جاقىندا سۋىق اعىس جۇرەدى
سولتۇستىك شينجياڭدا تەمپەراتۋرا 10 سەلتسي گرادۋس اينالاسىندا تومەندەيدى
2020.03.04 15:46 كەلۋ قاينارى : حالىق تورابى
حالىق تورابى، 3 – ايدىڭ 4 – كۇنى، بەيجيڭ. سۋىق اعىستىڭ ىقپالىمەن، مەجەمەن 3 – ايدىڭ 6 – كۇنى كۇندىزدەن 9 – كۇنى تۇسكە دەيىن، سولتۇستىك شينجياڭ مەن قۇمىل قالاسىنىڭ سولتۇستىگىندە تەمپەراتۋرا 8 - 10 سەلتسي گرادۋس تومەندەيدى، مۇنىڭ ىشىندە تارباعاتاي ايماعىنىڭ سولتۇستىگى، التاي ايماعى، سانجى حۇيزۋ اۆتونوميالى وبلىسىنىڭ شىعىسىنداعى ٴىشىنارا جەرلەردە تەمپەراتۋرا 10 - 14 سەلتسي گرادۋس تومەندەيدى. شينجياڭ ۇيعۇر اۆتونوميالى رايوندىق اۋا رايى ستانسياسى مىنانى ەسكەرتتى: وسى رەتكى سۋىق اعىستىڭ كەلۋىنەن تۋىلعان تەمپەراتۋرانىڭ تومەندەۋى، قار جاۋۋ جانە جولعا مۇز قاتۋ، ٴىشىنارا جەرلەردە تۋىلاتىن قارلى بورانىڭ سوعۋى سياقتىلار اۋا رايىنىڭ ىندەتتەن ساقتانۋ، قاتىناس ـ تاسىمال، ەگىن، مال شارۋاشىلىعىنا جەتكىزەتىن ٴتيىمسىز ىقپالىنان ساقتانۋ كەرەك.
مالىمەتتە كورسەتىلۋىنشە، 3 – ايدىڭ 6 - كۇنى كۇندىزدەن 8 – كۇنى كۇندىزگە دەيىن، سولتۇستىك شينجياڭنىڭ جەر ـ جەرى مەن قاشقار ايماعىنىڭ تاۋلى رايونى، قىزىلسۋ قىرعىز اۆتونوميالى وبلىسىنىڭ تاۋلى رايونى، بايىنعولين موڭعۇل اۆتونوميالى وبلىسى، تۇرپان قالاسى، قۇمىل قالاسى سياقتى جەرلەردىڭ ٴىشىنارا وڭىرلەرىندە باتىستان شىعىسقا قاراي قىرباقتان ورتاشاعا دەيىن قار جاۋادى، مۇنىڭ ىشىندە ىلە قازاق اۆتونوميالى وبلىسى، تارباعاتاي ايماعى، ٴۇرىمجى قالاسى، سانجى وبلىسى، قۇمىل قالاسىنىڭ سولتۇستىگى، سونداي ـ اق شىحىزى قالاسى سياقتى جەرلەردىڭ ٴىشىنارا وڭىرلەرىندە قالىڭ قار، ٴىشىنارا جەرلەرىندە ەرەكشە قالىڭ قار جاۋادى، ىلە وبلىسىنىڭ ٴىشىنارا جەرلەرىندە ەرەكشە قالىڭ قار جاۋدى.
3 – ايدىڭ 6 – كۇنى كۇندىزدەن 8 – كۇنى تۇنگە دەيىن سولتۇستىك شينجياڭنىڭ، شىعىس شينجياڭنىڭ باسىم كوپ وڭىرلەرىندە 6 بال شاماسىندا باتىس سولتۇستىك جەلى سوعادى، جەل وتىندەگى جەل كۇشى 10 بال اينالاسىندا، 30 شاقىرىمدىق، 100 شاقىرىمدىق جەلدى وڭىردەگى مەزەتتىك جەل 12 - 13 بالعا جەتەدى. 3 – ايدىڭ 7 – كۇنى تۇستەن كەيىننەن 8 – كۇنى ٴتۇن جارىمىنا دەيىن وڭتۇستىك شينجياڭداعى ويپاتتىڭ تەمپەراتۋراسى ℃ 8 - ℃ 5 تومەندەيدى، ويپاتقا قۇمدى بوران سوعادى، مۇنىڭ ىشىندە حوتان ايماعى، بايىنعولين وبلىسىنىڭ وڭتۇستىگى سياقتى ءبىر ءبولىم جەرلەردە كۇشتى قومدى بوران سوعادى.
شينجياڭ ۇيعۇر اۆتونوميالى رايوندىق اۋا رايى ستانسياسى مىنانى ەسكەرتتى: قاتىستى تاراۋلار ەلەكتر جەتكىزۋ جەلىسىن شارلاۋ، سۋ، ەلەكتر، جىلۋمەن قامداۋ، سونداي ـ اق زاتتىق قامتاماسىز ەتۋ سياقتى قىزمەتتەردى ويداعىداي ىستەپ، ناشار اۋا رايىنا توتەپ بەرۋ شارالارىن قولدانىپ، ىندەتتىڭ الدىن الۋدى حاۋىپسىزدىك جاعىنان قامتاماسىز ەتۋى كەرەك. سۋىق اعىستى اۋا رايى الا كەلگەن كۇشتى قارلى بوران، جولداردا مۇز قاتۋ، تاۋلى رايوندارداعى ٴىشىنارا جەرلەردە كوشكىن ٴتۇسۋ سياقتى تۋىلۋ مۇمكىندىگى جوعارى اۋا رايىنا قاراتا، قاتىستى تاراۋلاردىڭ حالىقتىق اۆياتسيا، تەمىر جول، تاس جول، سونداي - اق قالا قاتىناسىن باسقارۋ، سونداي - اق قاتىناس ينفورماتسياسىن جاريالاۋ قاتارلىلاردى كۇشەيتۋىن ۇسىنىس ەتەمىز. بۇدان سىرت، قالىڭ ەگىنشى - مالشىلارعا مال قوراسىنىڭ قار تازالاۋ، سۋىقتان ساقتانىپ، جىلۋ ساقتاۋ، جەم - ءشوپ دايىنداۋ سياقتى قىزمەتتەردى الدىن الا جاقسى ىستەۋدى، سونىمەن بىرگە قورا لاپاسىن بەكىتۋ، قار تازالاۋ جانە تەمپەراتۋرانى ارتتىرىپ، جارىق تولىقتاۋ قىزمەتىن ويداعىداي ىستەۋدى؛ اۋا رايىنىڭ وڭتۇستىك شينجياڭدا كوكتەمگى ەگىس جانە جازدىق ءبيداي ەگۋ سياقتى جاقتارعا ءتيىمسىز ىقپالىنان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
