جاۋ جىڭيۇڭنىڭ دەلوسىنا ساياتىن دۇنيە - مۇلىك بەلگىلەمە، ءتارتىپ، زاڭ بويىنشا قايتارىلىپ الىندى
2020.05.14 14:05 كەلۋ قاينارى : حالىق تورابى
حالىق تورابىنىڭ 5 – ايدىڭ 13 – كۇنى بەيجيڭنەن بەرگەن حابارى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى تورابىنىڭ حابارىنا قاراعاندا، 5 – ايدىڭ 11 – كۇنى مەملەكەتتىك حالىق قۇرىلتايى ىشكى ىستەر ءادىليا كوميتەتى مەڭگەرۋشىسىنىڭ بۇرىنعى ورىنباسارى، مۇشەسى، شانشي ولكەلىك پارتكومنىڭ بۇرىنعى شۋجيى جاۋ جىڭيۇڭنىڭ پارا الۋ دەلوسىنا ءبىرىنشى سوت اشىلدى. تيانجين قالالىق حالىق پروكۋراتۋراسىنىڭ ءبىرىنشى بولىمشە پروكۋراتۋراسى جاۋ جىڭيۇڭ جەكە نەمەسە ايەلى قاتارلىلارمەن بىرلەسىپ زاڭسىز مال – مۇلىك جيناعان، حالىق اقشاسى بويىنشا جيىنى 717 ميلليون يۋاننان اسقان دەپ ايىپتاما جۇرگىزدى.
ۇعىسۋعا قاراعاندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ۇستاپ قالعان، پەشەتتەگەن ٵرى ٵدىليا تاراۋلارىنىڭ تەكسەرىپ ءبىر جاقتى ەتۋىنە تاپسىرعان جاۋ جىڭيۇڭعا ساياتىن مال ـ مۇلىك شامامەن 631 ميلليون يۋان بولعان. سونىمەن بىرگە جاۋ جىڭيۇڭمەن قاتىستى پەشەتتەلگەن، مۇزداتىلعان قورا - جاي جانە سەرىكتىكتىڭ جارنا ۇقىعى شامامەن 100 ميلليون يۋان بولعان.
تانىستىرۋعا قاراعاندا، جاۋ جىڭيۇڭ دەلوسىندا ۇستاپ قالىنعان اقشا مەن زات تۇگەلدەي جيناپ الىنعان؛ پەشەتتەلگەن قورا - جاي جانە مۇزداتىلعان سەرىكتىك جارنا ۇقىعى ءادىليا ورگاندارىنىڭ ۇكىمى بويىنشا ءبىرجاقتىلى ەتىلەدى. مۇنان سىرت، جاۋ جىڭيۇڭنىڭ تارتىپكە، زاڭعا قايشى مال ـ مۇلكىن ءتارتىپ تەكسەرۋ، باقىلاۋ ـ تەكسەرۋ ورگاندارى تۇگەل قۋزاپ تاپسىرتىپ الدى .
ءتارتىپ تەكسەرۋ، باقىلاۋ ـ تەكسەرۋ ورگاندارى «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭگو كوممۋنيستىك پارتياسىنىڭ ءتارتىپ تەكسەرۋ ورگاندارىنىڭ باقىلاۋ، ءتارتىپ اتقارۋ قىزمەت ەرەجەسى» سياقتى پارتيا ىشىندەگى زاڭدىق ەرەجەلەر مەن «جۇڭحۋا حالىق رەسپۋبليكاسىنىڭ باقىلاۋ ـ تەكسەرۋ زاڭى»، «باقىلاۋ ـ تەكسەرۋ ورگاندارىنىڭ زاڭ اتقارۋ قىزمەتى جونىندەگى بەلگىلەمەسى» سياقتى مەملەكەتتىڭ زاڭ ، زاڭدىق ەرەجەلەرىنە نەگىزدەلىپ، تارتىپكە، زاڭعا قايشى تابىستاردى ءبىر جاقتى ەتتى. تەكسەرىلۋشىنىڭ بەلگىلەمەگە، تارتىپكە، زاڭعا قايشى تاپقان مال - مۇلكىن ءتارتىپ بويىنشا، زاڭ بويىنشا جيناپ الادى، قايتارۋعا بۇيىرادى نەمەسە تىزىمگە الادى، تاپقان مال - مۇلكىن دەلومەن بىرگە ءادىليا ورگاندارىنا وتكىزىپ بەرەدى. سوڭعى جىلداردان بەرى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى «ورتالىق ءتارتىپ تەكسەرۋ كوميتەتى ورگاندارىنىڭ اقشا ـ زاتتى باسقارۋ قىزمەتى»، «ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى باقىلاۋ ـ تەكسەرۋ شارالارىن قولدانۋ بەلگىلەمەسى (سىناق رەتىندە اتقارىلادى)» ،«مەملەكەتتىك باقىلاۋ ـ تەكسەرۋ كوميتەتى مەن ەڭ جوعارى حالىق پروكۋراتۋراسىنىڭ مىندەتتىك قىلمىس دەلولارىن باسقارۋ قىزمەتىن ۇشتاستىرۋ ءادىسى» سياقتىلاردى ىركەس ـ تىركەس جاساپ، جاريالاپ، مال ـ مۇلىكتى ۇستاپ قالۋ، وتكىزىپ بەرۋ، ساقتاۋ، ءبىر جاقتى ەتۋ، باقىلاۋ ـ باسقارۋ جۇمىستارىن اشالاپ، قىزمەتتىڭ جالپى بارىسىن قاتاڭ ارناعا ءتۇسىردى .
پارتيا 19 ـ قۇرىلتايىنان بەرى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جاۋ جىڭيۇڭ، زىڭ جىچۋان، چىن گاڭ، جاۋ حۇڭشۇن، يۇن گۋاڭجۇڭ، لاي شياۋمين سياقتى ادامداردىڭ تارتىپكە، زاڭعا قايشىلىق جاساۋ ماسەلەلەرىنە تەكسەرۋ جۇرگىزىپ ، مال ـ مۇلىكتى بەلگىلەمە، ءتارتىپ، زاڭ بويىنشا ءبىر جاقتى ەتىپ، تارتىپكە، زاڭعا قايشى ارەكەتتەردىڭ مەملەكەتتىڭ مال ـ مۇلكىنە، كوللەكتيۆتىڭ مال ـ مۇلكىنە جانە ازاماتتاردىڭ جەكە باسىنىڭ زاڭدى مال ـ مۇلكىنە جەتكىزگەن زيانىنىڭ ورنىن تولىقتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
