بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>شينجياڭ حابارلارى

شينجياڭنان 1 - توپتا حۋبەيعا كومەككە بارعان ەمدەۋ اترەتىنىڭ 13 مۇشەسى الدىڭعى شەپتە پارتياعا كىردى

2020.03.03 15:26   كەلۋ قاينارى : شينجياڭ گازەتى



  2 - ايدىڭ 29 - كۇنى تۇستەن كەيىن شينجياڭنان 1 - توپتا حۋبەيعا كومەككە بارعان ەمدەۋ اترەتىنىڭ 13 مۇشەسى پارتيا تۋى الدىندا ايبىندى سەرت بەرىپ، الدىڭعى شەپتە پارتياعا كىردى. □ سۋرەتتى حۋاڭ لياڭ تۇسىرگەن

  گازەتىمىزدىڭ جالپىلىق اقپارات قۇرالدارى ءتىلشىسى چاۋ جين 3 - ايدىڭ 1 - كۇنى ۇرىمجىدەن حابارلايدى. ”مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ پروگرامماسىن جاقتايمىن، پارتيانىڭ ۋستاۆىنا بويسۇنامىن...“. 2 - ايدىڭ 29 - كۇنى تۇستەن كەيىن ۋحانداعى ”ىندەتپەن“ شايقاسۋدىڭ الدىڭعى شەبىندە ەرلىكپەن شايقاس جاساپ جاتقان شينجياڭنان 1 - توپتا حۋبەيعا كومەككە بارعان ەمدەۋ اترەتىنىڭ شيا يىڭ، حو فەي، ۋاڭ كايجيە قاتارلى 13 مۇشەسى پارتيا تۋى الدىندا وڭ جۇدىرىقتارىن كوتەرىپ ايبىندى سەرت بەرىپ، الدىڭعى شەپتە پارتياعا كىردى.

  ”مەن قاي - قاشان دا پارتيا مۇشەسىنىڭ ولشەمىمەن وزىمە قاتاڭ تالاپ قويىپ، ۆيرۋسپەن ايقاسىپ، ءومىر ءۇشىن توقتاۋسىز العا تارتامىن“. 35 جاستاعى حو فەي شينجياڭ مەديتسينا داشۋەسىنە قاراستى وسپە اۋرۋلار شيپاحاناسى تىنىس جولى، نەرۆ ىشكى اۋرۋلار ءبولىمىنىڭ سەستراسى. ۋحانعا بارعان 2 - كۇنى ول قورعانۋ كيىمىن كيىپ - شەشۋ ۋاقىتىن ۇنەمدەۋ جانە ايقاسپالى جۇعىمدالۋدان ساقتانۋ ءۇشىن، باستاماشىلدىقپەن ءوزى جاقسى كورەتىن ۇزىن شاشىن قيدىرىپ تاستادى. ۋحان داشۋەسى حالىق شيپاحاناسى شىعىس اۋرۋحاناسىنىڭ CCU ناۋقاس اۋماعىندا، ول ءبىر جاعىنان، ۇيرەنىپ، ەندى ءبىر جاعىنان، قاتەرلى سالماقتى ناۋقاستاردى كوڭىل قويا كۇتتى.

  ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىندا، پارتياعا كىرۋدى تاڭداۋ جاۋاپكەرشىلىكتى تاڭداعاندىق، ۇلەس قوسۋدى تاڭداعاندىق“. شينجياڭنان 1 - توپتا حۋبەيعا كومەككە بارعان ەمدەۋ اترەتىنىڭ ورىنباسار جەتەكشىسى، شينجياڭ مەديتسينا داشۋەسىنە قاراستى 5 - شيپاحانا پارتكومىنىڭ ورىنباسار شۋجيى، شيپاحانا باستىعى دۇڭ شۇينان بىلاي دەپ تانىستىردى: وسى 13 جولداس ىندەت سىندى ۇلكەن سىناۋ الدىندا ىرىقتىلىقپەن ءوتىنىش بەردى، بەينەسى كورنەكتى بولدى ءارى بەلسەندىلىكپەن پارتيا ۇيىمىنا جاقىنداستى، ەمدەۋ اترەتى ۋاقىتتىق پارتيا ۇيىمىنىڭ اقىلداسۋىمەن ءارى جوعارى دارەجەلى پارتيا ۇيىمىنىڭ قوسىلۋىمەن وسى 13 جولداستى پارتيانىڭ كانديدات مۇشەسى ەتىپ قابىلداۋ ۇيعارىلدى.

  1 - ايدىڭ 28 - كۇنى شينجياڭ مەديتسينا داشۋەسىنە قاراستى 6 شيپاحانانىڭ ەمدەۋ قىزمەتكەرلەرىنەن ۇيىمداسقان شينجياڭنان 1 - توپتا حۋبەيعا كومەككە بارعان ەمدەۋ اترەتى جاڭا تيپتى ايدارشا ۆيرۋس وكپە قابىنۋى سالماقتى، قاتەرلى سالماقتى ناۋقاستاردى جيناپ ەمدەيتىن ۋحان داشۋەسى حالىق شيپاحاناسى شىعىس اۋرۋحاناسىنا جەتتى. پارتيا ۇيىمىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرۋ ءۇشىن، ەمدەۋ اترەتى ۋاقىتتىق پارتيا ياچەيكاسىن قۇرىپ، پارتيا گرۋپپاسىن ۇيىمداستىردى.

  دۇڭ شۇينان بىلاي دەپ تانىستىردى: 142 اترەت مۇشەسى ۋحان داشۋەسى حالىق شيپاحاناسى شىعىس اۋرۋحاناسىنىڭ ەمدەۋ قىزمەتكەرلەرىمەن بىرگە 7 سالماقتى ناۋقاستار اۋماعى مەن 2 قاتەرلى سالماقتى ناۋقاستار جان ساقتاۋ بولمەسىنىڭ ەمدەۋ - قۇتقارۋ قىزمەتىن ۇستىنە الدى، جۇعىمدالۋى اناعۇرلىم كۇشتى، قۇتقارۋ - ەمدەۋ اناعۇرلىم كۇردەلى بولعان قاتەرلى سالماقتى ناۋقاستار الدىندا، باستان - اياق اتويلاپ الدا ءجۇرىپ، باتىلدىقپەن اۋىر جاۋاپكەرشىلىك ارقالاعاندار كوممۋنيستىك پارتيا مۇشەلەرى.

  الدىڭعى شەپتە پارتياعا كىرگەن شيا يىڭ شينجياڭ مەديتسينا داشۋەسىنە قاراستى 1 - شيپاحاناسى ICU 2 - ناۋقاستار اۋماعىنىڭ سەستراسى ەدى، سالماقتى ناۋقاستاردى كۇتۋ تاجىريبەسى مول، ول گرۋپپانىڭ باسقا سەسترالارىن باستاپ ەلەكتروكارديوگراممالىق باقىلاۋ اسپابى، تىنىس الدىرۋ اسپابى سياقتى اسپاپتاردى قولدانۋدى تانىستىرىپ، ولارعا قاقىرىق الۋ، قان الۋ سياقتى سالماقتى ناۋقاستاردى كۇتىمدەۋ قىزمەتىنىڭ جاي - جاپسارىن ۇيرەتتى. ”ەمدەۋ قىزمەتكەرى رەتىندە، وسىنداي ەرەكشە كەزدە، مەن كوكەيىمنەن كەتپەگەن ارمانىمدى جۇزەگە اسىردىم − جۇڭگو كوممۋنيستىك پارتياسىنا مۇشە بولدىم. بۇل ماعان زور باتىلدىق سيلادى، مەنىڭ پارتيا مەن حالىق ءۇشىن بار ىقىلاسپەن مىندەت وتەۋ، جاۋاپكەرشىلىك ارقالاۋ سەنىمىمدى بەكەمدەي ءتۇستى!“- دەدى شيا يىڭ تەبىرەنە.

  شينجياڭنان حۋبەيعا كومەككە بارعان ەمدەۋ اترەتىنىڭ باس جەتەكشىسى ساۋ يۇيجيڭ مىنالاردى ءبىلدىردى: وسى ءتۇتىنسىز شايقاستا كومپارتيا مۇشەلەرىنىڭ اۆانگارد ۇلگىلىك رولى اسا زور باۋرامپازدىق تۋدىردى، ”ءبىز جاس اترەت مۇشەلەرىن ىندەتكە قارسى اتتانۋدىڭ ءبىرىنشى شەبىندە ۇزدىكسىز تاربيەلەپ، سىننان وتكىزىپ، پارتيا تۋىن ىندەتكە قارسى اتتانۋدىڭ ءبىرىنشى شەبىندە اسقاق جەلبىرەتەمىز“.

جاۋاپتى رەداكتورى : نۇرعيسا قۇرمانجان ۇلى

 سۋرەت