210 مىڭ ەرىكتى ىندەتكە توتەپ بەرۋدىڭ ءبىرىنشى شەبىندە قىزمەتكە اتسالىستى
شينجياڭ ىندەتتەن ساقتانۋ جانە ونى تىزگىندەۋدى جالپى بەتتىك ورىستەتتى
2020.08.03 14:31 كەلۋ قاينارى : حالىق تورابى
حالىق گازەتىنىڭ تىلشىلەرى ياڭ ميڭفاڭ، ارداقتاردىڭ 8 – ايدىڭ 1 – كۇنى ۇرىمجىدەن بەرگەن حابارى. شينجياڭ ۇيعۇر اۆتونوميالى رايوندىق دەنساۋلىق ساقتاۋ جانە سالاماتتىق كوميتەتىنىڭ ەڭ جاڭا حابارلاندىرۋىنا قاراعاندا، 7 – ايدىڭ 31 – كۇنى ساعات 24كە دەيىن، شينجياڭ ۇيعۇر اۆتونوميالى رايونىندا (شينجياڭ ءوندىرىس – قۇرىلىس بيڭتۋانىن قامتيدى) دياگنوزرى تۇراقتانعان ناۋقاستاردىڭ سانى 547 ادام، اۋرۋ بەلگىسى جوق جۇعىمدالۋشىلاردىڭ سانى 109 ادام. 7 – ايدىڭ 15 – كۇنى ساعات نولدەن 7 – ايدىڭ 31 – كۇنى ساعات 24 كە دەيىن، ساۋىعىپ ەمحانادان شىققانداردىڭ سانى جيىنى 16 ادام، اۋرۋ بەلگىسى جوق جۇعىمدالۋشىلاردان مەديتسينالىق باقىلاۋدان شىعارىلعانداردىڭ سانى 16 ادام.
وسى رەتكى ىندەت تۋىلعان سوڭ، شينجياڭ ۇيعۇر اۆتونوميالى رايوندىق جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتىنە باسشىلىق ەتۋ گرۋپپاسى جانە اۆتونوميالى رايوندىق جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتى قولباسشىلىق شتابى ايرىقشا ءمان بەرىپ، شۇعىل جاعدايعا توتەپ بەرۋ جوباسىن دەرەۋ ىسكە قوسىپ، ىندەتتەن ساقتانۋ جانە ونى تىزگىندەۋ قىزمەتىن ءتارتىپتى دە ءونىمدى تۇردە ورىستەتتى.
جالپى حالىق بويىنشا نۋكلەين قىشقىلىن تەگىن تەكسەرۋدى ورىستەتىپ، ۆيروستىڭ تارالۋ جولىن كەستى. ءۇرىمجى قالالىق دەنساۋلىق ساقتاۋ جانە سالاماتتىق كوميتەتىنىڭ مەڭگەرۋشىسى جاڭ ۋەي مىنانى ءبىلدىردى: ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ قاتارلىلارعا كەپىلدىك ەتۋ ءۇشىن، ءۇرىمجى قالاسى «تەكسەرۋگە تيىستىلەردى تۇگەل تەكسەرۋ، تەكسەرۋدى قالايتىنداردى تۇگەل تەكسەرۋ» پرينسيپىنە ساي، بۇكىل قالا كولەمىندە نۋكلەين قىشقىلىن تەگىن تەكسەرۋ قىزمەتىن توپقا ءبولىپ، تارتىپپەن ورىستەتتى.
210 مىڭ ەرىكتى ىندەتتەن ساقتانۋدىڭ ءبىرىنشى شەبىندە قىزمەتكە اتسالىسپ، الەۋمەتتىك اۋماقتا قىزمەت وتەۋدى ويداعىداي ىستەدى. ءۇرىمجى قالاسىنداعى 210 مىڭ ەرىكتى «مەيىر باعىشتاۋ» اتىنداعى ىندەتتەن ساقتانۋ ەرىكتى ارەكەتىنە اتسالىسىپ، 7 – ايدىڭ 28 – كۇنىنە دەيىن، جيىنى 3 ميلليون 700 مىڭ ادام – رەت ەرىكتى قىزمەت وتەدى. ءارقايسى الەۋمەتتىك اۋماقتار تۇرمىستىق قامتاماسىزداندىرۋ جاعىندا كۇش سالا قىزمەت وتەپ، قالا تۇرعىندارىنىڭ نەگىزدىك قاجەتتەرىن قاناعاتتاندىردى. الەۋمەتتىك اۋماق قىزمەتكەرلەرى قاراماعىنداعى جالعىز تۇرىپ جاتقان قارتتار، جۇكتى ايەلدەر، مۇگەدەكتەر، سوزىلمالى اۋرۋى بارلار قاتارلى ەرەكشە توپتاعى وتباسىلارعا بىر – بىرلەپ بارىپ، ولاردىڭ قيىنشىلىقتارىن شەشىم ەتتى. تۇرعىنداردىڭ زات ساتىپ الۋىنا كومەكتەسۋ ءۇشىن، ءۇرىمجى قالاسى الەۋمەتتىك اۋماقتاردى نەمەسە تۇرعىندار عيماراتىن نەگىز ەتىپ ۋيچات توپتارىن قۇرىپ، تۇرعىندار وزدەرىنە قاجەتتى بولعان زاتتاردىڭ تىزىمدىگىن توپقا جولداسا بولعانى، الەۋمەتتىك اۋماقتاعى سول وتباسىعا جاۋاپتى بولعان كادر تۇرعىنداردىڭ تالابىنا دەرەۋ جاۋاپ قايتارىپ وتىردى.
زاتپەن قامداۋعا شىنايى كەپىلدىك ەتىپ، تاۋارلاردىڭ جەتكىلىكتى بولۋىنا، باعاسىنىڭ تۇراقتى بولۋىنا كەپىلدىك ەتتى. ورىنباسار قالا باستىعى سۇڭ ياجۇننىڭ ايتۋىنشا، وسى رەتكى ىندەت تۋىلعاننان بەرى، ءۇرىمجى قالاسى نەگىزدىك تۇرمىستىق زاتتاردىڭ بازارداعى باعاسىن كۇش سالا ورنىقتىردى. بۇكىل قالاداعى 491 ورىنداعى الەۋمەتتىك اۋماقتارداعى كوكونىستى تىكەلەي ساتۋ تۇيىندەرىندە باعاعا شەكتەمە قويىپ، بۇل ورىندارعا قازىنادان 10 ميلليون يۋاندىق قوسىمشا قاراجات ءبولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
