شينجياڭ مال شارۋاشىلىعىندا ءىرى رايوننان قۋاتتى رايونعا بۇرىلىس جاساۋدى ىلگەرىلەتتى
2020.06.18 13:47 كەلۋ قاينارى : حالىق تورابى
شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق مال شارۋاشىلىعى، مال شيپاگەرلىگى مەكەمەسىنەن ۇعىسۋىنشا، تاياۋدا «شينجياڭ مال شارۋاشىلىعىنىڭ جوعارى ساپالى دامۋىن جەبەۋ جونىندەگى پىكىر» (تومەندە قىسقارتىلىپ «پىكىر» دەلىنەدى) شىعارىلعان. «پىكىردە» مىنالار العا قويىلدى: شينجياڭنىڭ مال شارۋاشىلىعىندا ءىرى رايوننان قۋاتتى رايونعا بۇرىلىس جاساۋىن جەدەل ىلگەرىلەتىپ، 5 جىل ۋاقىتپەن ءونىم قۇنى 10 ميلليارد يۋاننان اساتىن، ەلىمىزدە بەلگىلى ىقپالى بار مال شارۋاشىلىعى كاسىپ سالاسى شوعىرىنان 3 − 5ىن جەتىلدىرىپ، قالىپتاستىرىپ، بۇكىل رايوننىڭ ەت تۇرلەرىنىڭ جالپى ءونىمىن 2 ميلليون 200 مىڭ تونناعا، ءسۇت ءونىم مولشەرىن 3 ميلليون تونناعا جەتكىزىپ، ءۇي قۇستارى جۇمىرتقاسىنىڭ ءونىم مولشەرىن 500 مىڭ توننادان اسىرىپ، جەكە - جەكە ％30، ％50 جانە ％25 ارتتىرۋ؛ بۇكىل رايوننىڭ مال شارۋاشىلىعى ءونىم قۇنىن 110 ميلليارد يۋاننان اسىرىپ، ％20 ارتتىرۋ كەرەك.
«پىكىردە» مىنالار العا قويىلدى: اۋىل - قىستاقتى گۇلدەندىرۋ ستراتەگياسىن اتقارۋدى نەگىزگى تۇتقا، مال شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ارقاۋ، ەگىنشىلىك رايوندارى مال شارۋاشىلىعىن گۇلدەندىرۋدى ىلگەرىلەتۋدى قامال الۋ ءتۇيىنى، بازاردى باعدار ەتىپ، ەكولوگيالىق دامۋ بەتالىسىنا تاباندى بولىپ، ەگىن، مال شارۋاشىلىعىن بىرلەستىرۋدەن، جايلىم مەن مالدى سايكەستىرۋدەن جازباي، كاسىپ سالاسىنىڭ دامۋىن بايلىق ورتاسىمەن سايكەستىرۋ، ولشەمدەندىرىپ، كولەمدەندىرىپ ءوندىرۋ، كاسىپ سالالاندىرىپ، ماركالاندىرىپ جۇمىس جۇرگىزۋ سىندى باياندى دامۋ جولىمەن ءجۇرۋ كەرەك.
مال شارۋاشىلىعىنىڭ جوعارى ساپالى دامۋىن جەبەۋ ءۇشىن «پىكىردە» مىنالار ورتاعا قويىلدى: ەگىنشىلىك رايوندارىن ءتۇيىن ەتىپ، سويىس قويدىڭ ءونىمىن ارتتىرۋ،ءسۇت شارۋاشىلىعىن گۇلدەندىرۋ، سويىس سيىرىنىڭ ءونىمىن ارتتىرۋ، شوشقا شارۋاشىلىعىنىڭ تيپىن وزگەرتىپ، دارەجەسىن جوعارىلاتۋ، ءۇي قۇستارى، سونداي - اق ەرەكشە كاسىپ سالاسىن دامىتۋ سىندى 5 ۇلكەن گۇلدەندىرۋ ارەكەتىن اتقارۋ كەرەك.
«پىكىردە» مىنالار العا قويىلدى: مال شارۋاشىلىعىنا قارىز بەرۋگە كەپىلگە قويىلاتىن زات تۇرلەرىنىڭ كولەمىن كەڭەيتىپ، مال، ءۇي قۇستارىنىڭ ءتىرى جانۋارلارىن مال - مۇلىك رەتىندە كەپىلگە قويىپ قارىز بەرۋدى اتقارىپ، باعىمشىلىق قامسىزداندىرۋىن كەڭەيتىپ، ساۋىن سيىر، شوشقادان تىس، باسقا دا مال، ءۇي قۇستارى ناسىلىنە قاراتا اۋىل شارۋاشىلىعى ساياساتتىق قامسىزداندىرۋى بويىنشا تۇيىندەردە سىناق ەتۋدى ورىستەتىپ، سويىس قوي سىندى وندىرىستىك مالداردى اۋىل شارۋاشىلىعى ساياساتتىق قامسىزداندىرۋ كولەمىنە ەنگىزۋگە بىرتىندەپ ءوتىنىش ەتۋ، شارت - جاعدايى بار وڭىرلەردى ءۇي قۇستارى، قويان سياقتىلارعا ەرەكشە قامسىزداندىرۋ ءتۇرى بويىنشا قامىسىزداندىرۋ جۇمىسىن ورىستەتۋگە شابىتتاندىرىپ، مال شارۋاشىلىعى ماشينالارىنا قوسىمشا قاراجات بەرۋ ساياساتىن تياناقتاندىرىپ، اۋىل شارۋاشىلىعى ماشينالارىن ساتىپ الۋ قوسىمشا قاراجات تىزىمدىگىنە ەنگىزىلگەن مال، ءۇي قۇسى باعىمشىلىق الاڭدارىنىڭ، وتباسىلارىنىڭ ساتىپ العان اۋىل شارۋاشىلىعى جابدىقتارىنا قوسىمشا قاراجات بەرۋگە تيىستىلەرىنە قوسىمشا قاراجات بەرۋ كەرەك.
«پىكىر» تاعى قازىنا، فينانس، قورشاعان ورتانى قورعاۋ جاقتارىنان مال شارۋاشىلىعىنىڭ دامۋىن قولداۋ ساياساتىن ونان ارى كەمەلدەندىردى. 2020 - جىلدان باستاپ، شينجاڭ ۇيعۇر اۆتونوميالى رايوندىق قازىنا ءار جىلى بەلگىلى مولشەردە تىڭنان قارجى قوسىپ، مال شارۋاشىلىعىنىڭ ءوندىرۋ، قامداۋ قۋاتىن جانە جانۋارلاردىڭ ىندەتىنەن جان - جاقتى ساقتانۋ - تىزگىندەۋ قۋاتىن ارتتىرۋ قۇرىلىسىنا پايدالانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
