شينجياڭ كاسىپورىندارعا 144 ميلليارد 900 ميلليون يۋانعا جۋىق «جۇمىستى قالپىنا كەلتىرۋ قارىز اقشاسىن» تاراتتى
2020.04.14 17:12 كەلۋ قاينارى : حالىق تورابى
حالىق تورابى، 4 – ايدىڭ 14 – كۇنى، بەيجيڭ. شينحۋا اگەنتتىگىنىڭ 4 - ايدىڭ 12 - كۇنى ۇرىمجىدەن بەرگەن حابارى (تىلشىلەر سۇن جى، شاڭ شىڭ). شينجياڭ بانكە سالاسى امانات قارىز اقشا ونىمدەرىن بىرىكتىرۋ مەن ىندەتتەن ساقتانۋ - تىزگىندەۋگە قولداۋ كورسەتۋ ساياساتىن ءوزارا ۇشتاستىرىپ، جەلىدەگى تۇعىرلاردان پايدالانىپ، جۇمىستى قالپىنا كەلتىرۋدەگى شۇعىل جاعدايعا توتەپ بەرۋ قارىز اقشاسى، ىندەتكە توتەپ بەرۋ قارىز اقشاسى سياقتى ونىمدەردى شىعارىپ، 1 - ايدىڭ 20 - كۇنىنەن بەرى جۇمىستى، ءوندىرىستى قالپىنا كەلتىرگەن كاسىپورىندارعا 363 مىڭ 500 توپ قارىز اقشا تاراتتى، قارىز اقشانىڭ سوماسى 144 ميلليارد 891 ميلليون يۋان.
2019 - جىلدىڭ اياعىنا دەيىن، شينجياڭداعى ورتا، شاعىن، ۇساق كاسىپورىنداردىڭ سانى جيىنى 330 مىڭنان اسىپ، بۇكىل رايونداعى كاسىپورىندار جالپى سانىنىڭ %99تەن استامىن ۇستادى. وسىنىڭ الدىندا، شينجياڭ «جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىنە، اقاۋسىز دامۋىنا قولداۋ كورسەتۋ جونىندەگى 16 تارماقتى شارا» سياقتى قۇجاتتاردى شىعارىپ، ورتا، شاعىن، ۇساق كاسىپورىندارعا قازىنالىق، فينانستىق قولداۋ كورسەتۋ تەبىنىن ارتتىرىپ، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋىنە، اقاۋسىز دامۋىنا كوپ جاقتان قولداۋ كورسەتتى.
جۇڭگو حالىق بانكەسى ءۇرىمجى ورتالىق تارماق بانكەسىنىڭ جاۋاپتىسى تانىستىرىپ بىلاي دەدى: شينجياڭداعى فينانس قۇرىلىمدارى ءونىم تۇرلەرىن ۇزدىكسىز جاڭالاپ، قىزمەت وتەۋ دەڭگەيىن جوعارىلاتىپ، «جۇمىستى قالپىنا كەلتىرۋ قارىز اقشاسىن» تانىستىرۋدى، جالپىلاستىرۋدى شاعىن، ۇساق كاسىپورىندارعا قولداۋ كورسەتۋدەگى ءتۇيىندى جۇمىس ەتىپ، شاعىن، ۇساق كاسىپورىنداردىڭ قارجى قۇراۋ سۇرانىسىن ءونىمدى قاناعاتتاندىردى. سونىمەن بىرگە، شۇعىل جاعدايعا توتەپ بەرۋ قارىز اقشاسىنىڭ جاسىل ارناسىن اشىپ، تەكسەرىپ بەكىتۋدى، تاراتۋدى تەزدەتىپ، جۇمىستى، ءوندىرىستى قالپىنا كەلتىرۋگە جانە جەرگىلىكتى ورىنداردىڭ قوعامدىق، ەكونوميكالىق دامۋىنا بار كۇشپەن قولداۋ كورسەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved