شينجياڭنىڭ تۇڭعىش بيىك ءۇستىرت اۋەجايى سالىنا باستادى
2020.04.28 16:39 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ 4 - ايدىڭ 26 - كۇنى تاشقورعاننان حابارلايدى. 4 - ايدىڭ 26 - كۇنى قازۋ ماشيناسىنىڭ گۇرىلىندە، تاشقورعان پامير اۋەجايى جالپى بەتتىك قۇرىلىس باستادى، بۇل شينجياڭداعى تۇڭعىش بيىك ءۇستىرت اۋەجايى سانالادى.
تاشقورعان اۋەجايى تاشقورعان تاجىك اۆتونوميالى اۋدانى اۋدان قالاشىعىنىڭ وڭتۇستىگىنەن 13 كيلومەتر قاشىقتىقتا، تەڭىز دەڭگەيىنەن 3252 مەتر بيىك. ۇعىسۋعا قاراعاندا، تەڭىز دەڭگەيىنەن بيىكتىگى 2438 مەتردەن (قامتيدى) جوعارعى اۋەجايلار بيىك ءۇستىرت اۋەجايىنا جاتادى ەكەن. قازىر ەل ىشىندە قولدانىستاعى بيىك ءۇستىرت اۋەجايى 15، سالىنۋ ۇستىندەگى اۋەجاي 2 (تاشقورعان اۋەجايىن قامتيدى)، تاشقورعان اۋەجايىنىڭ تەڭىز دەڭگەيىنەن بيىكتىگى 14 - ورىندا تۇرادى.
تاشقورعان اۋەجايى مەملەكەتتىڭ، حالىقتىق اۆياتسيا مەكەمەسىنىڭ جانە اۆتونوميالى رايوننىڭ ”13 - بەسجىلدىق“ جوباداعى ءتۇيىندى اۋەجاي قۇرىلىس نىسانى، اۋەجايعا جالپى ءبىر ميلليارد 630 ميلليون يۋان قارجى قوسىلعان، نىساننىڭ قۇرىلىس مەرزىمى 3 جىل، مەجەمەن 2022 - جىلى 5 - ايدا ىسكە قوسىلادى.
تاشقورعان اۋەجايى ينجەنەريا قۇرىلىسى قولباسشىلىق شتابىنىڭ باس جەتەكشىسى لياۋ جىڭجۇن بىلاي دەپ تانىستىردى: تاشقورعان تەڭىز دەڭگەيىنەن بيىك، جەر بەدەرى كۇردەلى، بوگەتسىز كەڭىستىك شارت - جاعدايى ناشار، كليماتى سۇركەيلى، جوبالاۋشىلار شيزاڭ، چيڭحاي سياقتى وڭىرلەردىڭ ءۇستىرت اۋەجايىنا ورىن تاڭداۋ قۇرىلىس تاجىريبەلەرىمەن ۇشتاستىرىپ، اۋدان قالاشىق توڭىرەگىنەن 30 كيلومەتر اۋماقتا، تاڭداۋعا ازىرلەنگەن 3 ورىنعا سالىستىرۋ، تالداۋ جاساپ، قايتا - قايتا دالەلدەۋ جۇرگىزىپ، سوڭىندا اۋدان قالاشىعىنان ءتۇزۋ سىزىقتا 13 كيلومەتر قاشىقتىقتاعى اقتامدى اۋەجايدىڭ ورنى ەتىپ تۇراقتاندىردى.
تاشقورعان تاجىك اۆتونوميالى اۋدانىنىڭ ساياحات بايلىعى مول، ”ءۇستىرت مەرۋەرتى“ دەگەن تاماشا اتى بار، الايدا، ساياحاتشىلار ادەتتە قاشقار قالاسىنان جولاۋشىلار كولىگىنە 5 ساعات وتىرىپ ازەرگە جەتەتىن. اۋەجاي سالىنىپ بىتكەن سوڭ، تاشقورعاننان قاشقار، ياركەن، ءۇرىمجى، قۇلجا، اقسۋ سياقتى شينجياڭ ىشىندەگى قالالارعا تۇتاساتىن اۋە لەنياسى جوبالانادى، ۇزاق مەرزىمدىك جوبادا تاعى تاشقورعاننان شي - ان، بەيجيڭ، شىنجىن سياقتى جەرلەرگە تۇتاسقان اۋە لەنياسى دا كوبەيتىلەدى، سول كەزدە، ۇشاقپەن پامير ءۇستىرتىن ساياحاتتاۋ جاڭا سانگە اينالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
