بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

ءۇرىمجى ەكى ۇلكەن جولاۋشى تاسىمال بەكەتى شينجياڭ ىشىندەگى 12 ۇزاق ارالىقتى كەزەكشى اۆتوبوز جەلىسىن قالپىنا كەلتىردى

2020.03.10 16:22     كەلۋ قاينارى : حالىق تورابى

  حالىق تورابى، 3- ايدىڭ 10 – كۇنى، بەيجيڭ. 3 ـ ايدىڭ 9 ـ كۇنى ساعات نولدەن باستاپ، ءۇرىمجى حالىقارالىق ۇزاق جولدى اۆتوكولىك جولاۋشى تاسىمال بەكەتى، ءۇرىمجى سولتۇستىك قالا ماڭى جولاۋشى تاسىمال بەكەتى قالا ارالىق 12 جولاۋشى تاسىمال كەزەكشى اۆتوبوز جەلىسىنىڭ تيجاراتىن قالپىنا كەلتىردى.

  ءتىلشىنىڭ ءۇرىمجى قالالىق قاتىناس ـ تاسىمال مەكەمەسىنەن ۇعىسۋىنشا، كاسىپورىنداردىڭ جۇمىسىن قالپىنا كەلتىرۋ، ءوندىرىستى قالپىنا كەلتىرۋ جانە حالىق بۇقاراسىنىڭ ءوندىرىس، تۇرمىس قاجەتىن قاناعاتتاندىرۋ ءۇشىن، ءۇرىمجى قالالىق ىندەتتەن ساقتانۋ جانە ونى تىزگىندەۋ قولباسشىلىق شتابىنىڭ ورنالاستىرۋىنا ساي، اتالعان مەكەمە مەن ءۇرىمجى قالالىق جول تاسىمالىن باسقارۋ مەكەمەسى بىرلەسىپ «ءۇرىمجى قالاسىنىڭ تاس جول جولاۋشى تاسىمالىنا قىزمەت وتەۋدى بىرتىندەپ ءتارتىپتى قالپىنا كەلتىرۋ جونىندەگى حابارلاندىرۋدى » (تومەندە قىسقارتىلىپ «حابارلاندىرۋ» دەلىنەدى) جاريالاپ، 3 ـ ايدىڭ 9 ـ كۇنى ساعات نولدەن باستاپ ءۇرىمجى قالاسىنىڭ تاس جول جولاۋشى تاسىمالى قىزمەت وتەۋىن بىرتىندەپ، ءتارتىپتى قالپىنا كەلتىرۋدى بەلگىلەدى.

  «حابارلاندىرۋدىڭ» مازمۇنىنا ساي، وسى رەت الدىمەن ءۇرىمجى حالىقارالىق ۇزاق جولدى اۆتوكولىك جولاۋشى تاسىمال بەكەتى، سولتۇستىك قالا ماڭى جولاۋشى تاسىمال بەكەتى سىندى ەكى 1 - دارەجەلى جولاۋشى تاسىمال بەكەتى مەن قالا ارالىق 12 جولاۋشى تاسىمال كەزەكشى اۆتوبوز لەنياسىن قالپىنا كەلتىردى.

  مۇندا وڭتۇستىك شينجياڭ باعىتىندا حوتان جانە اقسۋ قالالارىنا باراتىن ەكى لەنيانى قامتيدى؛ شىعىس شينجياڭ باعىتىنان تۇرپان قالاسىنا باراتىن ءبىر لەنيا قالپىنا كەلتىرىلدى؛ سولتۇستىك شينجياڭدا شىحىزى قالاسى، ساۋان اۋدانى، شيحۋ قالاسى، كۇيتۇن قالاسى، قۇلجا قالاسى، قارامايلى قالاسى، شاۋەشەك قالاسى، التاي قالاسى، سانجى حۇيزۋ اۆتونوميالى وبلىسى (فۋكاڭ قالاسى، جەمسارى اۋدانى، شونجى اۋدانى، موري قازاق اۆتونوميالى اۋدانى) قاتارلى 9 لەنيانى قالپىنا كەلتىردى.

  تاسىمال جۇمىسى قالپىنا كەلگەن جولاۋشى تاسىمال كەزەكشى لەنياسىندا كۇنىنە ءبىر رەت كەزەكشى اۆتوبوز قاتىنايدى، ءتۇيىن بويىنشا توتە تاسۋدى جولعا قويدى، جول بويىندا توقتاۋعا، جولدان ءتۇسىپ قالۋعا نەمەسە شىعۋعا بولمايدى، ناقتى اتى - ءجونىن قولدانۋ ءتۇزىمى اتقارىلىپ، جولاۋشىلار ازاماتتىق كۋالىك سياقتى كۇشكە يە كۋالىكتەر ارقىلى بەلەت ساتىپ الادى.

  سونىمەن بىرگە، قالىڭ جولاۋشىلاردان ىندەتتەن ساقتانۋ جانە ونى تىزگىندەۋگە قاتىستى بەلگىلەمەلەرگە سانالى بويسۇنىپ، جەكە ساقتىقتى جاپپاي جاقسى ىستەپ، ءسوز جوق جول بويى تولىق ماسكى تاعىپ، پۋنكت قىزمەتكەرلەرىنە ىرىقتىلىقپەن سايكەسىپ، دەنە تەمپەراتۋراسىن تەكسەرۋدى، تىزىمدەۋدى ويداعىداي ىستەپ، «جولاۋشىلاردىڭ دەنساۋلىعىن مالىمدەۋ ارحيۆىن» قاز ـ قالپىندا تولتىرۋدى تالاپ ەتتى. دەنە تەمپەراتۋراسى قالىپسىز ادامدار مەن ماسكى تاقپاعانداردى تاسىمالداۋعا بولمايدى. جولاۋشىلار تالاپ بويىنشا كولىكتەگى قىزمەتكەرلەردىڭ ورنالاستىرۋىنا بويسۇنىپ، بەلگىلەنگەن ورىنعا، بىتىراي وتىرۋى كەرەك.

  ءۇرىمجى قالالىق قاتىناس ـ تاسىمال مەكەمەسى قالىڭ جولاۋشىلارعا ەگەر ءجۇرىس ـ تۇرىس جوسپارى بولسا، جولاۋشى تاسىمالىنا قىزمەت وتەۋ ىستىق لەنياسىنا تەلەفون بەرىپ، ءتىپتى دە كوپ جاڭا اۆتوكولىك جونەلتۋ ينفورماتسياسىن ۇعىسۋدى ەسكەرتتى. ءۇرىمجى حالىقارالىق ۇزاق جولدى جولاۋشىلار تاسمال اۆتوكولىك تاسىمال بەكەتىنىڭ تەلەفون ءنومىرى: 5878898 - 0991؛ سولتۇستىك قالا ماڭى جولاۋشىلار بەكەتىنىڭ تەلەفون ءنومىرى: 0991 – 4875555.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار