بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتەدى

استىقتى ورنىقتىرۋدى، ماقتانى ساپالىلاندىرۋدى، مال شارۋاشىلىعىن جەبەۋدى، ەرەكشە ونىمدەر شارۋاشىلىعىن گۇلدەندىرۋدى ىلگەرىلەتەدى

2020.04.02 16:01    

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 3 - ايدىڭ 31 - كۇنى ۇرىمجىدەن حابارلايدى. بۇكىل رايون بويىنشا اشىلعان اۋىل شارۋاشىلىعى، اۋىل - قىستاق قىزمەتى ماجىلىسىنەن ۇعىسۋعا قاراعاندا، بيىل رايونىمىز اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ۇزدىكسىز تەرەڭدەتىپ، ”استىق ەگۋگە قولايلى بولسا استىق ەگۋگە، ماقتا ەگۋگە قولايلى بولسا ماقتا ەگۋگە، مال باعۋعا قولايلى بولسا مال باعۋعا، جەمىس وسىرۋگە قولايلى بولسا جەمىس وسىرۋگە“ تاباندى بولىپ، استىقتى ورنىقتىرۋدىڭ، ماقتانى ساپالىلاندىرۋدىڭ، مال شارۋاشىلىعىن جەبەۋدىڭ، ەرەكشە ونىمدەر شارۋاشىلىعىن گۇلدەندىرۋدىڭ ورنىقتى دامۋىن ىلگەرىلەتىپ، ساپالى اۋىل شارۋاشىلىعى ونىمدەرىمەن قامداۋدى بار كۇشپەن قامتاماسىز ەتپەك.

  استىقتى ورنىقتىرۋ جاعىندا، رايونىمىز وڭىرلەرگە ورنالاسۋى مەن سورت قۇرىلىمىن ساپالىلاندىرىپ، استىق ءوندىرىسى فۋنكتسيالىق اۋماعى قۇرىلىسىن جەدەل ىلگەرىلەتىپ، نەگىزگى ازىقتىقتاردىڭ ونەركاسىپتەنۋ دەڭگەيىن جەدەل جوعارىلاتىپ، ساپاسىن جوعارىلاتىپ، ونىمدىلىگىن ارتتىرۋدى جۇزەگە اسىرادى. بۇكىل رايوننىڭ استىق ەگىلەتىن جەر اۋدانى مەن ءونىم مولشەرى وتكەن جىلعى دەڭگەيدەن تومەن بولمايدى. سولتۇستىك شينجياڭ وڭىرىندەگى ءبيداي ەگۋگە ۇيلەسەتىن تەڭىز دەڭگەيىنەن جوعارى سۋىق، سالقىن سياقتى وڭىرلەردەگى ءسابىر اۋماقتاردا كوكتەمگى ءبيداي ەگىس اۋدانىن بىرتىندەپ ازايتىپ، تالشىعى قۋاتتى، سەلەنى مول، ورگانيكالى ارناۋلى ءبيدايدى زور كۇشپەن دامىتىپ، جاسىل، ساپالى، ەرەكشە ءبيدايدى دامىتۋدان ۇلگى كورسەتۋ اۋماعىن قالىپتاستىرادى. وڭتۇستىك شينجياڭ ءوڭىرى ءتۇيىندى تۇردە ءوندىرۋ مەن ساتۋدىڭ تەپە - تەڭدىگىن تياناق ەتىپ، جەمىس ورمانى نەگىزگى ءوندىرىس اۋماعىنىڭ ورمان مەن استىق اراسىنداعى جەرلەرگە ەگۋ ۇلگىسىنەن شەگىنىپ شىعۋىنا ىزدەنىس جاسايدى، وعان قولداۋ كورسەتەدى.

  ماقتانى ساپالىلاندىرۋ جاعىندا، رايونىمىز ورنالاستىرۋدى باسىمدىققا يە ماقتا اۋماقتارىنا شوعىرلاندىرىپ، ماقتا سورتىنىڭ سانىن ازايتىپ، ماقتا ساپاسىن جوعارىلاتىپ، ساپالى ماقتا ءوندىرىسى بازاسى قۇرىلىسىن تىڭعىلىقتى ىلگەرىلەتىپ، شينجياڭ ماقتاسىنىڭ ”كولەمدى بولۋدان قۋاتتى بولۋىن“ جۇزەگە اسىرۋدى ايقىندادى. ماقتا سورتىنىڭ جەتىلۋ سيپاتى مەن ساپاسىن وڭىرگە ءبولىپ تەكسەرۋدى ورىستەتىپ، ۇزىن تالشىقتى ماقتا، جىڭىشكە تالشىقتى ماقتا سياقتى ساپالى، ەرەكشە، ارناۋلى ماقتا ءوندىرۋ وڭىرلەرىن ەگجەي - تەگجەيلى ايىرىپ، ماقتا ەگۋگە ۇيلەسەتىن ءسابىر اۋماقتارىندا ماقتا ەگۋدەن بىرتىندەپ شەگىنەدى. جەر - جەر وڭىردەگى ماقتا ءوندىرىسىنىڭ قازىرگى جاعدايىنا، ساپاسىنا جانە كليمات شارت - جاعدايىنا نەگىزدەلىپ، ماقتا سورتىن سايكەسىمدىلىگىنە ساي ەگىپ، لايىقتى تۇردە ماشينامەن تەرۋدى تاڭداپ، زور كولەمدەگى جالپىلاستىرىلعاندارىن نەگىزگى ەگىلەتىن سورت ەتىپ، ۇقساس ەكولوگيالىق وڭىردە ”ءبىردى نەگىز، ەكىنى قوسىمشا ەتۋدەي“ ەگۋ ۇلگىسىن جالپىلاستىرىپ، ”ءبىر اۋداندا ءبىر سورت“، ”كوپ اۋداندا ءبىر سورت“ بولۋعا شابىتتاندىرىپ، ماقتا ساپاسىنىڭ ءبىرىڭعايلىعىن قاينارىنان باستاپ جوعارىلاتىپ، حالىقارالىق بازارداعى باسەكەلىك قۋاتىن كۇشەيتەدى.

  مال شارۋاشىلىعىن جەبەۋ جاعىندا، بيىل رايونىمىز ەگىن شارۋاشىلىعى وڭىرلەرىندە مال شارۋاشىلىعىن كوركەيتۋ ارەكەتىن اتقارىپ، سولتۇستىك شينجياڭنىڭ ەگىن شارۋاشىلىق وڭىرلەرى جانە وڭتۇستىك شينجياڭنىڭ قاراءشارى ويپاتى سياقتى جەرلەردە جەم - ءشوپ ماتەريالدارى مولدىعىنىڭ جانە زور كولەمدە جۇگەرى ەگۋدىڭ ارتىقشىلىعىن تولىق ساۋلەلەندىرىپ، وسىزاماندانعان مال شارۋاشىلىعىنان ۇلگى كورسەتۋ اۋماقتارىن قۇرادى. سانجى، ىلە وڭىرلەرىندە ساۋىن سيىر كولەمدى باعىمشىلىعىن كورنەكتى دامىتىپ، ەرەكشە ءسۇت ونىمدەرىن دامىتىپ، ءسۇت شارۋاشىلىعى تەحنيكاسى جۇيەسىن كەمەلدەندىرىپ، شينجياڭنىڭ ءسۇت شارۋاشىلىعىن گۇلدەندىرەدى. وڭتۇستىك شينجياڭنىڭ ەگىن شارۋاشىلىق وڭىرلەرى ەكولوگيالىق ورتامەن، جەپ - ءشوپتىڭ كوتەرىمدىلىك جاعدايىمەن ۇشتاستىرىپ، قۇس تۇرلەرىن كورنەكتى دامىتىپ، قويان، ەسەك، تۇيە سياقتى ەرەكشە باعىمشىلىقتى سۇيەمەلدەيدى، دامىتادى. جەم - ءشوپ تاپشىلىعىن شەشىپ، قوسىمشا قاراجات ساياساتىن ويداعىداي تياناقتاندىرىپ، سۇرلەمدىك جۇگەرى، جوڭىشقا سياقتى ساپالى جەم - ءشوپ ەگىلەتىن جەر اۋدانىن كەڭەيتىپ، ”ءبيداي + سۇرلەمدىك جۇگەرىنى“ قايتالاي ەگۋ ۇلگىسىن جالپىلاستىرادى. كاسىپ سالالانۋ دەڭگەيىن جوعارىلاتىپ، ءسۇت شارۋاشىلىعى، ەت مانەرلەۋ، مال شارۋاشىلىعى باستاماشى كاسىپورىندارىن جەتىلدىرۋدى نەگىزگى قامال الۋ بەتالىسى ەتىپ، باسىمدىققا يە مال شارۋاشىلىعىنا ساياتىن باستاماشى كاسىپورىنداردى سۇيەمەلدەپ، ”ەلدە جوقتارى بىزدە بار، ەلدە بارى بىزدە ساپالى، ەلدە ساپالىسى بىزدە ەرەكشە“ دەيتىن پارىقتاندىرىپ دامىتۋ وي جەلىسىنە تاباندى بولىپ، شينجياڭنىڭ مال شارۋاشىلىق ونىمدەرىنىڭ جاسىل، ورگانيكالى سارا ماركاسىن قالىپتاستىرادى.

  مۇنان سىرت، رايونىمىز شاعىن سورتتاردى دامىتىپ، شارۋالاردىڭ كىرىسىن ارتتىراتىن ءىرى كاسىپ سالاسىنا اينالدىرىپ، اۋىل شارۋاشىلىعى ونىمدەرىنىڭ بىرتەكتى باسەكەلىگى مەن ءونىمى ارتقانمەن، كىرىسى ارتپاۋ قيىنشىلىعىن شەشەدى. ەرەكشە استىق داقىلدارى مەن ەكونوميكالىق داقىلداردى ەگۋدى كەڭەيتىپ، جوڭعار ويپاتىنىڭ وڭتۇستىك جيەگىندە، ىلە وزەنى اڭعارىندا، قۇلىستاي ويپاتىنىڭ وڭتۇستىك جيەگىندە جانە التاي ايماعىندا ماقسارى، قىشى سياقتى ەرەكشە ماي ماتەريالدارى نەگىزگى ءوندىرىس اۋماقتارىن جوبالاپ قۇرادى؛ تارىم ويپاتىنىڭ باتىس جيەگىندە، وڭتۇستىك جيەگىندە قىزىل ميا، ەتتى سۇڭعىلا سياقتى جۇڭگوشا ءدارى ءشوپ ماتەريالدارى نەگىزگى ءوندىرىس اۋماقتارىن جوبالاپ قۇرادى؛ ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، التاي ايماعىنىڭ ءىشىنارا باسىمدىققا يە ءوندىرىس اۋماقتارى قارا استىق، بۇرشاق جانە كارتوپ تۇرلەرىن ەگۋدى دامىتىپ، ءوندىرىس بازاسىن قۇرۋدى جانە سارا ماركا جەتىلدىرۋدى جەدەل ىلگەرىلەتىپ، ەرەكشە استىق داقىلدارى جانە ەكونوميكالىق داقىلداردى ەگۋدىڭ باسىمدىققا يە اۋماعىن قۇرادى. ەرەكشە باۋ - باقشا ونىمدەرىن ساپالىلاندىرىپ جانە كۇشەيتىپ، قىزاناق مانەرلەۋ، ونەركاسىپتىك اشتى بۇرىش جانە قاۋىن، قاربىز سياقتى باسىمدىققا يە ءوندىرىس اۋماقتارىن بەلسەنە قۇرادى. قىزاناق مانەرلەۋ كاسىپ سالاسىنىڭ شوعىرلانۋ دارەجەسىن جوعارىلاتىپ، جوڭعار ويپاتىنىڭ وڭتۇستىك جيەگى جانە قاراءشارى ويپاتى سياقتى باسىمدىققا يە 2 ءىرى ءوڭىردى ءتۇيىندى تۇردە ورنالاستىرىپ جانە دامىتىپ، بازار سوڭعى ونىمدەرىنىڭ سارا ماركاسىن بەلسەنە جەتىلدىرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار