بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

اۆتونوميالى رايوندىق دامۋ جانە رەفورما كوميتەتى:

شينجياڭدا زاتتىق ماتەريالدار تولىق، باعاسى تۇراقتى، قامتاماسىزداندىرۋ تياناقتى بولدى

لي ياڭ

2020.03.03 15:25     كەلۋ قاينارى : شينجياڭ گازەتى

  كەزەكتە ىندەتتەن ساقتانۋ - تىزگىندەۋ تىڭعىلىقتى ىلگەرىلەتىلىپ، جۇمىستى، ءوندىرىستى قالپىنا كەلتىرۋ ءتارتىپتى تۇردە جۇرىلۋدە. كومىر، ەلەكتر، مۇناي، گاز سياقتى ەنەرگيالارمەن قامداۋعا ”قۋات جەتكىلىكتى“ مە، جوق پا؟ ”استىق“، ”كوجە قاتىقپەن“ قامداۋ جاعدايى قانداي؟ بۇقارانىڭ قاجەتىن قامداي الىپ جاتىر ما، جوق پا؟ بازاردى باقىلاۋ پارمەندى مە، جوق پا، بازار ءتارتىبى جاقسى ساقتالىپ تۇر ما، جوق پا؟ وسى جونىندە ءتىلشى اۆتونوميالى رايوندىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى جاۋ شيفىڭعا تەلەفون جالعادى.

  جاۋ شيفىڭ مىنالاردى ءبىلدىردى: ىندەتتەن ساقتانۋ - تىزگىندەۋدىڭ شەشۋشى ساتىندە، اۆتونوميالى رايون ءبىر تۇتاس جوسپارلاپ ورنالاستىرۋدى كۇشەيتىپ، دامۋ - رەفورما، ساۋدا ىستەرى، بازار باقىلاۋ، استىق، حالىق بانكەسى، قاتىناس سياقتى كوپتەگەن تاراۋلارمەن سايكەسىپ، سەلبەسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋ جالپى تالابى بويىنشا، ىندەتتەن - ساقتانۋ تىزگىندەۋ كەزىندەگى زاتتىق ماتەريالمەن قامتاماسىز ەتۋ قىزمەتىن جاقسى ىستەدى. قازىر بۇكىل رايوندا زاتتىق ماتەريالدار تولىق، باعا تۇراقتى، قامتاماسىزداندىرۋ تياناقتى بولدى.

  كوكونىس، استىق - ماي سياقتى تۇرمىستىق قاجەتتى بۇيىمدارمەن قامداۋ، قامتاماسىزداندىرۋ جۇمىسىن جاقسى ىستەۋ ءۇشىن، اۆتونوميالى رايوندىق دامۋ جانە رەفورما كوميتەتى باستاماشى بولىپ، قاتىستى تاراۋلارمەن بىرلەسىپ شاندۇڭ، گۋاڭدۇڭ، يۇننان، سىچۋان سياقتى كوكونىسپەن قامدايتىن ءتۇيىندى ولكەلەرگە قىزمەت گرۋپپاسىن جىبەرىپ، توعىسىپ، ۇكىمەت دانەكەر بولۋ، باستاماشى كاسىپورىندار ناقتى اتقارۋ ءتاسىلى ارقىلى كوكونىستىڭ زات قاينارىن اناعۇرلىم كەڭەيتتى. قازىر شينجياڭ جيۋديڭ اۋىل شارۋاشىلىعى ونىمدەرىن تولايىم ساتۋ بازارى سياقتى 1 - دارەجەلى تولايىم ساتۋ بازارلارىنىڭ ءار كۇنگى كوكونىسپەن قامداۋ مولشەرى مەن ساۋدا - ساتتىق مولشەرى 3500 توننانىڭ ۇستىندە، كوكونىسپەن قامداۋ جەتكىلىكتى بولىپ وتىر. سونىمەن قاتار رايونىمىز استىق - ماي بازارىنداعى قامداۋدى اناعۇرلىم كۇشەيتىپ، استىق قاينارىن رەتتەۋدى ءبىر تۇتاس جوسپارلاپ، استىق - ماي كاسىپورىندارىنىڭ ءوندىرىسىن سايكەستىرىپ ۇيىمداستىردى.

  كۇندەلىكتى بۇيىمدارمەن قامتاماسىزداندىرۋ جاعىندا، اۆتونوميالى رايوندىق دامۋ جانە رەفورما كوميتەتى باستاماشى بولىپ قاتىستى تاراۋلارمەن بىرلەسىپ، بازار اينالىمىن رەتتەۋدى جانە باعانى باقىلاۋدى كۇشەيتىپ، بازار ينفورماتسياسىن دەر كەزىندە يگەرىپ، زاپاس قوردى ىستەتۋ سەرپىنىن كۇشەيتىپ، الەۋمەتتىك اۋماقتاعى تۇراقتى باعالى دۇكەندەردى تۇرمىستىق قاجەتتى بۇيىمدارمەن قامداۋدى الدىمەن قامتاماسىز ەتتى، ءىرى، ورتا ساۋدا دۇكەندەرى مەن ەرەن بازارلارىن زاتتاردى دەر كەزىندە سورەگە شىعارۋعا، تولىقتاۋعا قۋزاپ، زاتتىڭ كەمىپ سورەنىڭ بوس قالۋ جاعدايىنىڭ جارىققا شىعۋىنان ساقتاندى. رايونىمىزدا كۇندەلىكتى بۇيىمدارمەن قامداۋ ءبىرشاما جەتكىلىكتى بولدى.

  كەزەكتە كوپتەگەن بۇقارا ءالى”ۇيىندە وتىر“، بۇقارانى تۇرمىستىق قاجەتتى بۇيىمدارمەن قامداۋعا، ولاردىڭ ساتىپ الۋىنا شىنايى كەپىلدىك ەتۋ ءۇشىن، جەر - جەر، قاتىستى تاراۋلار تالاپ بويىنشا، بىرلەسىپ قامتاماسىز ەتىپ، قامداۋ جاۋاپكەرشىلىگىن نىعايتىپ، ءبىر تۇتاس جەتكىزۋ، ساتۋدى ۇيىمداستىرۋ، الەۋمەتتىك اۋماق كادرلارىنىڭ، ەرىكتىلەردىڭ مىندەتتى، وتباسىلارىن كوتەرمەگە الۋى، وكىلەتتى ساتىپ الۋى سياقتى كوپ ءتۇرلى تاسىلدەردى قولدانىپ، كوكونىس سياقتى تۇرمىستىق قاجەتتى بۇيىمداردى جەتكىزۋدىڭ ”ەڭ سوڭعى ءجۇز مەترىن“ ىركىلىسسىزدەندىردى.

  رايونىمىز تاعى كومىر، ەلەكتر، مۇناي، گاز سياقتى ەنەرگيا ونىمدەرىمەن قامداۋدى كۇش سالا قامتاماسىز ەتتى. قازىر بۇكىل رايوندا 48 ءتۇيىندى كومىر كەن قالىپتى ءوندىرىس جۇرگىزۋدە، %90تەن استام ءوندىرىس قۋاتى ىسكە قوسىلىپ وتىر. بۇكىل رايوندا تىرەكتى ەلەكتر كوزدەرىنىڭ ەلەكتر كومىر قورى 3 ميلليون توننانىڭ ۇستىندە، ەلەكتر كومىرىمەن قامداۋ جەتكىلىكتى. مۇناي، گاز ءوندىرىس كاسىپورىندارى جوسپار بويىنشا ءوندىرىس جۇرگىزىپ، تابيعي گاز، سۇيىلتىلعان گاز، جىلۋمەن قامداۋ، سۋمەن قامداۋ جۇيەلەرىنىڭ قالىپتى جۇمىس جۇرگىزۋىن قامتاماسىز ەتتى. اۆتونوميالى رايوندىق دامۋ جانە رەفورما كوميتەتى وڭىرلەر اراسىنداعى تەڭگەرمەلى رەتتەۋدى كۇشەيتىپ، بۇكىل رايوننىڭ ەنەرگيا سياقتى فاكتورلارمەن ورنىقتى قامداۋىن كۇش سالا قامتاماسىز ەتتى.

  سونىمەن قاتار، رايونىمىز بازار باقىلاۋ - باسقارۋدى كوپ ءتۇرلى شارامەن كۇشەيتتى. اۆتونوميالى رايوندىق دامۋ جانە رەفورما كوميتەتى باستاماشى بولىپ قاتىستى تاراۋلارمەن بىرلەسىپ، بىرلەسكەن تەكسەرۋ گرۋپپاسىن شىعارىپ، بۇكىل رايوننىڭ تۇرمىستىق قاجەتتى بۇيىمدار مەن ءدارى - دارمەك باعاسىن اشىق - جاسىرىن تەكسەرىپ، باعانى 24 ساعات بويى باقىلاۋ ءتۇزىمىن قاتاڭ تياناقتاندىرىپ، بازار ءتارتىبىن ارناعا ءتۇسىرىپ جانە قورعاپ، قىمباتقا ساتۋ ءۇشىن ىركۋ، جالعان، جارامسىز تاۋارلاردى ساتۋ، زات باعاسىن قىمباتتاتۋ، جالعان حابار تاراتۋ سياقتى زاڭعا قايشى ارەكەتتەرگە قاتاڭ سوققى بەردى. قازىرگى باعا اينالىمىنىڭ جاعدايىنان قاراعاندا، رايونىمىزدا باعا دەڭگەيى (CPI) قالىپتى، نەگىزىنەن تۇراقتى كۇيدى ساقتاۋدا.

  ءتۇيىندى كاسىپورىنداردىڭ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىن ءتارتىپتى تۇردە ىلگەرىلەتۋىن قولداپ، كاسىپورىنداردىڭ اقاۋسىز دامۋىنا كومەكتەسۋ ءۇشىن، اۆتونوميالى رايوندىق دامۋ جانە رەفورما كوميتەتى باستاماشى بولىپ قاتىستى تاراۋلارمەن بىرلەسىپ، ساياساتتىق قولداۋ سەرپىنىن ۇزدىكسىز كۇشەيتتى. ىندەتتىڭ ىقپالىنا ۇشىراپ، ءوندىرىس، تيجاراتىندا ۋاقىتشا قيىنشىلىق جارىققا شىققان، ءوندىرىس، تيجاراتقا قاجەتتى ەلەكتر، سۋ، گاز اقىسىن تولىق تاپسىرۋعا قاۋقارسىز ورتا، شاعىن، ۇساق كاسىپورىندارعا قاراتا ”اقىسىن تاپسىرا الماي قارىزدار بولسا دا قامداۋدى توقتاتپاۋدى“ جولعا قويدى؛ ەلەكتر ىستەتۋگە تيىمدىلىك جاساۋدىڭ ۋاقىتشا ساياساتىن اتقارىپ، قاتىستى تالاپتار بويىنشا، مەملەكەت ايقىن بەلگىلەگەن ەنەرگيا قۇراۋى جوعارى كاسىپتەردەن باسقا ادەتتەگى ونەركاسىپ - ساۋدا قاريدارلارى ءۇشىن ەلەكتر ىستەتۋ باعاسىن %5 تومەندەتتى؛ ورتا، شاعىن، ۇساق كاسىپورىنداردان الىناتىن سالىق اقىنى جەڭىلدەتتى، كەشىرىم ەتتى، ءىشىنارا كاسىپورىنداردىڭ كاسىپورىن تابىس سالىعىن، ارتقان قۇن سالىعىن جەڭىلدەتتى، كەشىرىم ەتتى؛ ىندەتتەن ساقتانۋ - تىزگىندەۋدەگى ءتۇيىندى قامتاماسىز ەتىلەتىن كاسىپورىندار ءۇشىن بەلسەندى تۇردە مەملەكەتتىڭ تومەن ءوسىمدى قارىز جانە ءوسىمىن قازىنادان بەرۋ ساياساتى سياقتىلارىنا قول جەتكىزدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار