بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭنىڭ 7 ءونىمى بيىلعى العاشقى توپتاعى مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىعى ونىمدەرى تىزىمىنە تاڭدالدى

2020.06.04 16:08     كەلۋ قاينارى : حالىق تورابى

  شينجياڭ گازەتى جالپىلىق اقپارات قۇرالدارىنىڭ ءتىلشىسى ليۋ ي، حي حۇڭۋي 6 - ايدىڭ 2 - كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، جۋىقتا اۋىل شارۋاشىلىعى، اۋىل - قىستاق مينيسترلىگىنىڭ اۋىل شارۋاشىلىعى ونىمدەرى ساپا حاۋىپسىزدىگى ورتالىعى 2020 - جىلعى 1 - توپتاعى مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىعى ونىمدەرى ءتىزىمىن جاريالاعان، شينجياڭنان جيىنى 7 ءتۇرلى اۋىل شارۋاشىلىعى ءونىمى تاڭدالدى، جەكە - جەكە مىنالار: ءۇرىمجى جوعارى، جاڭا تەحنيكا رايونىنىڭ (جاڭا قالا رايونى) تيانشان ءتاتتى كارتوبى، ءۇرىمجى قالاسى دابانچىڭ رايونىنىڭ ءتاتتى لالاگۇلى، ءۇرىمجى قالاسى دابانچىڭ رايونىنىڭ تۇيە ءسۇتى ۇنتاعى، ءۇرىمجى قالاسى ميدۇڭ رايونىنىڭ سيىر ەتى، ءۇرىمجى قالاسى ميدۇڭ رايونىنىڭ قوي ەتى، ءۇرىمجى اۋدانىنىڭ سيىر ەتى مەن قورعاستىڭ ءجۇزىمى.

  مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىعى ونىمدەرى بەلگىلەنگەن ءوڭىر ىشىندە وندىرىلگەن، بەلگىلى ءوندىرىس كولەمى مەن تاۋار مولشەرىن ازىرلەگەن، كورنەكتى وڭىرلىك ەرەكشەلىگى مەن وزگەشە قورەكتىك ەرەكشەلىگى بار، ورنىقتى قامداۋ مولشەرى مەن تۇتىنۋ بازارى بار، تانىمالىلىعى مەن بەدەلى جوعارى ءارى اۋىل شارۋاشىلىعى، اۋىل - قىستاق مينيسترلىگىنىڭ اۋىل شارۋاشىلىعى ونىمدەرى ساپا حاۋىپسىزدىگى ورتالىعىندا ەستەلىككە الىنىپ جاريالانعان جانە تەكسەرىلىپ كۋالىك تاراتىلعان اۋىل شارۋاشىلىعى ونىمدەرىن مەڭزەيدى.

  وسى رەتكى تىزىمگە تاڭدالعان اۋىل شارۋاشىلىعى ونىمدەرى ءبىرتۇتاس تەكسەرىلىپ كۋالىك بەرىلگەننەن كەيىن، بەلگىلەمەگە، تالاپقا ۇيلەسەتىن ونىمدەر كۋالىكتى الۋشىلار تەكسەرىپ ماقۇلدانعاننان كەيىن، ءونىم قورابىنا «مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىعى ونىمدەرى» دەگەن جازۋ تاڭبالانىپ، اۋىل شارۋاشىلىعى ونىمدەرىنىڭ ايگىلى ماركاسىنىڭ تانىمالىلىعى مەن ىقپال كۇشىن اناعۇرلىم ارتتىرادى.

  تاياۋ جىلداردان بەرى، شينجياڭ اۋىل شارۋاشىلىعى ماركالارىنىڭ دەڭگەيىن جوعارىلاتۋ قيمىلىن زور كۇشپەن اتقارىپ، ءبىر توپ ايگىلى، ساپالى، ەرەكشە «جەرگىلىكتى»، «اۋەلگى» اۋىل شارۋاشىلىعى ونىمدەرىنىڭ اتىن ايگىلەپ، شينجياڭنىڭ اۋىل شارۋاشىلىعى قۇرىلىمىن رەتتەۋدى، اۋىل شارۋاشىلىعى ونىمدەرىنىڭ ماركالانىپ دامۋىن جانە ەگىنشى - مالشىلاردىڭ كىرىستەرىن ارتتىرۋدى جەبەۋ ءۇشىن بەلسەندى رول اتقاردى. قازىر شينجياڭدا مەملەكەتتىك ايگىلى، ەرەكشە، ساپالى، جاڭا اۋىل شارۋاشىلىعى ونىمدەرى تىزىمىنە ەنگەن اۋىل شارۋاشىلىعى ونىمدەرىنىڭ جالپى سانى 29عا جەتتى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار