الداعى بىرنەشە كۇندە سولتۇستىك شينجياڭدا جاڭبىر جاۋىپ، قۋاڭشىلىق جاعدايى باسەڭدەيدى
2020.06.18 13:46 كەلۋ قاينارى : حالىق تورابى
شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق اۋا رايى مەكەمەسىنەن ۇعىسۋىنشا، 6 – ايدىڭ 17 - كۇنى كۇندىزدەن 6 – ايدىڭ 22 - كۇنى كۇندىزگە دەيىن، سولتۇستىك شينجياڭدا ەكى رەت جاڭبىر جاۋادى، قۋاڭشىلىق جاعدايىن باسەڭدەتۋگە ءبىرشاما ءتيىمدى.
مەجەمەن 6 – ايدىڭ 17 – كۇنى كۇندىزدەن 6 – ايدىڭ 19 – كۇنى تۇنگە دەيىن، سولتۇستىك شينجياڭنىڭ كوپ جەرىندە سەبەزگى جاڭبىر جاۋادى، ىلە قازاق اۆتونوميالى وبلىسىنىڭ تاۋلى ءوڭىرى، تارباعاتاي ايماعىنىڭ وڭتۇستىك تاۋلى ءوڭىرى، شىحىزى قالاسىنىڭ وڭتۇستىگى، ءۇرىمجى قالاسىنىڭ وڭتۇستىك تاۋلى ءوڭىرى، سانجى حۇيزۋ اۆتونوميالى وبلىسىنىڭ تاۋلى ءوڭىرى، بايىنعولين موڭعۇل اۆتونوميالى وبلىسىنىڭ سولتۇستىك بولەگىندەگى تاۋلى ءوڭىر سياقتى جەرلەردىڭ ءبىر ءبولىم وڭىرلەرىندە ورتاشا جانە قالىڭ جاڭبىر جاۋادى، ءىشىنارا جەرلەردە نوسەر جاۋادى؛ 6 – ايدىڭ 20 - كۇنى تۇننەن 6 – ايدىڭ 22 – كۇنى كۇندىزگە دەيىن، سولتۇستىك شينجياڭنىڭ باسىم كوپ جەرلەرىندە، اقسۋ ايماعىنىڭ سولتۇستىگىندە ، بايىنعولين وبلىسىنىڭ تاۋلى رايوندارىندا، قۇمىل قالاسىنىڭ سولتۇستىگىندە سەبەزگى جاڭبىر جاۋادى. مۇندا، ىلە وبلىسىنىڭ تاۋلى ءوڭىرى، تارباعاتاي ايماعىنىڭ وڭتۇستىگى، شىحىزى قالاسىنىڭ وڭتۇستىك تاۋلى ءوڭىرى، ء ۇرىمجى قالاسىنىڭ وڭتۇستىك تاۋلى ءوڭىرى، سانجى وبلىسىنىڭ تاۋلى ءوڭىرى، بايىنعولين وبلىسىنىڭ سولتۇستىك تاۋلى ءوڭىرى سياقتى جەرلەردە ورتاشا جاڭبىر جاۋادى، ءىشىنارا جەرلەردە نوسەر جاۋدى.
جوعارىداعى ەكى رەتكى جاڭبىردىڭ ىقپالىنان، جوعارىدا ايتىلعان رايونداردىڭ ءىشىنارا وڭىرلەرىندە نوسەر جاۋادى، ءىشىنارا جەرلەردە قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايى وڭاي پايدا بولادى. ەڭ كۇشتى جاۋىن - شاشىن مەزگىلى 6 – ايدىڭ 18 - كۇنى كۇندىزدەن 6 – ايدىڭ 19 – كۇنى كۇندىزگە دەيىن، 6 – ايدىڭ 20 – كۇنى تۇننەن 6 – ايدىڭ 21 – كۇنى تۇنگە دەيىن بولادى.
اسىرەسە، 6 – ايدىڭ 19 - كۇنىنىڭ الدى - ارتىندا ىلە وبلىسىنىڭ تاۋلى رايونى، بايىنعولين وبلىسىنىڭ سولتۇستىك تاۋلى رايونى قاتارلى جەرلەردىڭ جالپى جاۋىن - شاشىن مولشەرى ءبىرشاما زور بولادى. ءىشىنارا جەرلەردە تاسقىن اپاتى جانە جەر كوشكىنى، لاي تاسقىنى سياقتى گەولوگيالىق اپاتتاردىڭ تۋىلۋ قاتەرى ءبىرشاما جوعارى بولادى. شينجياڭ ۇيعۇر اۆتونوميالى رايوندىق اۋا رايى ستانسياسى قاتىستى تاراۋلارعا الدىن الا ساقتانۋ قىزمەتىن ويداعىداي ىستەۋدى ۇسىنىس ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
