بۇكىل شينجياڭدا تۇڭعىش توپتا 572 مىڭ 900 وقۋشى وقۋىن باستادى
2020.03.18 16:02 كەلۋ قاينارى : حالىق تورابى
حالىق تورابى، 3 – ايدىڭ 18 – كۇنى، بەيجيڭ. گازەتىمىزدىڭ جالپىلىق اقپارات قۇرالدارى ءتىلشىسى جاۋ شييا 3 - ايدىڭ 16 - كۇنى ۇرىمجىدەن حابارلايدى. دەنە تەمپەراتۋراسىن ولشەدى، قولىن زارارسىزداندىردى، ماسكى تاراتتى، 3 - ايدىڭ 16 - كۇنى ساعات 8دەن 50 مينۋت وتكەندە، جادىراعان كوكتەم شۋاعىندا ءۇرىمجى قالالىق 13 - ورتا مەكتەپتىڭ ورتالاۋ 3 - جىلدىق وقۋشىسى حۋاڭ شييۋان مەكتەپ اۋلاسىنا كىرىپ، جاڭا وقۋ ماۋسىمىنداعى تۇرمىسىن باستادى.
«وقۋ باستالۋىن بۇرىن مۇنشالىق كۇتپەگەن ەكەنمىن، قازىر كلاستا وتىرىپ ساباق تىڭداۋدىڭ قانشاما باقىتتى ءىس ەكەندىگىن سەزىنۋدەمىن»، - دەدى حۋاڭ شييۋان اشىق - جارقىن بەينەدە.
سول كۇنى بۇكىل شينجياڭدا (بيڭتۋاندى قامتيدى) تۇڭعىش توپتا ورتا مەكتەپتىڭ 3 - جىلدىعىنىڭ، ورتالاۋ مەكتەپتىڭ 3 - جىلدىعىنىڭ جانە ورتا دارەجەلى كاسىپتىك مەكتەپتەردەن وقۋ تاۋىساتىن جىلدىقتاردىڭ 572 مىڭ 900 وقۋشىسى وقۋدى قايتا باستاپ، جاڭا وقۋ ماۋسىمىن قارسى الدى.
حوتان ايماقتىق 2 - ورتا مەكتەبىندە تولىق ورتانىڭ 3 - جىلدىق وقۋشىلارى وقۋ باستاۋدىڭ ءبىرىنشى ساباعىن − «جاڭا تيپتى ايدارشا ۆيرۋس وكپە قابىنۋىنان ساقتانۋ - قورعانۋ بىلىمدەرىنەن لەكسيانى» وقىدى. ساباقحانادا كلاس جەتەكشىسى ىندەتتەن ساقتانۋ بىلىمدەرىن جالپىلاستىرۋمەن بىرگە، وقۋشىلاردى ىندەت اكەلگەن ىقپالعا ۇستامدىلىقپەن مامىلە جاساۋعا، ۇيرەنۋگە تاسقىنداعان بەينەمەن كىرىسۋگە جەتەكتەۋگە باسا ءمان بەردى. وسى مەكتەپتىڭ پارتكوم شۋجيى ۋ شياۋليڭ بىلاي دەدى: «مەكتەپ وقۋشى سانى از كلاستا ساباق ءوتۋ ۇلگىسىن قولدانىپ، جەلىدە وقىتۋ مەن ساباقحانا وقىتۋىن ءونىمدى ۇشتاستىرىپ، وقىتۋ ونىمدىلىگىنە شىنايى كەپىلدىك ەتەدى».
ۇعىسۋعا قاراعاندا، وقۋشىلاردىڭ حاۋىپسىز، تارتىپپەن ساباق باستاۋىنا شىنايى كەپىلدىك ەتۋ ءۇشىن، شينجياڭ ۇيعۇر اۆتونوميالى رايوندىق پارتكوم ءبىرتۇتاس جوسپارلاپ ورنالاستىرىپ، عىلىمي قولباسشىلىق جاسايدى، جەر - جەر، تاراۋلار، ءار دارەجەلى، ءار ءتۇرلى مەكتەپتەر «دالمە - ءدال شارا بەلگىلەۋ، ءبىر مەكتەپكە ءبىر شارا، تيتتەي دە اعاتتىق جىبەرمەۋ» پرينسيبى بويىنشا، ءبىرقىدىرۋ شارالار قولداندى. مۇنىڭ ىشىندە، قاشقار ايماعى كاسىپتىك ادامداردى ۇيىمداستىرىپ، بۇكىل ايماقتاعى، اۋدانداعى، قالاداعى، مەكتەپتەردەگى تىرەكتى كۇشتەردى ىندەتتەن ساقتانۋ - تىزگىندەۋ بىلىمدەرىنە ارنايى باۋلىپ، «وقۋ باستاۋدىڭ 1 – ساباعىنان» پايدالانىپ، مەكتەپكە ورالعان وقۋشىلارعا جاپپاي باۋلۋ جۇرگىزىپ، بۇكىلدەي قامتۋعا كەپىلدىك ەتتى؛ وقۋ باستاۋدىڭ الدىندا، التاي ايماعى مەكتەپتەردىڭ وقۋ باستاۋىنا قاجەتتى ساقشى ىستەرى كۇشى مەن ەمدەۋ قىزمەتكەرلەرىن ءبىرتۇتاس جوسپارلاپ سەپتەپ، وقۋشىلاردىڭ مەكتەپكە كىرەتىن ءبىرىنشى وتكەلىنەن باستاپ جالپى بارىستىق جاتتىعۋ جۇرگىزىپ، وقىتۋشى - وقۋشىلاردىڭ ىندەتتەن ساقتانۋ قابىلەتىن جانە ورىنداردىڭ سايكەسۋ قابىلەتىن كۇشەيتتى؛ بايىنعولين موڭعۇل اۆتونوميالى وبلىسى وقۋ - اعارتۋ جۇيەسىنىڭ رۋحاني جاقتان «ىندەتتەن» ساقتانۋ پۋنكتىن تولىق ىسكە قوسىپ، وقىتۋشى - وقۋشىلاردى، اتا - انالاردى، ت.ب. ۇزدىكسىز پسيحولوگيالىق كومەك بەرۋ قىزمەت وتەۋىمەن تەگىن قامدادى.
شينجياڭ ۇيعۇر اۆتونوميالى رايون مىنالاردى تالاپ ەتتى: جەر - جەر، تاراۋلار، ءار دارەجەلى، ءار ءتۇرلى مەكتەپتەر وقىتۋشى - وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، ءار دارەجەلى پارتيا ۇيىمدارىنىڭ تۇلعالىق جاۋاپكەرشىلىگىن نىعايتىپ، ناقتىلاندىرىپ، ۇيىمدىق باسشىلىقتى كۇشەيتىپ، جوبا - جوسپاردى عىلىمي تۇردە جاساۋ كەرەك. ىندەتتەن ساقتانۋ - تىزگىندەۋدىڭ ءتۇرلى شارالارىن ەگجەي - تەگجەيلى، دالمە - ءدال ويداعىداي تياناقتاندىرىپ، وقىتۋشى - وقۋشىلاردىڭ ءومىرىنىڭ حاۋىپسىزدىگىنە، ىندەتتەن ساقتانۋ - تىزگىندەۋدە جانە وقىتۋ قىزمەتىندە تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
