بيىل شينجياڭ 2 ميلليارد 349 ميلليون يۋان قارجى قوسىپ، 5G ينتەرنەت جەلىسىن قۇرۋدى جوسپارلادى
2020.06.08 15:00 كەلۋ قاينارى : حالىق تورابى
شينجياڭ گازەتى جالپىلىق اقپارات قۇرالدارىنىڭ ءتىلشىسى لي ياڭ 6 - ايدىڭ 6 - كۇنى ۇرىمجىدەن حابارلايدى. ءتىلشىنىڭ 6 - ايدىڭ 6 - كۇنى اشىلعان شينجياڭ ۇيعۇر اۆتونوميالى رايونىنىڭ 5G ينتەرنەت جەلىسى قۇرىلىسىن جەدەل ىلگەرىلەتۋدى ورنالاستىرۋ بەينە ەكران ماجىلىسىنەن ۇعىسۋىنشا، بيىل شينجياڭ 2 ميلليارد 349 ميلليون يۋان قارجى قوسىپ، 5G ينتەرنەت جەلىسىن قۇرۋدى، 5G بازالىق ستانسياسىنان 4140ىن قۇرۋدى، مۇنىڭ 1773ىن ءۇرىمجى قالاسىندا قۇرۋدى جوسپارلاعان.
ۇعىسۋعا قاراعاندا، قازىر ءارقايسى ورىندار، تاراۋلار قاتىستى ساياساتتاردى جاساۋدى جانە تياناقتاندىرۋدى جەدەل ىلگەرىلەتۋدە ەكەن. «شينجياڭ ۇيعۇر اۆتونوميالى رايونىنىڭ 5G ينتەرنەت جەلىسى قۇرىلىسىن دامىتۋ بەلگىلەمەسى» شينجياڭ ۇيعۇر اۆتونوميالى رايونىنىڭ جىلدىق زاڭ ەرەجە شىعارۋ جوسپارىنا ەنگىزىلىپ، تياناقتاندىرۋ جەدەل ىلگەرىلەتىلۋدە. شينجياڭ ۇيعۇر اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ينفورماتسيا، حابار - بايلانىس نەگىزدىك قۇرىلعىلار قۇرىلىسىن الەۋمەتتىك نەگىزدىك قۇرىلعىلار قۇرىلىسىنىڭ مازمۇنى ەتىپ، شينجياڭ ۇيعۇر اۆتونوميالى رايوندىق حابار - بايلانىستى باسقارۋ مەكەمەسىمەن بىرلەسىپ «شينجياڭ ۇيعۇر اۆتونوميالى رايونىنىڭ قۇرىلىستارداعى حابار - بايلانىس نەگىزدىك قۇرىلعىلار قۇرىلىسىنىڭ ولشەمىن» جاريالاپ، حابار - بايلانىس نەگىزدىك قۇرىلعىلار قۇرىلىسىن قۇرىلىستاردى جوبالاۋ، قۇرىلىس جۇرگىزۋ جانە تەكسەرىپ وتكىزىپ الۋدىڭ ءارقايسى بۋىنىنا ەنگىزەدى؛ قالا - قالاشىقتارداعى كونە، شاعىن اۋماقتاردى جاڭالاۋدا حابار - بايلانىس نەگىزدىك قۇرىلعىلار قۇرىلىسى مازمۇنىن ارناۋلى قوسىپتى. بۇدان سىرت، شينجياڭ تاعى بازالىق پۋنكتتەردىڭ ەلەكتر ىستەتۋ وزىندىك قۇنىن تومەندەتۋ تالابى بويىنشا، ەلەكتر باعاسىن قولداۋ ساياساتىن العا قويىپ، ەلەكتردەن پايدالانۋدى قامتاماسىز ەتۋ قىزمەتىن ويداعىداي ىستەيدى.
قازىر ءۇرىمجى قالاسىنىڭ، ىلە قازاق اۆتونوميالى وبلىسىنىڭ، قاشقار ايماعىنىڭ 5G بازالىق پۋنكت قۇرىلىسىنىڭ اياق الىسى ەداۋىر تەز. ءۇرىمجى قالاسىندا 5G ابونتتارى 168 مىڭ 600گە جەتتى. قازىر تەمىر جول مەكەمەسى ساۋدا شەڭبەرى، دوستىق ساۋدا شەڭبەرى، شياۋشيگوۋ ساۋدا شەڭبەرى، جۇڭشان جولى ساۋدا شەڭبەرى، حۋاڭحى جولى ساۋدا شەڭبەرى، ميدۇڭ ساۋدا شەڭبەرى، نانحۋ ساۋدا شەڭبەرى، اۋەجاي جول بويى، جوعارى قارقىندى تەمىر جول بويى سياقتى ادام قالىڭ ساۋدا رايوندارىن جانە نەگىزگى قالا رايونىن تۇتاس قامتۋ نەگىزىنەن جۇزەگە اسىرىلدى.
ءۇرىمجى قالاسىندا + 5G كاسىپتە پايدالانۋ نەگىزىنەن كوپ جاعداي، كوپ كاسىپ، كوپ سالا توعىسقان ەكولوگيالىق ورتانى قالىپتاستىردى، 5Gدەن پايدالانۋدىڭ جانە كاسىپ سالاسىنىڭ ۇلگى كورسەتۋ اسەرى العاشقى ادىمدا كورىلە باستادى: شينجياڭ اسكەري رايونى باس شيپاحاناسى تۇڭعىش 5G ينتەرنەت جەلىسىنەن پايدالانىپ، الىس ارالىقتان B تيپتى ۋلترا تولقىن اسپابى تەكسەرۋىن جۇرگىزدى؛ مەملەكەتتىك ەلەكتر تورابى 5Gدەن پايدالانىپ، 360 گرادۋستىق VR يممەرسيۆتى شارلاۋدى تىكە تاراتۋدى جۇزەگە اسىردى؛ 5G زەردەلى باقشا اۋماعىندا شارلاۋشى قۇلتەمىردىڭ كومىر كەندەگى كومىركەسەكتەرىن تاسىپ جەتكىزۋشى شىنجىر تاباندى شارلاپ تەكسەرۋى، كەن جۇك اۆتوموبيلىن شوفەرسىز جۇرگىزۋى، قازۋ ماشيناسىن الىستان مەڭگەرۋى قاتارلىلاردى جۇزەگە اسىردى.
جوبا بويىنشا 2022 - جىلعا جەتكەندە، نەگىزگى قالا رايوندارىندا 5G ينتەرنەت جەلىسىمەن ىشكەرىلەي قامتۋمەن بىرگە، شارت - جاعدايى بار اۋىل - قالاشىق، اۋىل - قىستاق، تۋان الاڭدارىنا دەيىن كەڭەيتىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
