بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭنىڭ قوعام حاۋىپسىزدىگى تاراۋى

جابايى حايۋاناتتارعا ساياتىن زاڭعا قايشى قىلمىستىق ارەكەتتەرگە قاتاڭ سوققى بەرۋ جونىندە حابارلاندىرۋ شىعاردى

2020.03.05 16:30     كەلۋ قاينارى : حالىق تورابى

  حالىق تورابى، 3 – ايدىڭ 5 – كۇنى، بەيجيڭ. شينجياڭ گازەتىنىڭ ءتىلشىسى سۇي يۇنياننىڭ 3 - ايدىڭ 3 - كۇنى ۇرىمجىدەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسىنەن ۇعىسۋىنشا، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىن كۇش سالا جاقسى ىستەپ، مۇمكىن بولعان جۇعىمدالۋ قاينارلارى مەن تارالۋ جولدارىن ءۇزىپ، حالىق بۇقاراسىنىڭ ءومىرى مەن دەنساۋلىعىنىڭ حاۋىپسىزدىگىن شىنايى قامتاماسىز ەتىپ، جابايى حايۋاناتتار بايلىعىن قورعاۋ ءۇشىن، شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسىنىڭ ورمان قوعام حاۋىپسىزدىگى مەكەمەسى 3 - ايدىڭ 1 - كۇنى «جابايى حايۋاناتتارعا ساياتىن زاڭعا قايشى قىلمىستىق ارەكەتتەرگە قاتاڭ سوققى بەرۋ جونىندەگى حابارلاندىرۋدى» جاريالادى.

  حابارلاندىرۋدا مىنالار تالاپ ەتىلدى: حابارلاندىرۋ جاريالانعان كۇننەن باستاپ بۇكىل ەل بويىنشا ىندەت اياقتالعاننان كەيىنگى كەزدەردە جابايى حايۋاناتتاردى، سونداي - اق ولاردان جاسالعان بۇيىمداردى ساۋدالاۋ ارەكەتتەرىنە جاپپاي قاتاڭ تيىم سالىنادى.

  مەملەكەت دارەجەلى جانە اۆتونوميالى رايون دارەجەلى ءتۇيىندى تۇردە قورعالاتىن، سونداي - اق مەملەكەت قورعايتىن پايدالى نەمەسە ماڭىزدى ەكونوميكالىق، عىلىمي زەرتتەۋ قۇنى بار جابايى حايۋاناتتاردى اۋلاۋعا، ولتىرۋگە تيىم سالىنادى. ۋ ءدارى، ەگىس ءدارىسى، ساداق، جارىلعىش زات، ەلەكترمەن سوعۋ نەمەسە ەلەكترلى شىرعالاۋ قۇرىلعىسى، سونداي - اق تۇزاق، قاقپان، قارا مىلتىق، اۋ مىلتىعى، بىتىرا سياقتى قۇرالداردان پايدالانىپ اۋلاۋعا تيىم سالىنادى، تۇندە پراجەكتور جاعىپ اۋلاۋ، قىرۋ سيپاتتى قورشاپ اۋلاۋ، ۇيانى بۇزۋ، وتپەن شىرعالاۋ، تۇتىنمەن شىرعالاۋ، اۋمەن ۇستاۋ، قاتىناس قۇرالدارىمەن قۋالاۋ سياقتى ادىستەرمەن مەملەكەت ءتۇيىندى تۇردە قورعايتىن جابايى حايۋاناتتاردى اۋلاۋعا تيىم سالىنادى. جابايى حايۋاناتتار مەكەندەيتىن جەرلەردە قۇس جۇمىرتقاسىن الۋ، ءوسىپ - ءوربيتىن جەرلەرىن ءبۇلدىرۋ سياقتى ارەكەتتەرگە تيىم سالىنادى.

  مەملەكەت ءتۇيىندى تۇردە قورعايتىن جابايى حايۋاناتتاردى، سونداي - اق ولاردان جاسالعان بۇيىمداردى ساتىپ الۋعا، تاسىمالداۋعا، ساتۋعا، الىپ ساتۋعا، الىپ جۇرۋگە، جونەلتۋگە تيىم سالىنادى. مەملەكەت ءتۇيىندى تۇردە قورعايتىن جابايى حايۋاناتتار مەن مەملەكەتتىڭ ءتۇيىندى قورعاۋىنا جاتپايتىن جابايى حايۋاناتتار ءوندىرىسىمەن شۇعىلدانۋعا، تيجارات ەتۋگە، پايدالانۋعا، سونداي - اق ولاردان ازىق - تۇلىك جاساۋعا، ساۋداعا سالۋعا، پايدالانۋعا تيىم سالىنادى. زاڭسىز ساتىپ الىنعان مەملەكەت ءتۇيىندى تۇردە قورعايتىن جابايى حايۋاناتتاردى، سونداي - اق ولاردان جاسالعان بۇيىمداردى تۇتىنۋعا تيىم سالىنادى. ينتەرنەت ساۋدا تۇعىرى، تاۋار ساۋدا بازارى سياقتى ساۋدا ورىندارىنىڭ جابايى حايۋاناتتاردى، سونداي - اق ولاردان جاسالعان بۇيىمداردى نەمەسە پايدالانۋعا تيىم سالىنعان اۋلاۋ قۇرالدارىن زاڭعا قايشى تۇردە ساتۋعا، ساتىپ الۋعا، پايدالانۋعا ساۋدا قىزمەتىن وتەۋىنە تيىم سالىنادى.

  جابايى حايۋاناتتاردى قورعاۋ، باسقارۋ زاڭدىق ەرەجەلەرىنە قايشى ارەكەتتەر زاڭ بويىنشا قاتاڭ تەكسەرىلىپ ءبىر جاقتى ەتىلەدى، حاراكتەرى اۋىرلارىنىڭ قىلمىستىق ىستەر جاۋاپكەرشىلىگى قۋزاستىرىلادى.

  حابارلاندىرۋدا بىلاي دەپ اتاپ كورسەتىلدى: جابايى حايۋانات اكىمشىلىك باسقارۋ قىزمەتكەرلەرىنىڭ ۇكىمەت قىزمەتىن زاڭ بويىنشا اتقارۋىنا كەدەرگىلىك جاساعانداردى، ودان باس تارتقانداردى نەمەسە زورلىقتى كۇشپەن قارسىلىق كورسەتكەندەردى قوعام حاۋىپسىزدىگى ورگانى زاڭ بويىنشا جازالايدى، حاراكتەرى اۋىر بولىپ قىلمىس قالىپتاستىرعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

  ءتىلشىنىڭ ۇعىسۋىنا قاراعاندا، وسى جولى جاريالانعان حابارلاندىرۋ «جۇڭحۋا حالىق رەسپۋبليكاسىنىڭ قىلمىستىق ىستەر زاڭى»، «جۇڭحۋا حالىق رەسپۋبليكاسىنىڭ قوعام اماندىعىن باسقارۋ - جازالاۋ زاڭى»، «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى»، «جۇڭحۋا حالىق رەسپۋبليكاسىنىڭ قۇرلىقتىق جابايى حايۋاناتتاردى قورعاۋدى اتقارۋ ەرەجەسى» سياقتى زاڭدار مەن زاڭدىق ەرەجەلەر جانە ءادىليالىق تۇسىندىرۋلەر نەگىزىندە جاسالعان.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار