ءۇرىمجى قالاسى شوعىرلى مەديتسينالىق باقىلاۋ تۇيىندەرىنىڭ قىزمەت وتەۋىن، قامتاماسىزداندىرۋىن بار كۇشپەن ويداعىداي ىستەدى
2020.07.29 14:57 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 27 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعاننان بەرى، جاڭا تيپتى ايدارشا ۆيرۋس وكپە قابىنۋى دياگنوزى تۇراقتاندىرىلعان ناۋقاستارمەن جاقىن جۋىسقان ادامدارعا شوعىرلى مەديتسينالىق باقىلاۋ جۇرگىزىلدى. 7 - ايدىڭ 27 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىندە ءۇرىمجى قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى جاڭ ۋي بىلاي دەپ تانىستىردى: ءۇرىمجى قالاسى ىندەتتەن ساقتانۋ - تىزگىندەۋدىڭ قاتىستى تالاپتارى بويىنشا شوعىرلى مەديتسينالىق باقىلاۋ تۇيىندەرىنىڭ مەديتسينالىق باقىلاۋ، تۇرمىستىق قامتاماسىزداندىرۋ، پسيحولوگيالىق جەتەكتەۋ سياقتى قىزمەت وتەۋ قىزمەتتەرىن بار كۇشپەن ويداعىداي ىستەدى.
جاڭ ۋي بىلاي دەدى: ءۇرىمجى قالاسى شوعىرلى مەديتسينالىق باقىلاۋعا الۋعا ءتيىستى ادامدارعا دەر كەزىندە ارناۋلى ادام، ارناۋلى كولىك ورنالاستىرىپ، ”بەتپە - بەت“ وتكىزىپ بەردى، ”تۇيىننەن - تۇيىنگە“ تاسىدى، ءبىر ادامعا ءبىر بولمە ورنالاستىردى (بالالار، ناۋقاس ادامدار سياقتى باسقالاردىڭ كومەگىن قاجەت ەتەتىن ادامدار مۇنىڭ سىرتىندا)، ۇيىنە بارىپ دەنە تەمپەراتۋراسىن ولشەپ، دەنساۋلىعىندا قالىپسىز جاعداي بايقالعاندارىن دەرەۋ باسقا جەرگە اپارىپ ەمدەتتى.
شوعىرلى مەديتسينالىق باقىلاۋ تۇيىنىندەگى بارلىق ۇيلەردە دەرلىكتەي نەگىزگى تۇرمىستىق قۇرىلعىلار، تۇرمىستىق بۇيىمدار سەپتەلدى، بەلگىلەنگەن ۋاقىتتا تاماق جەتكىزىلدى ءارى باسقا اۋرۋى بار ادامدارعا دەر كەزىندە ءدارى - دارمەك جەتكىزىلدى، شۇعىل اۋرۋى بايقالعاندار ارناۋلى كولىكپەن شيپاحاناعا ەمدەۋگە اپارىلدى. سونىمەن بىرگە، ينتەرنەت جەلىسىندە جەلىدەن تىس ءادىس قولدانىلىپ، شوعىرلى مەديتسينالىق باقىلاۋعا الىنعان ادامدارعا پسيحولوگيالىق كەڭەس بەرۋ قىزمەتى ورىستەتىلىپ، پسيحيكالىق قىسىمدى جەڭىلدەتىپ، كوڭىل - كۇيدى ورنىقتىرىپ، سەنىمدى ارتتىردى.
ايقاسپالى جۇعىمدالۋدان قاتاڭ ساقتانۋ ءۇشىن، شوعىرلى مەديتسينالىق باقىلاۋ تۇيىنىندە ەمدەۋ قىزمەتكەرلەرىنەن باسقا ادامداردىڭ كىرىپ - شىعۋىنا قاتاڭ تيىم سالىندى. تازا اۋماق، جارتىلاي لاستانعان اۋماق جانە لاستانعان اۋماق ۇيلەسىمدى ورنالاستىرىلدى، ورتا تازالىعىن باسقارۋ كۇشەيتىلدى، ءاربىر بولمەنىڭ دەربەس اۋا الماسترۋىنا كەپىلدىك ەتىلدى، مەديتسينالىق ساقتانۋ - تىزگىندەۋ ولشەمى بويىنشا جابدىقتاردى سەپتەۋ، زارارسىزداندىرۋ جۇرگىزىلىپ، مەديتسينالىق قوقىر - قوقسىقتار دەر كەزىندە تازالانىپ، تاسىپ اكەتىلدى.
الەۋمەتتىڭ كوڭىل ءبولىپ وتىرعان شۇعىل ەمدەۋ ماتەريالدارىمەن قامتاماسىز ەتۋ ماسەلەسى جونىندە، اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابىنىڭ ەمدەۋ ماتەريالدارىمەن قامتاماسىز ەتۋ گرۋپپاسىنىڭ ورىنباسار باستىعى جاڭ رۇڭ بىلاي دەپ تانىستىردى: اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى ”ەمدەۋ - قۇتقارۋعا كەپىلدىك ەتۋ، ماڭىزدى ءبىرىنشى شەپكە كەپىلدىك ەتۋ، شۇعىل قاجەتسىنۋگە كەپىلدىك ەتۋ“ تالابى بويىنشا ەمدەۋ ماتەريالدارىمەن قامداۋعا كەپىلدىك ەتۋدى ىندەتتەن ساقتانۋ - تىزگىندەۋدىڭ شەشۋشى ءتۇيىنى ەتىپ، جىلدام دا جوعارى ءونىمدى ورنالاستىرۋ، جەتكىزۋ مەحانيزمىن، سىرتتان ساتىپ اكەلۋ مەن ىشتەن ءوندىرۋ ۇشتاستىرىلعان باياندى قامداۋعا كەپىلدىك ەتۋ مەحانيزمىن، ساپانى باسقارۋ - تىزگىندەۋدىڭ قاتاڭ مەحانيزمىن ورناتتى. قازىر ءتۇرلى ەمدەۋ ماتەريالدارىنىڭ قورى مول، ىندەتتەن ساقتانۋ - تىزگىندەۋدىڭ قاجەتىنە شىنايى كەپىلدىك ەتۋگە بولادى.
7 - ايدىڭ 26 - كۇنى ساعات 0دەن ساعات 24كە دەيىن تۇتاس رايون كولەمىندە جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 41 ادام (مۇنىڭ ىشىندە 15ى اۋرۋ بەلگىسى جوق جۇعىمدالۋشىلاردان دياگنوزى تۇراقتاندىرىلعان ناۋقاسقا وزگەرگەندەر)، جاڭادان قوسىلعان اۋرۋ بەلگىسى جوق جۇعىمدالۋشى 38 ادام (ءۇرىمجى قالاسىنان 37 ادام، بيڭتۋان 12 - شىسىنان ءبىر ادام). 7 - ايدىڭ 26 - كۇنى ساعات 24كە دەيىن رايونىمىزدا دياگنوزى تۇراقتاندىرىلعان ناۋقاس 178 ادام، اۋرۋ بەلگىسى جوق جۇعىمدالۋشى 170 ادام بولعان.
نۋكلەين قىشقىلىن تەكسەرۋدەگى بولىمدى ۇلگىلەردى قايتا تەكسەرۋ قارقىنىنىڭ جەدەلدەتىلۋىنە جانە تۇجىرىمداۋ ونىمدىلىگىنىڭ جوعارىلاۋىنا ىلەسىپ، تۇتاس رايونىمىزداعى جاڭادان مالىمدەگەن دياگنوزى تۇراقتاندىرىلعان ناۋقاستاردىڭ سانى ءبىرتالاي ارتتى، قازىر ىندەتتەن ساقتانۋ - تىزگىندەۋ جاعدايى ءالى دە اۋىر.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
