شينجياڭدا عىلىم – تەحنيكا قىزمەتكەرلەرىنەن 4 قىزمەتكەر مەملەكەتتىك ەكىنشى كەزەكتى جاڭالىق جاراتۋعا تالپىنۋ سيلىعىنا يە بولدى
2020.06.01 16:50 كەلۋ قاينارى : حالىق تورابى
شينجياڭ گازەتى، 5 – ايدىڭ 30 – كۇنى، ءۇرىمجى. مەملەكەتتىك ەكىنشى كەزەكتى جاڭالىق جاراتۋعا تالپىنۋ سيلىعى 5 – ايدىڭ 30 – كۇنى جاريالاندى، شينجياڭداعى عىلىم – تەحنيكا قىزمەتكەرلەرىنەن 4 ادام وسى داڭقتى اتاققا يە بولدى. مۇندا جۇڭگو عىلىم اكادەمياسى شينجياڭ ەكولوگيالىق جانە جاعراپيالىق زەرتتەۋ باسقارماسىنداعى شياۋ ۋىنجياۋ مەملەكەتتىك جاڭالىق جاراتۋعا تالپىنۋ مەدالىنا يە بولدى، شينجياڭ داشۋەسىنەن فاڭ چۋاڭلين، شينجياڭ اۋىل شارۋاشىلىق عىلىم اكادەمياسى اۋىل شارۋاشىلىعى داقىلدارىنىڭ سورتى مەن قاينارىن زەرتتەۋ باسقارماسىنان شۇي لين، تارىم داشۋەسىنەن چي چىڭنيان مەملەكەتتىك جاڭالىق جاراتۋعا تالپىنۋ ماداقتاماسىنا يە بولدى.
بۇل رەتكى مەملەكەتتىك جاڭالىق جاراتۋعا تالپىنۋ سيلىعىن تاراتۋداعى ماقسات — ىندەتتەن ساقتانۋ جانە ونى تىزگىندەۋ، كەدەيلىكتەن ارىلتۋدا قامال الۋ، نەگىزدىك زەرتتەۋ جانە الدىڭعى دەڭگەيدەگى ىزدەنىس جاساۋ، ماڭىزدى قۇرال – جابدىقتاردى جاساۋ جانە ينجەنەريالاردى اتقارۋدا قامال الۋ،زەرتتەۋ ناتيجەلەرىن ءىس جۇزىندە پايدالانۋ جانە جاڭالىق جاراتۋ – كاسىپ كوزىن اشۋ، الەۋمەتتىك قىزمەت وتەۋ قاتارلى جاقتاردا كورنەكتى ۇلەس قوسقان كوللەكتيۆتەر مەن جەكەلەردى ماراپاتتاۋ.
شينجياڭداعى عىلىم – تەحنيكا جاعىندا سيلىققا يە بولعان 4 قىزمەتكەر تۇرلىشە سالالاردا كورنەكتى ۇلەس قوسقان. شياۋ ۋىنجياۋ ۇزاق ۋاقىتتان بەرى گەوتەكتونيكالىق زەرتتەۋلەرمەن اينالىسقان، تاۋدىڭ قالىپتاسۋىنا ىقپال ەتەتىن سەبەپتەر مەن قۇرلىقتاردىڭ ۇلعايۋى مەحانيزمىن زەرتتەۋدە حالىقارالىق الدىڭعى دەڭگەيگە جەتكەن، تاۋ قالىپتاساتىن بەلدەۋلەردىڭ قۇرىلىمى مەن ۋاقىت شەكتەمەسى، تاۋدىڭ قالىپتاسۋ ءتاسىلى مەن قۇرلىقتاردىڭ ۇلعايۋ مەحانيزمى قاتارلى شەشۋشى عىلىمي ماسەلەلەردى توڭىرەكتەي وتىرىپ، جۇڭگونىڭ سولتۇستىك وڭىرلەرىندە، كورشى اۆتونوميالى رايوندارداعى قۇبا دۇزدەر مەن تاۋلى وڭىرلەردە جۇيەلى زەرتتەۋ جۇرگىزدى، ورتا ازياداعى تاۋ قالىپتاسقان بەلدەۋلەردىڭ قۇرىلىمى مەن ورنالاسۋى جانە قۇرلىقتىڭ ۇلعايۋ مەحانيزمى قاتارلى سالالاردا جۇيەلى جاڭالىق جاراتۋ سيپاتىندىق جەتىستىكتەرگە قول جەتكىزدى. فاڭ چۋاڭلين نەگىزىنەن قالا جاعراپياسى، قالا شوعىرىنىڭ دامۋى جانە قالا – قالاشىقتانۋ جاعىنداعى بايلىق قاينارى مەن قورشاعان ورتا اسەرى قاتارلى جاقتاردا وقىتۋ جانە زەرتتەۋ قىزمەتىمەن شۇعىلدانىپ، ىلگەرىندى – كەيىندى مەملەكەتتىك كەڭەسكە ماڭىزدى كەڭەس سۇراۋ مالىمەتتەرى مەن كەلەلى جوبالاۋلاردان نەشە ونداعان قۇجات تاپسىردى، ونىڭ قاتىستى پىكىرلەرى مەن ۇسىنىستارى جىبەك جولى ەكونوميكالىق بەلدەۋىندەگى وزەكتى رايون قۇرىلىسىن كوركەيتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ جاقتارىندا كورنەكتى ۇلەس قوستى.
شۇي لين 2017 – جىلى «ۇعىسۋ، تيىمدىلىك جەتكىزۋ، توعىستىرۋ» قىستاقتا تۇرۋ قىزمەتىنە قاتىناسقاننان بەرى، كاسىپ سالاسى ارقىلى كەدەيلەردى سۇيەمەلدەۋدە «1 + N» فورماسىنداعى اۋلالىق ەكونوميكا كاسىپ سالاسىن كوركەيتىپ، ديقانداردىڭ كىرىسىن ارتتىرۋدى ىلگەرىلەتكەن؛ اۋىل شارۋاشىلىعى ەگىمشىلىك قۇرىلىمىن ۇزدىكسىز كەمەلدەندىرىپ جانە رەتتەپ، «ءبيداي سورتىن جەتىلدىرۋ + ەگىس داقىلدارىن قايتاپ ەگۋ» كاسىپ سالاسىن دامىتتى؛ جەمىس – جيدەك پەن كوكونىس، گۇل – بايشەشەك قالامشالارىن جەتىلدىرۋ كاسىپ سالاسىن كۇش سالا دامىتىپ، قىستاق كوللەكتيۆى ەكونوميكاسىن ۇلعايتىپ، قىستاق تۇرعىندارىن اۋقاتتانۋ جولىنا باستادى. چي چىڭنيان مال شارۋاشىلىعى جاعىنداعى كاسىپتىك وقىتۋ – زەرتتەۋ قىزمەتىمەن شۇعىلدانىپ، كوپ جىلدار بويى بيىڭتۋانداعى لياندەر مەن اترەتتەردىڭ كەدەيلەردى سۇيەمەلدەۋ ءبىرىنشى شەبىنە تابان تىرەپ، مال شارۋاشىلىعى باعىمشىلىعىن باسقارۋ جانە تەحنيكالىق جاقتان جەتەكشىلىك ەتۋدى ورىستەتىپ، جاڭا سورتتار مەن جاڭا تەحنيكالاردى، جاڭا تانىمداردى كەدەي لياندەر مەن اترەتتەرگە جەتكىزىپ، قيىنشىلىعى بار جۇرتشىلىقتىڭ كەدەيلىكتەن ارىلىپ، اۋقاتتانۋىنا كومەكتەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
