6 – ايدىڭ سوڭىندا شينجياڭ كەدەي حالىقتىڭ اۋىز سۋ حاۋىپسىزدىگىن تۇبەگەيلى شەشەدى
2020.03.09 18:05 كەلۋ قاينارى : حالىق تورابى
حالىق تورابى، 3 – ايدىڭ 9 – كۇنى، بەيجيڭ. شينجياڭ گازەتىنىڭ حابارى، «قازىرگە دەيىن شينجياڭدا 15 مىڭ 300 كەدەي حالىقتا اۋىز سۋ حاۋىپسىزدىگى ماسەلەسى ورىن تەۋىپ وتىر، باستى شوعىرلانعان جەر ءپايزاۋات اۋدانى. قازىر ءپايزاۋات اۋدانىنداعى قالا، اۋىلداردىڭ اۋىز سۋ حاۋىپسىزدىگى ينجەنەرياسىنىڭ ％90ى ورىندالىپ بولدى، بيىل 6 - ايدىڭ سوڭىنان بۇرىن جاپپاي ورىندالادى دەپ مەجەلەنۋدە، سول كەزدە، شينجياڭداعى كەدەي حالىقتىڭ اۋىز سۋ حاۋىپسىزدىگى ماسەلەسى تۇبەگەيلى شەشىلەتىن بولادى»، - دەدى 3 - ايدىڭ 7 - كۇنى تۇستەن بۇرىن شينجياڭ ۇيعۇر اۆتونوميالى رايوندىق اۋىل - قىستاق اۋىز سۋ حاۋىپسىزدىگىن باسقارۋ باس پۋنكتىنىڭ مەڭگەرۋشىسى جاڭ يۇن.
جاڭ يۇننىڭ تانىستىرۋىنشا، ءپايزاۋات اۋدانىنداعى قالا، اۋىلداردىڭ اۋىز سۋ حاۋىپسىزدىگى ينجەنەرياسى بىتكەننەن كەيىن، جەرگىلىكتى ورىننىڭ سۋمەن قامداۋ ساپاسى بارىنشا جوعارىلايدى، جاقسارتۋ نىسانى اۋماعىنداعى ءار ۇلت بۇقاراسىنىڭ ءوندىرىس، تۇرمىس شارت - جاعدايى جاقسارادى. وسى ينجەنەريا اتىندا بىلتىردان قازىرگە دەيىن شينجياڭدا اۋىل - قىستاق اۋىز سۋ حاۋىپسىزدىگى ينجەنەرياسى جەدەل ىلگەرىلەپ، كەدەيلىكتەن ارىلتۋدان قامال الۋ شەشۋشى شايقاسىندا شەشۋشى جەڭىسكە جەتۋگە بەرىك نەگىز قالاندى.
«ونى بۇرىن سۋ تاسۋعا پايدالانعانبىز، قازىر مۇلدە ىستەتىلمەي قالدى». تاشقورعان تاجىك اۆتونوميالى اۋدانى بەلدىر اۋىلى بوسىتبەلدىر قىستاعىندا قىستاق تۇرعىنى ءماتقۇربان سامساق ءۇيدىڭ ءبىر بۇرىشىندا شاڭ باسىپ تۇرعان ۇلكەن سۋلياۋ كاتەلدى نۇسقاپ: «قازىر ۇيىمىزدە قۇبىر سۋى بار، كەز كەلگەن ۋاقىتتا تاماق جاساپ، كىر جۋىپ، تازالىق ىستەي الاتىن بولدىق، تازا سۋ بولماۋدان ەندىگارى الاڭدامايتىن بولدىق»، - دەدى.
قازىر سۋ شۇمەگىن اعىتىسىمەن ءموپ - ءمولدىر سۋدىڭ سىلدىرلاي اعۋى شينجياڭنىڭ جەر - جەرىندە قالىپتى جاعدايعا اينالعان. تۇتاس شينجياڭداعى ءار دارەجەلى ورىندار جەرگىلىكتى حالىق ۇكىمەتىنىڭ نەگىزگى تۇلعالىق جاۋاپكەرشىلىگىن، سۋدى اكىمشىلىك جاقتان باسقارۋ قاتارلى تاراۋلاردىڭ، كاسىپ سالالارىنىڭ باقىلاۋ - باسقارۋ جاۋاپكەرشىلىگىن جانە سۋمەن قامداۋ ورىندارىنىڭ اينالىمدى باسقارۋ جاۋاپكەرشىلىگىن جاپپاي تياناقتاندىرىپ، كەدەي حالىقتىڭ اۋىز سۋ حاۋىپسىزدىگى جاعىنداعى ولقىلىقتارىن تولىقتىردى.
2019- جىلى تۇتاس شينجياڭدا اۋىل - قىستاق اۋىز سۋ حاۋىپسىزدىگى ينجەنەرياسىنا قوسىلعان قارجى 3 ميلليارد 830 ميلليون يۋانعا جەتتى، 116 ءتۇرلى اۋىل - قىستاق اۋىز سۋ حاۋىپسىزدىگى ينجەنەرياسى سالىنىپ، 346 مىڭ 200 كەدەي حالىقتىڭ اۋىز سۋ حاۋىپسىزدىگى ماسەلەسى شەشىلىپ، جىلدىق نىسانا - مىندەتتىڭ ％132ى ورىندالدى.
تازا سۋ تۇتىنۋ تەك العاشقى قادام، جاڭ يۇن بىلاي دەدى: بيىل تاعى دا 22 كەدەي اۋداننىڭ اۋىز سۋ ساپاسى اناعۇرلىم ءتۇيىندى تۇردە بەكەمدەلەدى جانە جوعارىلاتىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
