شينجياڭ موڭعۇلكۇرە اۋدانى: «شاعىن اۋلادان» «ۇلكەن بايلىق» جاراتتى
2020.06.05 15:24 كەلۋ قاينارى : حالىق تورابى
سوڭعى جىلدارى شينجياڭ موڭعۇلكۇرە اۋدانى ٴىس جۇزىندىكتى تياناق، وتباسىن بازا، اۋلانى دانەكەر ەتىپ، ەگىنشى، مالشىلاردىڭ اۋلاسىن ۇيلەسىمدى جوبالادى. ەگىنشى – مالشىلاردى «اياداي اۋلادان» ورىندى پايدالانىپ، كىرىستى ارتتىرۋ ەسەبىن جاقسى ىستەپ، ەكونوميكالىق اعاش وتىرعىزىپ، اۋقاتتانۋ كوكونىسىن جاقسى ەگىپ، ءۇي جانۋارلارىن جاقسى باعۋعا شابىتتاندىردى. كەدەيلىكتەن دالمە ـ ٴدال ارىلتۋدىڭ «التىن كىلتى» جونىندە ىزدەنىس جاساپ، بايۋدىڭ جاڭا جولىنا ٴتۇستى.
سانيام وتباسى موڭعۇلكۇرە اۋدانى اقدالا قالاشىعىنىڭ تومەنگى مويناق قىستاعىنداعى ارحيۆ تۇرعىزىلىپ، كارتۋچكا بەرىلگەن كەدەي وتباسى. 2019 - جىلى ول قىستاق كادرلارىنىڭ كومەگىندە قالتقى سالىپ، پياز ەكتى، اۋلا شارۋاشىلىعىن دامىتۋدىڭ پايداسىن كورگەننەن كەيىن، بيىل ول اۋلاداعى بوس جەرلەرگە تاعى دا تۇگەلدەي پياز ەكتى. «قىستاق ٴبىزدىڭ اۋقاتتانۋ جولىمىزدى كەڭەيتۋىمىزگە كومەكتەستى، اۋلا شارۋاشىلىعىن دامىتىپ، ەگىنشىلىكتىڭ پايداسىن كوردىم»، ـ دەدى سانيام قۋانا.
موڭعۇلكۇرە اۋدانى اقدالا قالاشىعى ورتا قىزىلمويناق قىستاعىندا 8200 مۋ ەگىستىك جەر بار، ٴداستۇرلى اۋىل شارۋاشىلىق قىستاعى. اۋا رايى، جاۋىن – شاشىن مولشەرى ەگىس داقىلدارىنىڭ وسۋىنە ءبىرشاما ۇيلەسەدى. الايدا ەگىنشى - مالشىلاردىڭ ەگىمشىلىك تەحنيكاسى، ساتۋ ارناسى كەمشىل بولعاندىقتان، اۋىل شارۋاشىلىعىنىڭ دامۋى سالىستىرمالى تۇردە كەنجە قالعان بولاتىن. قىستاق «ەكى كوميتەتى» جانە «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت اترەتى جەرگىلىكتى جاعدايعا قاراپ، كاسىپ سالاسى ارقىلى ەگىمشىلىك قۇرىلىمىن بەلسەنە رەتكە سالىپ، قىستاق تۇرعىندارىن اۋلا شارۋاشىلىعىن زور كۇشپەن دامىتىپ، كىرىستى ارتتىرۋعا جەبەدى. قىستاق پارتيا ياچەيكاسىنىڭ شۋجيى ەرشات اليجان ۇلىنىڭ تانىستىرۋىنشا، تەحنيكا مەن ساتۋ ارناسى كەمشىل بولعاندىقتان، قىستاقتىڭ اۋىل شارۋاشىلىعىنىڭ دامۋى ٴبىرشاما ارتتا قالعان. 2018 - جىلى قىستاق «ەكى كوميتەتى» جانە «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قىزمەت اترەتى حالىققا تيىمدىلىك جاساۋ ساياساتتارىمەن بىرلەستىرىپ، ديقاندار اۋلاسىنداعى جەرلەردەن تولىق پايدالانىپ، اۋلا شارۋاشىلىعىن زور كۇشپەن دامىتىپ، اناعۇرلىم كوپ شارۋالاردىڭ يگىلىككە كەنەلۋىنە مۇمكىندىك جاساعان.
ەگىنشى - مالشىلاردىڭ اۋلا شارۋاشىلىعىن جاقسى دامىتۋىنا جەتەكشىلىك ەتۋ ء ۇشىن، قىستاق تاعى ۇلگى كورسەتۋ اتىزىن قۇرىپ، ەگىنشىلەرگە كوكونىس ەگۋ تەحنيكاسىن قولما ـ قول ۇيرەتىپ، قىستاق تۇرعىندارىنا مەرزىم بويىنشا تەحنيكالىق جاقتان جەتەكشىلىك ەتتى. ٴارى قىستاق تۇرعىندارىنا ساتۋ جولىن بەلسەنە قاراستىرىپ، كوكونىستى قالاي ساتۋ ۋايىمىنان ارىلتتى.
موڭعۇلكۇرە اۋداندىق اۋىل شارۋاشىلىعى، اۋىل ـ قىستاق مەكەمەسىنىڭ ورتا قىزىلمويناق قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ ورىنباسار باستىعى ما زىڭ بىلاي دەدى: «بۇقارانى اۋلا شارۋاشىلىعىن دامىتۋعا جەبەۋ بارىسىندا، ءبىز اۋىل شارۋاشىلىق تاراۋلارىنىڭ وزىندىك ابزالدىلىقتارىن تولىق ساۋلەلەندىردىك، قىستاق تۇرعىندار كوميتەتىنىڭ جەرىنەن پايدالانىپ، ۇلگى اتىزىن قۇرىپ، كوكونىس ەگۋ تەحنيكاسىن ۇيرەتتىك، بۇل ءادىسىمىز 20 نەشە كەدەي وتباسىنىڭ كىرىسىن ارتتىرۋدا ٴبىرشاما كورنەكتى رول اتقاردى، كەلەسى قادامدا ٴبىز مۇنى كەڭىنەن جالپىلاستىرىپ، ٴتىپتى دە كوپ شارۋا وتباسىلارىنىڭ كىرىسىن ارتتىرىپ، اۋقاتتانۋىنا دەم بەرەمىز.
تاياۋ جىلداردان بەرى، موڭعۇلكۇرە اۋدانى اقدالا قالاشىعى «اۋلا شارۋاشىلىعىن» دامىتۋدى بۇقارانىڭ كىرىسىن ارتتىرۋ ارناسىن كەڭەيتۋدىڭ ماڭىزدى شاراسى ەتتى. سونىمەن بىرگە ارحيۆ تۇرعىزىلىپ، كارتۋچكا بەرىلگەن كەدەي وتباسىلارىنىڭ «اۋلا شارۋاشىلىعىن» دامىتۋىنا جەتەكشىلىك ەتۋ تەبىنىن ارتتىردى. قازىر بۇكىل قالاشىقتاعى ارحيۆ تۇرعىزىلىپ، كارتۋچكا بەرىلگەن 334 كەدەي وتباسى اۋلا شارۋاشىلىعىن دامىتۋ ارقىلى، 4 مىڭ يۋاننان استام كىرىس كىرگىزىپ، 61 قالتقى سالىندى. اۋلا شارۋاشىلىعى جۇرگىزىلگەن جەر كولەمى 98.5 مۋعا جەتىپ، بوس قالعان اۋلالار تۇگەلدەي پايدالانىلىپ، كىرىستى ارتتىرۋ ارناسىن كەڭەيتتى.
موڭعۇلكۇرە اۋداندىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ مۇشەسى، اۋىل شارۋاشىلىعى، ەكونوميكا مەكەمەسىنىڭ باستىعى جاۋ يانبين بىلاي دەدى: «تاياۋ جىلداردان بەرى اۋلا شارۋاشىلىعىن دامىتۋ ارقىلى قازىر اۋدان بويىنشا كوكونىس 912 قالتقى سالىندى، اۋلا شارۋاشىلىعىنا پايدالانىلاتىن جەر اۋدانى بىرتىندەپ ارتىپ كەلەدى. كەلەسى قادامدا ٴبىز سەلبەستىك كوپەراتيۆى، ەلەكتروندىق ساۋدا سياقتى ارنالارعا سۇيەنەمىز. (حالىق تورابىنان اۋدارىپ دايىنداعان: ارزىگۇل ابدەش قىزى، ساۋلەت ٴشارىپقان ۇلى）
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
