«جۇڭگو - قىرعىزستان – وزبەكستان» تاس جول مەن تەمىر جولدا بىرلەسىپ تاسىمالداۋ حالىقارالىق جۇك تاسىمالى كەزەكشى پويەزى قاتىنادى
ءداستۇرلى جول جەلىسىمەن سالىستىرعاندا تاسىمال ۋاقىتى 5 كۇن قىسقارادى
2020.06.23 15:14 كەلۋ قاينارى : حالىق تورابى
شينجياڭ گازەتىنىڭ ۇرىمجىدەن بەرگەن حابارى. ءتىلشىنىڭ ءۇرىمجى كەدەنىنەن ۇعىسۋىنشا، 6 - ايدىڭ 18 - كۇنى جۇڭگو - ەۆروپا كەزەكشى پويەزى «جۇڭگو - قىرعىزستان – وزبەكستان» تاس جول مەن تەمىر جولدا بىرلەسىپ تاسىمالداۋ حالىقارالىق جۇك تاسىمالى كەزەكشى پويەزىنىڭ تۇڭعىش توپتاعى تيەۋىش قوراپتارى ەركەشتام شەكارا وتكەلىنەن شىقتى. بۇل ەل ىشىندە ”تەمىر جول - تاس جول - تەمىر جول“ فورماسىندا ۇتىلاپ تاسىمالداۋ تاسىلىمەن ۇيىمداستىرىلعان، قاتىناعان تۇڭعىش جۇڭگو - ەۆروپا كەزەكشى پويەزى سانالادى ەكەن.
بۇل جولعى حالىقارالىق جۇك تاسىمالى كەزەكشى پويەزىنا بارار جولدا ەكسپورتتىق ەلەكتر بۇيىمدارى تيەلسە، قايتار جولدا يمپورت ەتىلەتىن ماقتا ءجىپ تيەلەدى ەكەن. 6 - ايدىڭ 5 - كۇنى لانجوۋدان شىعىپ، تەمىر جولمەن قاشقارعا جەتكەن سوڭ، تاس جول ارقىلى ەركەشتام شەكارا وتكەلىنەن شىعىپ، قىرعىزستاننىڭ وش قالاسىنا، ونان ارى تەمىر جول ارقىلى وزبەكستاننىڭ استاناسى تاشكەنتكە جەتەدى. جۇڭگو - ەۆروپا كەزەكشى پويەزىمەن قازاقستان ارقىلى وزبەكستانعا باراتىن ءداستۇرلى جول جەلىسىنە سالىستىرعاندا، تاسىمال ۋاقىتى مەجەمەن 5 كۇن اينالاسىندا قىسقارادى ەكەن.
وسى جولعى جۇك تاسىمالىن ۇستىنە العان زات تاسمال سەرىكتەستىگىنىڭ نىسان باس باقىلاۋشىسى ليۋ جىنحۇي بىلاي دەدى: بۇل جولعى «جۇڭگو - قىرعىزستان – وزبەكستان» تاس جول مەن تەمىر جولدا ۇتىلاپ تاسىمالداۋ حالىقارالىق جۇك تاسىمالى كەزەكشى پويەزى كاسىپورنىمىزدىڭ باتىسقا جۇرەتىن جاڭا جول جەلىسىن اشۋداعى پايدالى سىناعى، ەگەر قاتىناۋ جۇمىسى جاقسى بولىپ جاتسا، كەيىن اپتاسىنا ءبىر كەزەك ۇدايىلاندىرىپ قاتىناپ تۇرامىز.
«ەركەشتام شەكارا وتكەلى − ەلىمىزدىڭ قىرعىزستانعا شىعاتىن ماڭىزدى تاس جول شەكارا وتكەلى. قازىر اتالعان شەكارا وتكەلىنىڭ تاس جول تاسىمال مولشەرى ىندەتتىڭ الدىنداعى دەڭگەيگە بىرتىندەپ كەلە باستادى، سونداي - اق بىرتىندەپ ارتۋ جارىققا شىقتى. بۇل جولى كاسىپورىننىڭ تاس جول مەن تەمىر جولدا بىرلەسىپ تاسىمالداۋ ءتاسىلىن سىناپ كورۋى ەركەشتام شەكارا وتكەلىنىڭ كەدەننەن ءوتۋ كومەسكى كۇشىن ىشكەرىلەي ىسكە قوسىپ قالماستان، شينجياڭنىڭ باتىسقا باعىتتالعان ارناسىنىڭ ورنىن ونان ارى كۇشەيتتى»، - دەيدى ەركەشتام كەدەنى باقىلاۋ - باسقارۋ ءبولىمىنىڭ ورىنباسار باستىعى ءمىناۋار يلام.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
