شينجياڭ اپاتتان ساقتانۋ، اپات زيانىن ازايتۋ ۇگىت قيمىلىن ورىستەتتى
2020.05.14 14:08 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى ياڭ شۋحان، لياڭ ليحۋا 5 - ايدىڭ 12 - كۇنى ۇرىمجىدەن حابارلايدى. 5 - ايدىڭ 12 - كۇنى − مەملەكەتتىك 12 - رەتكى اپاتتان ساقتانۋ، اپات زيانىن ازايتۋ كۇنى، نەگىزگى تاقىرىبى − ”نەگىزگى ساتىنىڭ شۇعىل جاعدايعا توتەپ بەرۋ قابىلەتىن جوعارىلاتىپ، اپاتتان ساقتانۋدىڭ، اپات زيانىن ازايتۋدىڭ، اپاتتان اراشالاۋدىڭ حالىقتىق قورعانىس شەبىن بەكەمدەيىك“. 5 - ايدىڭ 9 - كۇنىنەن 15 - كۇنىنە دەيىنگى ۋاقىت اپاتتان ساقتانۋ، اپات زيانىن ازايتۋ ۇگىت اپتالىعى. بيىلعى اپاتتان ساقتانۋ، اپات زيانىن ازايتۋ ۇگىت اپتالىعى كەزىندە رايونىمىز حاۋىپسىزدىك ۇگىتىن كاسىپورىندارعا، اۋىل - قىستاققا، الەۋمەتتىك اۋماقتارعا، مەكتەپتەرگە، وتباسىلارىنا جەتكىزۋ سىندى ”بەسكە جەتكىزۋ“ قيمىلىن ورىستەتىپ، جەر - جەر حاۋىپسىزدىك ۇگىت - لەكسياسى، باۋلۋ، جان ساۋعالاۋ جاتتىعۋىن وتكىزۋ سياقتى كوپ ءتۇرلى تاسىلدەر ارقىلى حاۋىپسىزدىك بىلىمدەرىن، حاۋىپسىزدىك مادەنيەتىن بۇقاراعا جەتكىزدى.
5 - ايدىڭ 12 - كۇنى قاشقار قالالىق 11 - ورتا مەكتەپ جەر سىلكىنىسىنەن قورعانۋ جاتتىعۋىن وتكىزدى، العاشقى ساقتىق دابىلىنىڭ ءۇنى شىعىسىمەن، بۇكىل مەكتەپتەگى 2100دەن استام وقۋشى نەبارى 2 مينۋت 15 سەكۋندتا تارتىپپەن تاراپ، جاتتىعۋ الاڭىنا باردى.
قازىرگى ىندەتتەن ساقتانۋ - تىزگىندەۋ ءىس جۇزىندىگىمەن ۇشتاستىرىپ، ءۇرىمجى قالالىق ورتا حالىق سوتى مەكەمەسىنىڭ سايباق رايونى 1 - تامىز اۋماعىن باسقارۋ كوميتەتى تەلەگراف الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى الەۋمەتتىك اۋماق كادرلارىمەن بىرلەسىپ، جەلىدە + جەلىدەن تىس ۇگىتتەۋ سياقتىلار ارقىلى كوپ فورمالى اپاتتان ساقتانۋ، اپات زيانىن ازايتۋ كۇنى ۇگىت قيمىلىن ورىستەتتى، سونىمەن بىرگە بەلسەندى تۇرعىندار اپاتتان ساقتانۋ، اپات زيانىن ازايتۋ حاۋىپسىزدىك ۇگىت ەلشىسى بولىپ، تۇرعىندارعا اپاتتان ساقتانۋ، اپات زيانىن ازايتۋ بىلىمدەرىن جەتكىزدى.
”حاۋىپسىزدىك باۋلۋى ءبىز جونىنەن داعدىلى ءىس“. 5 - ايدىڭ 12 - كۇنى جۇڭگو مۇناي سەرىكتەستىگى ءۇرىمجى مۇناي حيميا سەرىكتەستىگى مۇناي ايىرۋ زاۆودى مۇناي ايىرۋ 2 - سەحىنىڭ جۇمىسشىسى يۋان ۋيدۇڭ تىلشىگە زاۆودتىڭ اي سايىن حاۋىپسىزدىك باۋلۋىن وتكىزىپ، قىزمەتكەرلەردىڭ كۇشتى حاۋىپسىزدىك تانىمىن ورناتۋىنا مۇمكىندىك جاساپ وتىرعاندىعىن ايتتى.
ءۇرىمجى قالاسى ەكونوميكالىق - تەحنيكالىق اشۋ رايونى (توۋتۇنحى رايونى) جۇڭيا وڭتۇستىك جولى اۋماعىن باسقارۋ كوميتەتى چيڭشۇي - ۋان الەۋمەتتىك اۋماعى مەحانيزمدى، جوسپارلى، باۋلۋ - جاتتىعۋ بار بولعان نەگىزگى ساتى شۇعىل جاعدايعا توتەپ بەرۋدى باسقارۋ جۇيەسىن قۇرىپ، الەۋمەتتىك اۋماق تۇرعىندارىن اپاتتىڭ كومەسكى قاتەرىن اداقتاپ تەكسەرۋ ارەكەتىنە ىرىقتىلىقپەن ات سالىسۋعا شابىتتاندىردى.
ۇعىسۋعا قاراعاندا، كەلەسىدە رايونىمىز ءتۇيىندى كاسىپ سالالارداعى حاۋىپسىزدىك، وتباسى حاۋىپسىزدىگى، الەۋمەتتىك حاۋىپسىزدىك، شۇعىل جاعدايدا قاتەردەن قورعانۋ سياقتى حاۋىپسىزدىك تاربيەسىن ورىستەتىپ، تۇتاس قوعامنىڭ حاۋىپسىزدىك تانىمىن جوعارىلاتىپ، ءومىر حاۋىپسىزدىگى ساقتىق شەبىن بىرگە قۇرادى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
