداي ىستەپ، يدەيادا كوڭىل بولۋگە، تۇرمىستا قارايلاسۋعا، رۋحاني جاقتا قامقورلىق جاساۋعا تاباندى بولىپ، پارتيا ورتالىق كوميتەتىنىڭ ساقا كادرلار قىزمەتى جونىندەگى باعىت - ساياساتتارىن ويداعىداي تياناقتاندىرىپ، ناقتى قيىنشىلىقتارىن بەلسەنە ىرىقتىلىقپەن شەشىپ، ساقا جولداستاردىڭ قارتايعاندا كۇتىمدەلە الۋى، قارتايعاندا سۇيەنىشى بولۋى، قارتايعاندا ءبىلىم الۋى، قارتايعاندا كوڭىلدى بولۋى، قارتايعاندا جانىنىڭ تىنىش بولۋى ءۇشىن تاماشا شارت - جاعداي جاساپ، ساقا جولداستاردىڭ ءومىرىنىڭ سوڭىن تىنىش، باقىتتى وتكىزۋىنە مۇمكىندىك جاساۋ كەرەك. ۇگىت تەبىنىن كۇشەيتىپ، بۇكىل قوعامدا ساقا جولداستاردى قۇرمەتتەيتىن، ساقا جولداستاردى ايالايتىن، ساقا جولداستاردان ۇيرەنەتىن قويۋ راي قالىپتاستىرۋ كەرەك.
چىن چۋانگو ساقا باسشىلاردىڭ، ساقا جولداستاردىڭ داڭقتى تاريحتى قاستەرلەپ، ساياسي قاسيەتتى ماڭگى ساقتاپ، پارتيا مەن حالىقتىڭ ىستەرى ءۇشىن جاڭا ەڭبەك سىڭىرەتىن ساياسي ىنتانى ساقتاپ، قارتايسا دا يگى مۇراتىنان اينىمايتىن، قارتايعان سايىن قايراتتاناتىن اقاۋسىز كوڭىل كۇيدى جانە العا ىلگەرىلەۋ رۋحىن ساقتاپ، دارا باسىمدىقتارىن ونان ارى ساۋلەلەندىرىپ، شينجياڭ ۇيعۇر اۆتونوميالى رايونىنىڭ ورنىقتىلىق، دامۋ، رەفورما قىزمەتتەرىنە بۇرىنعىداي كوڭىل ءبولىپ جانە ونى قولداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ ءۇشىن اقىل - پاراساتى مەن كۇش - قۋاتىن ارناۋىن ءۇمىت ەتتى.
شينجياڭ ۇيعۇر اۆتونوميالى رايونىنىڭ باسشىلارىنان ۋان حايچۋان، ياڭ يۇڭ قاتارلىلار اڭگىمە ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
