شينجياڭ ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىن جەدەل ىلگەرىلەتتى
2020.05.13 15:31 كەلۋ قاينارى : حالىق تورابى
حالىق تورابى، 5 – ايدىڭ 13 – كۇنى، بەيجيڭ. شينجياڭ گازەتى جالپىلىق اقپارات قۇرالدارىنىڭ ءتىلشىسى جاۋ جىيۇن 5 - ايدىڭ 11 - كۇنى ۇرىمجىدەن حابارلايدى. قۇربان نياز قاتارلى مەملەكەتتىك حالىق قۇرىلتايىنىڭ شينجياڭداعى ۋاكىلى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە «<ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى> قۇرىلىسىن اتقارۋ ءادىسىن جەدەل شىعارۋ جانە ساياساتتىق قامتاماسىز ەتۋ جونىندەگى ۇسىنىستى» ورتاعا قويدى، بۇعان شينجياڭ ۇيعۇر اۆتونوميالى رايوندىق حالىق ۇكىمەتى ايرىقشا ءمان بەرىپ، ءبىر ايدان استام ۋاقىتتان كەيىن «ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىن قۇرۋ جونىندەگى ءبىرقانشا پىكىردى» (تومەندە قىسقارتىلىپ «پىكىر» دەلىنەدى) بەلگىلەپ، باسىپ تاراتىپ، ءۇرىمجى، سانجى، شىحىزى جوعارى، جاڭا تەحنيكالى كاسىپ سالالارىن اشۋ رايونىندا مەملەكەتتىك دەربەس جاڭالىق اشۋدان ۇلگى كورسەتۋ رايونىن قۇرۋدى سەگىز جاقتان ىلگەرىلەتىپ، بۇكىل شينجياڭنىڭ ەكونوميكاسىنىڭ جوعارى ساپالى دامۋىنا پارمەندى قولداۋ كورسەتتى.
قۇربان نياز قاتارلى ۋاكىلدەر بىلاي دەپ قارادى: ءۇرىمجى، سانجى، شىحىزى سىندى ءۇش جەر شينجياڭداعى ەڭ ماڭىزدى ەكونوميكالىق ءدالىز جانە دارىندى، كاسىپ سالاسى، قارجى شوعىرلانعان جەر، بۇكىل شينجياڭ بويىنشا وتە تاماشا وڭىرلىك ابزالدىلىققا، جاڭالىق اشۋ بايلىعى ارتىقشىلىعىنا جانە كاسىپ سالاسى نەگىزى باسىمدىعىنا يە. «ءۇرىمجى، سانجى، شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى» شينجياڭنىڭ ەكونوميكالىق، قوعامدىق دامۋى جونىنەن ماڭىزدى ستراتەگيالىق مانگە يە، دەسە دە ناقتى قالاي اتقارۋ، ساياسات جاعىنان، ءتۇزىلىس مەحانيزمى جاعىنان قالاي قامتاماسىز ەتۋ جانە ىلگەرىلەتۋ جونىندە اناعۇرلىم ەگجەي - تەگجەيلى جۇمىس ىستەۋگە تۋرا كەلەدى. مەملەكەتتىڭ قاتىستى مينيسترلىكتەرى مەن كوميتەتتەرىنە شينجياڭنىڭ، سونداي - اق ءۇرىمجىنىڭ، سانجىنىڭ، شىحىزىنىڭ ەكونوميكالىق دامۋ جاعدايىمەن بىرلەستىرىپ، ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونىن قۇرۋ پىكىرىن اتقارۋ ءادىسى مەن ساياساتتىق قامتاماسىز ەتۋىن تەز ارادا بەلگىلەۋدى ۇسىنىس ەتەمىز، بۇل عىلىم - تەحنيكا، فينانس رەفورماسىنا جاڭالىق ەنگىزۋدى تەرەڭدەتۋ، جاڭالىق اشاتىن كاسىپورىنداردى قولدايتىن سالىق جيناۋ ساياساتىن اتقارۋ، جارنا ۇقىعى بويىنشا شابىتتاندىرۋ سىناق ءتۇيىنىن ورىستەتۋ، جاڭاشا كاسىپ سالاسى ۇيىمدارىنىڭ مەملەكەتتىڭ ەلەۋلى عىلىم - تەحنيكا نىساندارىنا قاتىناسۋىن قولداۋ، جوعارى دەڭگەيدەگى دارىندىلاردى ەنگىزۋ، ساۋداگەر شاقىرىپ قارجى ەنگىزۋ ساياساتى، كاسىپورىنداردى زاۆود قۇرۋعا شابىتتاندىرۋ سياقتى جاقتاردى قامتيدى.
2019 - جىلى 4 - ايدىڭ 29 – كۇنى شينجياڭ ۇيعۇر اۆتونوميالى رايوندىق حالىق ۇكىمەتى «پىكىردى» بەلگىلەدى جانە باسىپ تاراتتى. «پىكىردە» ەرەكشەلىككە، ارتىقشىلىققا يە كاسىپ سالاسىندا جاڭالىق اشىپ، دارەجەسىن جوعارىلاتۋىن جەدەلدەتۋ، كاسىپورىنداردىڭ دەربەس جاڭالىق اشۋ ومىرشەڭدىگىن تاسقىنداتۋ، عىلىم - تەحنيكادا جاڭالىق اشۋدىڭ تومەنگە بەرۋ، باسقارۋ، قىزمەت وتەۋ رەفورماسىن تەرەڭدەتۋ، عىلىم - تەحنيكا جەتىستىكتەرىن كادەگە جاراتۋدى جەبەۋ، جاڭالىق اشۋشى دارىندىلاردى قولداۋ سەرپىنىن ارتتىرۋ، جاڭالىق اشۋعا قارجى قوسۋ، قامتاماسىز ەتۋ مەحانيزمىن كەمەلدەندىرۋ، ەسىكتى ايقارا اشىپ، سايكەسە جاڭالىق اشۋ، باسقارۋ ءتۇزىلىسىن ورناتۋ، اقاۋسىزداندىرۋ سياقتى سەگىز جاقتاعى 20 مازمۇن قامتىلدى.
«پىكىردىڭ » العا قويىلۋى شينجياڭنىڭ ەرەكشەلىككە، ارتىقشىلىققا يە كاسىپ سالالارىنىڭ جاڭالىق اشىپ، دارەجەسىن جوعارىلاتۋىن جەدەلدەتۋ، جاڭالىق اشۋ كاسىپ سالالارى شوعىرىن جەتىلدىرۋ، باقشا رايونىن اتتاعان، كوپ سالا بىرلەسكەن كاسىپ سالاسى شوعىرى وداعىن ۇيىمداستىرىپ قۇرىپ، كاسىپ تىزبەگى تولىق كەمەلدى، تەحنيكالىق دەڭگەيى وزىق ءبىر توپ 100 ميلليارد دارەجەلى نەمەسە 10 ميلليارد دارەجەلى كولەمدى كاسىپ سالاسى شوعىرىن قالىپتاستىرۋ جونىنەن ماڭىزدى ءمان الادى. كەلەسى قادامدا، شينجياڭ ۇيعۇر اۆتونوميالى رايوندىق حالىق ۇكىمەتى تياناقتاندىرۋ جوباسىن ىشكەرىلەي العا قويىپ، ءتۇرلى قيمىلدار وتكىزۋ ارقىلى قاتىستى ساياساتتاردى بەلسەنە ۇگىتتەپ، ۇرىمجىدەگى، سانجىداعى، شىحىزىداعى ءۇش جوعارى، جاڭا تەحنيكالىق اشۋ رايونىندا الدىمەن اتقارۋدى، الدىمەن سىناق ەتۋدى قۋزاپ، ناقتى اتقارۋ جوباسىن جاساپ، ساياساتتىڭ تياناقتانىپ، ناقتى ءونىم كورسەتۋىنە شىنايى كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
