شينجياڭدا كوكتەمگى ەگىس دايىندىعى ءتارتىپتى ورىستەتىلۋدە
2020.02.24 14:39 كەلۋ قاينارى : شينجياڭ گازەتى
ءتىلشىنىڭ اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنا قاراعاندا، قازىر رايونىمىزدىڭ كوكتەمگى ەگىس دايىندىق جۇمىستارى وڭتۇستىكتەن سولتۇستىككە قاراي ءتارتىپتى ورىستەتىلۋدە، وڭتۇستىك شينجياڭ رايونى ديقان وتباسىلارىنىڭ اۋلاداعى دوعاشا لاپاس جىلىجاي ءوندىرىسى مەن اتىزداعى دوعاشا لاپاس جىلىجاي ”كوكتەمگى ەگىستى الدىن الا باستاۋ“ ءوندىرىسىن جەدەل باستاپ، تەز وسەتىن كوكونىستەردى شاپشاڭ ەگىپ، ءوندىرىس پەريودىن قىسقارتۋدى مىقتى ۇستاپ، ىندەتتەن ساقتانۋ - تىزگىندەۋ مەزگىلىندەگى بازاردىڭ قامداۋىن ارتتىردى.
اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باس اگرونوم مامانى لي جيڭ مىنالاردى تانىستىردى: ەگىن شارۋاشىلىعى جاعدايى جونىندەگى ەڭ جاڭا ورنالاستىرۋعا نەگىزدەلگەندە، بيىل بۇكىل رايونىمىزدا ەگىس داقىلدارىنىڭ الدا ەگىلۋ كولەمى 70 ميلليون 642 مىڭ 900 مۋ، بىلتىرمەن سالىستىرعاندا ورنىقتى بولۋ نەگىزىندە انتەك تومەندەدى، ەگىس قۇرىلىمىندا ءبيداي ازايۋ، ماقتا ازايۋ، جۇگەرى ارتۋ، كوكونىس ارتۋ، ەرەكشە ەگىس داقىلدارى ارتۋ سىندى ”ەكى ازايۋ، ءۇش ارتۋ بەتالىسى“ جارىققا شىقتى، قۇرىلىمدىق ورنالاستىرۋ ساپالىلانا ءتۇستى.
قازىر بۇكىل رايونىمىزدا كوكتەم مەزگىلىندەگى اتىز باسقارۋ قىزمەتى الدەقاشان ىركەس - تىركەس باستالدى، كوكونىس ءوندىرىس قۋاتى بىرتىندەپ جوعارىلاۋدا. وڭتۇستىك شينجياڭ رايوندارىندا اۋا تەمپەراتۋراسى بىرتىندەپ جوعارىلاپ، دۇمبە ءبيداي قىستان امان ءوتىپ كوكتەي باستادى، سولتۇستىك شينجياڭدا دۇمبە ءبيداي ءالى دە قىستان ءوتۋ مەزگىلىندە تۇر. بۇكىل رايونىمىزداعى قۇرىلعىلى كوكونىس اتىزدارىن باسقارۋ قىزمەتى ءتارتىپتى جۇرىلۋدە، جەر - جەر الدەقاشان ءوندىرىس تاراۋلارىنىڭ ماماندارىن، تەحنيكتەرىن، كادرلاردى كوكونىس ەگەتىن ديقاندارعا جەلىدە تەحنيكالىق قىزمەت وتەۋدى ورىستەتۋگە ۇيىمداستىرىپ، كوكونىس ەگەتىن ديقانداردى دەر كەزىندە ءتارتىپتى ءوندىرىس جۇرگىزۋگە جەتەكتەدى.
تولىق ەمەس ساناققا نەگىزدەلگەندە، جۋىقتا بۇكىل رايونىمىزدا 64 مىڭ مۋ جەرگە قۇرىلعىلى كوكونىس ەگىلىپ بولعان، مەجەمەن 316 مىڭ توننا ءونىم بەرەدى، 3 - ايدىڭ ورتا شەنىنەن 5 - ايدىڭ باس شەنىنە دەيىن ىركەس - تىركەس بازارعا شىعارىلادى.
ەگىن شارۋاشىلىعى ماشينالارى دايىندىعى جاعىندا، بۇكىل رايونىمىزداعى ءار دارەجەلى ەگىن شارۋاشىلىعى تاراۋلارى ”قىسقى شايقاستى“ تۇتقا ەتىپ، ەگىن شارۋاشىلىعى قۇرال - جابدىقتارى بازارىندا جالعان - جارامسىز زاتتارعا سوققى بەرۋدى جانە ەگىن شارۋاشىلىعى ماشينا - جابدىقتارىن جوندەۋ قىزمەتىن بەلسەندىلىكپەن ورىستەتۋدە. قازىرگە دەيىن، ەگىن شارۋاشىلىعى ماشينالارىنان جالپى 566 مىڭى تەكسەرىلىپ - جوندەلگەن، جالپى 80 مىڭ ادام - رەتكە باۋلۋ جۇرىلگەن. جۋىقتا جەر - جەر ”اۋىل - قىستاقتارداعى ۇلكەن لابا“ سياقتى تاسىلدەر ارقىلى قالىڭ ديقاندار مەن ءتۇرلى ءوندىرىس تيجاراتى تۇلعالارىن جەكەلىك قورعانۋدى جاقسى ىستەۋ العى شارتىندا، كوكتەمگى ەگىس دايىندىعىنىڭ ءتۇرلى قىزمەتتەرىن ءتارتىپتى ورىستەتۋگە بەلسەندىلىكپەن اتتانىسقا كەلتىردى.
”اۋىل شارۋاشىلىعى، اۋىل - قىستاق تاراۋلارى ەگىس كەزىن مىقتى يگەرىپ، ىندەتتەن ساقتانۋ - تىزگىندەۋ مەن كوكتەمگى ەگىس ءوندىرىسى سىندى ەكى جاقتى دا اقساتپاۋعا شىنايى كەپىلدىك ەتۋ كەرەك“. لي جيڭ مىنالاردى تانىستىردى: اۋىل شارۋاشىلىعى، اۋىل - قىستاق تاراۋلارى ەگىن شارۋاشىلىعى قۇرال - جابدىقتارىن دايىنداۋ - قامداۋدى ۇزدىكسىز كۇشەيتىپ، ەگىن شارۋاشىلىعى قۇرال - جابدىقتارىنىڭ زاتتىق اينالىمى مەن جەتكىزىلۋىن تەزدەتىپ، تۇيىننەن تۇيىنگە دەيىنگى قامداۋعا كەپىلدىك ەتەتىن تاسىمالداۋ جاسىل وتكەلىن ورناتىپ، ەگىن شارۋاشىلىعى قۇرال - جابدىقتارىن تاسىمالدايتىن اۆتوكولىكتەردىڭ ىركىلىسسىز قاتىناۋىن قامتاماسىز ەتىپ، كوكتەمگى ەگىس مەزگىلىندە ەگىن شارۋاشىلىعى قۇرال - جابدىقتارىنىڭ تولىق جەتكىزىلۋىنە، ساپاسىنىڭ سەنىمدى، بازارىنىڭ ورنىقتى بولۋىنا شىنايى كەپىلدىك ەتەدى. سونىمەن بىرگە، ەگىن شارۋاشىلىعى تەحنيكالىق تاراۋلارى قىزمەت وي جەلىسىندە ۇزدىكسىز جاڭالىق اشىپ، ءوندىرىس تەحنيكاسى جاعىنان جەتەكشىلىك قولدانباسىن قۇراستىرىپ، تەحنيكالىق قىزمەت وتەۋدى، جەتەكشىلىكتى كۇشەيتىپ، بۇكىل جىلداعى استىقتان جانە ەگىن شارۋاشىلىعىندا مول ءونىم الۋعا نەگىز قالايدى.
ۇعىسۋعا قاراعاندا، قازىر بۇكىل رايونىمىزدا ەگىن شارۋاشىلىعى قۇرال - جابدىقتارىمەن قامداۋ جالپى جاقتان ارتىعىمەن ورىندالادى، ەگىن شارۋاشىلىعى قۇرال - جابدىقتارى بازارىنىڭ باعاسى ورنىقتى، بىلتىرعى سايكەس مەزگىلدەگىمەن نەگىزىنەن بىردەي بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
