اۆتونوميالى رايوندىق 13 - كەزەكتى حالىق ۇكىمەتى 86 - رەتكى ۇنەمىلىك ىستەر ءماجىلىسىن اشتى
2020.04.24 15:41 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 4 - ايدىڭ 22 - كۇنى ۇرىمجىدەن حابارلايدى. 4 - ايدىڭ 22 - كۇنى تۇستەن بۇرىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 86 - رەتكى ۇنەمىلىك ىستەر ءماجىلىسىن باسقارىپ اشىپ، ”ەكى توردى“ اناعۇرلىم كەمەلدەندىرىپ، جەمىس ورمانى شارۋاشىلىعىنىڭ ناقتى قۇنىن جانە اينالىم سالاسىنىڭ اقاۋسىز جۇمىس جۇرگىزۋىن قامتاماسىز ەتۋ، نەگىزگى ساتىنىڭ ۇكىمەت ىستەرىن جاريا ۇستاۋدى ولشەمدەندىرۋدى، جۇيەلىلەندىرۋدى جاپپاي ىلگەرىلەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: شينجياڭنىڭ ءىشى - سىرتىنان جەمىس ونىمدەرىن ساتىپ الۋ - ساتۋ سىندى ”ەكى تور“ قۇرىلىسىن اناعۇرلىم كۇشەيتۋ بۇكىل رايوننىڭ جەمىس ورمانى شارۋاشىلىعىنىڭ جوعارى ساپالى دامۋىن جەبەۋگە، اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋدى، اۋىل - قىستاقتىڭ قوعام ورنىقتىلىعىن جانە شارۋالاردىڭ كىرىستى ارتتىرىپ، بايۋىن جەبەۋگە، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە دەم بەرۋگە ءتيىمدى. جەمىس - جيدەك ونىمدەرى بازارىن كەڭەيتۋ سەرپىنىن ارتتىرىپ، شينجياڭنىڭ ساپالى جەمىس ورمانى ونىمدەرىنىڭ اتاق - داڭقىن اسپانداتۋ كەرەك. وندىرىلگەن جەر مەن ساتىلعان جەردىڭ بازار قۇرىلىسىن جەدەلدەتىپ، ساتىپ الۋ، وڭدەۋ، ساقتاۋ، جاس كۇيىندە ساقتاۋ، تاسىمالداۋ، ساتۋ، جەتكىزۋ، باقىلاۋ - باسقارۋ سياقتى فۋنكتسيالارى ءبىر تۇلعالانعان وسى زامانعى جەمىس - جيدەك ونىمدەرى اينالىم، ساتۋ قىزمەت وتەۋ جۇيەسىن كۇش سالا قالىپتاستىرۋ قاجەت. ”ءجۇز قالادا مىڭ دۇكەن“ ينجەنەرياسىن اتقارۋدى تىڭعىلىقتى ىلگەرىلەتىپ، شينجياڭعا كومەكتەسەتىن ولكە، قالالارمەن سەلبەستىكتى كۇشەيتىپ، شينجياڭنىڭ اۋىل شارۋاشىلىق ونىمدەرىنىڭ ىشكى جەرلەردەگى بازار ءورىسىن اناعۇرلىم كەڭەيتۋ كەرەك. جەمىس - جيدەكتەردى وڭدەپ كادەگە جاراتۋ قابىلەتى قۇرىلىسىن، سۋىق تىزبەكتى زات اينالىمى جۇيەسى قۇرىلىسىن، جەمىس ورمانى ونىمدەرىنىڭ ماركا قۇرىلىسىن، ەلەكتروندىق ساۋدا تۇعىرى قۇرىلىسىن جەدەلدەتىپ، كاسىپ سالاسى تىزبەگىن ۇزدىكسىز ۇزارتىپ، 1 - ، 2 - ، 3 - كاسىپتى توعىستىرا دامىتۋدى جەبەۋ كەرەك. قىزمەت بىرىككەن كۇشىن قالىپتاستىرىپ، جاڭاشا تيجارات تۇلعالارىنىڭ دامىپ، زورايۋىنا قولداۋ كورسەتىپ، سايكەستى ساياساتتاردى كەمەلدەندىرىپ جانە ويداعىداي اتقارىپ، ءوندىرۋ مەن ساتۋ تىعىز ۇشتاسقان، باياندى ورنىقتى اينالىم ارناسىن ورناتۋ قاجەت.
ءماجىلىس مىنالاردى اتاپ كورسەتتى: نەگىزگى ساتىنىڭ ۇكىمەت ىستەرىن جاريا ۇستاۋدى ولشەمدەندىرۋ، جۇيەلىلەندىرۋ قۇرىلىسىن كۇشەيتۋ − ۇكىمەتتىڭ الەۋمەتتىك بەدەلىن، اتقارۋ قابىلەتىن ۇزدىكسىز كۇشەيتۋدىڭ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋدىڭ، شارۋاشىلىق - ساۋدا ورتاسىن ساپالىلاندىرۋدىڭ، زاڭمەن جونگە سالىناتىن ۇكىمەت جانە قىزمەت كورسەتۋ ۇلگىسىندەگى ۇكىمەت قۇرىلىسىن جەدەلدەتۋدىڭ ماڭىزدى تىرەگى. نەگىزگى ساتىنىڭ ۇكىمەت ىستەرىن جاريا ۇستاۋدى ولشەمدەندىرۋ، جۇيەلىلەندىرۋ قۇرىلىسى قىزمەتىندە باس نىسانانى ءبىر تۇتاس باسشىلىققا الۋعا تاباندى بولىپ، ولشەم ارقىلى جەتەكتەۋگە، سۇرانىستى باعدار ەتۋگە، زاڭدى، بەلگىلەمەنى نەگىز ەتۋگە، رەفورما جاساپ، جاڭالىق اشۋعا تاباندى بولىپ، مەملەكەتتىك كەڭەس تاراۋلارى جاساعان 26 سالانىڭ ولشەم جەتەكشىلىگىنە ساي، قاتىستى سالالاردىڭ ۇكىمەت ىستەرىن جاريا ۇستاۋ ىستەرىن جاپپاي سالالاپ، اشالاپ، ۇكىمەت ىستەرىن جاريا ۇستاۋ ىستەرىنىڭ ولشەمدى ءتىزىمىن دەر كەزىندە جاساۋعا شىنايى كەپىلدىك ەتۋ كەرەك. ىرىقتى، جاريا قىزمەت مەحانيزمىن كەمەلدەندىرىپ، ۇكىمەت ينفورماتسياسىن وتىنىشكە ساي جاريا ۇستاۋ ءتارتىبىن كەمەلدەندىرىپ، نەگىزگى ساتىنىڭ اكىمشىلىك شەشىم جاساۋىنا جۇرت ات سالىسۋ مەحانيزمىن، تۇسىنىك جاساۋ، جاۋاپ قايتارۋ قىزمەت مەحانيزمىن كەمەلدەندىرىپ، نەگىزگى ساتىنىڭ ۇكىمەت ىستەرىن جاريا ۇستاۋدى ولشەمدەندىرۋدى اۋىل - قىستاقتارعا جانە الەۋمەتتىك اۋماقتارعا كەڭەيتۋدى ىلگەرىلەتىپ، حالىق بۇقاراسىنىڭ جاعدايدان حاباردار بولۋ ۇقىعىن، ات سالىسۋ ۇقىعىن، ءبىلدىرۋ ۇقىعىن، باقىلاۋ ۇقىعىن شىنايى قامتاماسىز ەتۋ كەرەك.
ءماجىلىس باسقا دا كەڭەستىك تاقىرىپتاردى اقىلداستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
