شينجياڭ بيىل 8 ميلليارد 510 ميلليون يۋان قارجى ءبولىپ، قيىنشىلىعى بار بۇقاراعا كومەكتەستى
2020.06.05 14:16 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي لين 6 - ايدىڭ 3 - كۇنى ۇرىمجىدەن حابارلايدى. ”قازىر وتباسىمىزداعى 4 جان تۇگەلدەي ەڭ تومەنگى تۇرمىستى قامتاماسىزداندىرۋعا ەنگىزىلىپ، نەگىزگى تۇرمىسىمىزعا كەپىلدىك ەتىلدى“، - دەدى 6 - ايدىڭ 2 - كۇنى ءۇشتۇرپان اۋدانى اقيار قالاشىعى تومەنگى كوشۇرمە قىستاعىنىڭ تۇرعىنى ورگۇل ابدۇكەرىم تەلەفوندا تىلشىگە.
ورگۇلدىڭ دەنساۋلىعى جاقسى ەمەس، بالالارى تۇگەلدەي وقۋدا، ىندەتتىڭ ىقپالىنان ول اشقان تىگىنحانانىڭ تيجارات سوماسى تومەندەپ، كىرىسى ازايىپ، تۇرمىسى بىردەن قىسىلتاياڭ كۇيگە ءتۇستى. قىستاق حالىق ىستەرى كومەكشىسى وتباسىلارىن ارالاپ، ورگۇل وتباسىنىڭ احۋالىن ۇعىسقاننان كەيىن ونى ەڭ تومەنگى تۇرمىستى قامتاماسىزداندىرۋعا ەنگىزدى.
جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا قاراتا رايونىمىز دەر كەزىندە شەشۋشى شارالاردى العا قويىپ، قيىنشىلىق قىسپاعىنان قۇتىلدىردى. ”ءبىز ەڭ تومەنگى تۇرمىستى قامتاماسىز ەتۋ كولەمىن لايىقتى كەڭەيتىپ، ’جالعىزىلىك وتباسى‘، ’بىرتىندەپ شەگەرۋ مەرزىمى‘، ’الدىمەن قۇتقارۋ - كومەكتەسۋ‘، ’باعا قوسىمشا قاراجات بەرۋ‘ سياقتى ءبىر قىدىرۋ ساياساتتىق شارالاردى دالمە - ءدال تياناقتاندىرىپ، حالىق تۇرمىسىن قامتاماسىز ەتۋدىڭ ’حاۋىپسىزدىك تورىن‘ بەكەمدەپ، حاۋىپ - قاتەرگە توتەپ بەرۋ قۋاتى ءبىرشاما ءالسىز ەرەكشە توپتاردىڭ جانە قيىنشىلىعى بار بۇقارانىڭ نەگىزگى تۇرمىسىن شىن مانىندە قامتاماسىز ەتتىك“، - دەدى اۆتونوميالى رايوندىق حالىق ىستەرى مەڭگەرمەسى قوعامدىق قۇتقارۋ - كومەكتەسۋ مەكەمەسىنىڭ ورىنباسار باستىعى لي يۇڭفىڭ.
اۆتونوميالى رايوندىق حالىق ىستەرى مەڭگەرمەسىنىڭ ساناعىنا نەگىزدەلگەندە، رايونىمىز بيىل قيىنشىلىعى بار بۇقاراعا قۇتقارۋ - كومەكتەسۋ قارجىسىنان 8 ميلليارد 510 ميلليون يۋان تاراتىپ، قالا - اۋىلدىڭ ەڭ تومەنگى تۇرمىسىن قامتاماسىز ەتۋگە، جەتىم بالالاردىڭ نەگىزگى تۇرمىسىن قامتاماسىز ەتۋگە، ەرەكشە قيىنشىلىعى بارلاردى قۇتقارۋعا - كومەكتەسۋگە، قاراۋعا، ۋاقىتشا قۇتقارۋ - كومەكتەسۋگە، سەرگەلدەڭ، قايىر تىلەۋشىلەرگە قۇتقارۋ - كومەك بەرۋگە ءبىر تۇتاس جوسپارلاپ ىستەتكەن.
ىندەت تۋىلعاننان بەرى، رايونىمىز ەڭ تومەنگى تۇرمىستى قامتاماسىز ەتۋ كولەمىن كەڭەيتىپ، ەڭ تومەنگى تۇرمىستى ۋاقىتشا قامتاماسىز ەتۋ ساياساتىن بەلگىلەپ، شىعارىپ، ءار ادامعا اي سايىن 450 يۋان ولشەممەن، ىندەت ىقپالىنان سىرتقا شىعىپ جۇمىس ىستەۋگە شاراسىز قالعانداردى، كىرىس كىرگىزە الماعانداردى، تۇرمىستىق كىرىسى جوقتاردى، نەگىزگى تۇرمىسى قيىنشىلىقتا قالعان قالا - قالاشىقتىڭ جەرگىلىكتى نوپوسىنداعى وتباسىلارىن دەر كەزىندە ەڭ تومەنگى تۇرمىستى ۋاقىتشا قامتاماسىز ەتۋ كولەمىنە ەنگىزىپ، قامتاماسىز ەتۋگە تيىستىلەرىن تۇگەلدەي قامتاماسىز ەتۋدى ورىنداپ، بىردە - ءبىرىن قالدىرمادى. قازىر ەڭ تومەنگى تۇرمىستى ۋاقىتشا قامتاماسىز ەتۋ بويىنشا 37 مىڭ وتباسىنداعى 99 مىڭ ادامدى (رەت) قۇتقارىپ - كومەكتەسىپ، ەڭ تومەنگى تۇرمىسىن ۋاقىتشا قامتاماسىز ەتۋ قارجىسىنان 44 ميلليون 390 مىڭ يۋان تاراتىپ، ۋاقىتشا قيىنشىلىققا ۇشىراعان بۇقارانىڭ نەگىزگى تۇرمىسىن ءونىمدى قامتاماسىز ەتتى.
ۋاقىتشا قۇتقارۋ - كومەكتەسۋ ونىمدىلىگىن جوعارىلاتۋ ءۇشىن، رايونىمىز ۋاقىتشا قۇتقارۋ - كومەكتەسۋ ارناسىن ىركىلىسسىزدەندىرىپ، اۋىل - قالاشىق (ءمالى) ۋاقىتشا قۇتقارۋ - كومەكتەسۋ ساقتىق قورى ءتۇزىمىن جاپپاي ورناتىپ، بەلگىلى مولشەردە تىكەلەي ۋاقىتشا قۇتقارۋ - كومەكتەسۋ ۇقىق كولەمىن بەرىپ، تەكسەرىپ بەكىتۋ راسمياتىن ىقشامدادى. رايونىمىز تاعى وتباسىنىڭ نەگىزگى تۇرمىسىندا كەزەڭدىك، ۋاقىتشا قيىنشىلىعى بارلاردى، قايتا كەدەيلەسۋ، كەدەيلەستىرۋ حاۋپى نەمەسە وتباسىندا ەرەكشە قيىنشىلىعى بارلاردى دەر كەزىندە ۋاقىتشا قۇتقارۋ - كومەكتەسۋ كولەمىنە ەنگىزدى. قازىر ءبىر ميلليون 200 مىڭ ادامدى (رەت) ۋاقىتشا قۇتقارىپ - كومەكتەسىپ، ۋاقىتشا قۇتقارۋ - كومەكتەسۋ قارجىسىنان (ناقتى زاتتار اقشاعا سىندىرىلعان) 230 ميلليون يۋان تاراتىلدى.
ءارقايسى قۇتقارۋ - كومەكتەسۋ ساياساتتارىنىڭ تياناقتانىپ تامىر تارتۋىنا كەپىلدىك ەتۋ ءۇشىن، اۆتونوميالى رايوندىق حالىق ىستەرى مەڭگەرمەسى ىرىقتىلىقپەن بايقاۋ، دەر كەزىندە مالىمەت بەرۋ مەحانيزمىن ورناتىپ، كەمەلدەندىرىپ، حالىق ىستەرىنىڭ حالىققا قولايلى قىزمەت وتەۋ اترەتىن قۇرىپ، وتباسىلارىن ارالاۋدى، وتباسىنا بارىپ قىزمەت وتەۋدى بەلسەنە ورىستەتىپ، قامقورلىق جاساۋدى نەمەسە قارايلاسۋدى قاجەت ەتەتىن بىتىراندى تۇردە باعىپ - قاعىلاتىن ەرەكشە قيىنشىلىعى بار قارتتار، ۇيدە قالعان قيىنشىلىعى بار قارتتار، مۇگەدەكتەر، بالالار سياقتى قيىنشىلىعى بار توپتاردىڭ تۇرمىستىق احۋالىن دەر كەزىندە يگەرىپ، ولارعا امانداسا بارىپ، ولاردان حال سۇراپ، تۇرمىستىق جاقتان كوڭىل ءبولۋدى، پسيحولوگيالىق جاقتان ءمان بەرۋدى جاقسى ىستەپ، ناقتى قيىنشىلىقتارىن شەشۋگە كومەكتەستى. ساناققا قاراعاندا، بىتىراندى تۇردە باعىپ - قاعىلاتىن ەرەكشە قيىنشىلىعى بار قارتتار، ۇيدە قالعان قيىنشىلىعى بار قارتتار، مۇگەدەكتەر سياقتىلارعا 22 مىڭ ادام (رەت) قارايلاسقان.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
