بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

ينتەرنەتتە زات ساتىپ الۋداعى قورعامالى باجى يمپورت كاسىبى شينجياڭعا ىرگە تەپتى

2020.06.01 14:06     كەلۋ قاينارى : شينجياڭ گازەتى

  گازەتىمىزدىڭ جالپىلىق اقپارات قۇرالدارى ءتىلشىسى چىن چياڭۋي 5 - ايدىڭ 30 - كۇنى ۇرىمجىدەن حابارلايدى. 5 - ايدىڭ 30 - كۇنى دۇنيە ءجۇزىنىڭ جەر - جەرىنەن اكەلىنگەن 10 مىڭ داناعا تاياۋ ەڭلىك بۇيىمدار، قۋاتتىق بۇيىمدار سياقتى شەكارا اتتاعان تاۋارلار 12 توپقا ءبولىنىپ كەدەندىك راسىمدەۋدەن ءوتىپ، ءۇرىمجى كەشەندى قورعامالى باجى اۋماعىنا كىردى. بۇل ”كەشەندى قورعامالى باجى اۋماعى + شەكارا اتتاعان ەلەكتروندى ساۋدا ينتەرنەتتە زات ساتىپ الۋداعى قورعامالى باجى يمپورت“ ۇلگىسىنىڭ تۇڭعىش رەت شينجياڭعا ىرگە تەپكەنىن كورسەتەدى.

  ينتەرنەتتە زات ساتىپ الۋداعى قورعامالى باجى يمپورت ۇلگىسى − قازىرگى تاڭدا شەكارا اتتاعان ەلەكتروندى ساۋدا يمپورتىنىڭ نەگىزگى ۇلگىسى، بۇل قورعامالى باجى زاپاس زات دەپ تە اتالادى. شەكارا اتتاعان تاۋارلار كوپتەپ قوراپتالىپ يمپورت ەتىلۋ تاسىلىمەن ءۇرىمجى كەشەندى قورعامالى باجى اۋماعىنا كىرەدى. شەكارا اتتاعان ەلەكتروندى ساۋداداعى بولشەك ساتىلاتىن يمپورت ەتىلگەن تاۋارلاردان جەكەلەر شەكتى ءمانى ىشىندە كەدەن باجىسى الىنبايدى، يمپورت بۋىنىندا ارتقان قۇن باجىسى، تۇتىنۋ باجىسى زاڭدا بەلگىلەنگەن الىنۋعا ءتيىستى باجىنىڭ %70ى بويىنشا الىنادى، بۇل يمپورت ەتىلگەن تاۋارلاردىڭ ساتىلۋ وزىندىك قۇنىن بارىنشا تومەندەتتى.

  شينجياڭ جىبەك جولى شيدامىن شارۋاشىلىق قىزمەت وتەۋ شەكتى سەرىكتەستىگى كەدەن ىستەرى ءبولىمىنىڭ ورىنباسار باس باقىلاۋشىسى جين يان بىلاي دەدى: ”قازىر تۇتىنۋشىلار شيدامىن قورعامالى باجىلى تىكە ساتۋ ورتالىعىنىڭ ۋيچات الەۋمەتتىك تۇعىرى ارقىلى ينتەرنەتتىك ساۋدا قالاشىعىنا كىرىپ تىكە ساتىپ الا الادى. بۇل تاۋارلاردى ءبىز سىناق رەتىندە تيجارات جۇرگىزگەندە سىناپ كورگەنبىز، شينجياڭدىق تۇتىنۋشىلاردىڭ شەكارا اتتاعان ەلەكتروندى ساۋدا جونىندەگى تۇتىنۋ قابىلەتىنىڭ مەجەدەگىدەن جوعارى ەكەنىن ويلاماپپىز. بۇگىن اشىلعان سوڭ ءجۇزدىڭ ۇستىندە شەكارا اتتاعان ەلەكتروندى ساۋدا زاتى ساتىلدى“.

  تۇتىنۋشىلار ەلەكتروندى ساۋدا تۇعىرىندا تاپسىرىس بەرىپ، تاۋار كەدەندىك راسىمدەۋدەن وتكەن سوڭ، ءۇرىمجى قورعامالى باجى اۋماعىنان شىعارىلادى. ۇرىمجىلىك قاريدارلار، ەڭ تەز بولعاندا، تۇستەن بۇرىن تاپسىرىس بەرىپ، تۇستەن كەيىن زاتتى تاپسىرىپ الادى، شەتەلدەن زات ساتىپ الۋدىڭ ”ۋاقىتى كەشىكتىرىلمەيدى“.

  بيىل 1 - ايدا ءۇرىمجى قالاسى شەكارا اتتاعان ەلەكتروندى ساۋدا بويىنشا بولشەك ساتىپ الۋ يمپورت سىناق ءتۇيىنى كولەمىنە ەنگىزىلىپ، ينتەرنەتتە زات ساتىپ الۋداعى قورعامالى باجى يمپورت كاسىبىن ورىستەتۋگە رۇقسات ەتىلدى. شەكارا اتتاعان ەلەكتروندى ساۋدا جاڭا كاسىپ كۇيىنىڭ دامۋىن ىلگەرىلەتۋ قاجەتىنە ساي، ءۇرىمجى كەدەنى مەن ءۇرىمجى قورعامالى باجى اۋماعىن باسقارۋ كوميتەتى، حىنان قورعامالى باجى توبى بايلانىس جاساۋ، سايكەستىرۋ مەحانيزمىن ورناتىپ، كەدەننەن وتكىزۋدى باقىلاۋ - باسقارۋدىڭ قيىن تاقىرىبىن دالمە - ءدال شەشتى.

  شينجياڭ شەكارا اتتاعان ەلەكتروندى ساۋدا ينتەرنەتتە زات ساتىپ الۋ قورعامالى باجى يمپورت ۇلگىسىنىڭ ءساتتى جولعا قويىلۋى شينجياڭداعى تۇتىنۋشىلارعا اناعۇرلىم كوپ زات ساتىپ الۋ تاڭداۋىن ازىرلەپ، بۇرىنعى ۋاقىتتاعى شينجياڭ حايتاۋ تاسىمال ۋاقىتىنىڭ ۇزاق، وزىندىك قۇنىنىڭ جوعارى بولۋى، پوچتادان جونەلتۋ اقىسىن تولەمەۋ سياقتى ماسەلەلەردى شەشەدى.

  ۇعىسۋعا قاراعاندا، شيدامىن قورعامالى باجى تىكە ساتۋ ورتالىعىنىڭ كيلەنتى بيىل 6 - ايدا رەسمي جەلىگە شىعارىلادى، سونداي - اق اناعۇرلىم كوپ شەكارا اتتاعان ەلەكتروندى ساۋدا ۇلگىسى ىسكە قوسىلادى ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار