شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزدى
ىندەتتەن ساقتانۋ - تىزگىندەۋ مەزگىلىندە ينتەرنەتتىك حابارلاسۋدىڭ جانە پوچتالىق قىزمەت وتەۋدىڭ حاۋىپسىز، ورنىقتى اينالىمىنا باتىلدىقپەن شىنايى كەپىلدىك ەتەيىك
2020.08.10 16:55 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 8 - كۇنى ۇرىمجىدەن حابارلايدى. 8 - ايدىڭ 8 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىندا ينتەرنەتتىك حابارلاسۋدى جانە پوچتالىق قىزمەت وتەۋدى قامتاماسىز ەتۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ينتەرنەت، حابارلاسۋ جانە پوچتالىق قىزمەت وتەۋ ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ ماڭىزدى تىرەگى، جاۋاپكەرشىلىك سەزىمدى، بورىشتىلىق سەزىمدى اناعۇرلىم كۇشەيتىپ، ىندەتتەن ساقتانۋ حاۋىپسىزدىگىن شىنايى قامتاماسىز ەتۋ العى شارتىندا، ينتەرنەتتىك حابارلاسۋدىڭ جانە پوچتا جولدامارلارىنىڭ ىركىلىسسىز بولۋىنا بار كۇشپەن كەپىلدىك ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە پارمەندى تىرەك جانە قامتاماسىزدىق ازىرلەۋ كەرەك.
حابارلاسۋدى قامتاماسىز ەتۋگە قولباسشىلىق ەتۋ، ورنالاستىرۋ جاساۋ ورتالىعىندا، شوكىرات زاكىر مەكەمەنىڭ جابىق اينالىس جاساۋ جاعدايىن ەگجەي - تەگجەيلى ۇعىستى ءارى ينتەرنەتتىك حابارلاسۋ سالاسىنداعى قىزمەتكەرلەردەن حال سۇرادى جانە ولارعا العىس ايتتى. ول بىلاي دەپ باسا دارىپتەدى: ينتەرنەتتىك حابارلاسۋ ءار ۇلت بۇقاراسىنىڭ ينفورماتسيا الۋىنىڭ، قوعامدىق بارىس - كەلىس جاساۋىنىڭ ماڭىزدى ارناسى، سونداي - اق ەپيدەميولوگيالىق تەكسەرۋدىڭ جانە تەگىن انىقتاۋدىڭ، ىندەتتەن دالمە - ءدال ساقتانۋدىڭ ماڭىزدى ينفورماتسيا ءتاسىلى. ينتەرنەتتىك حابارلاسۋ تاراۋلارى دالمە - ءدال كۇش سالۋى، ىرىقتىلىقپەن ىسكەرلىك كورسەتۋى، ۇلكەن ساندى مالىمەت تۇعىرى يقۋاتىن تولىق ساۋلەلەندىرىپ، ىندەت جاعدايىنا باقىلاۋ - تالداۋ جاساۋ، ۆيرۋستىڭ تەگىن انىقتاۋ، ساقتانۋ - تىزگىندەۋ، ەمدەۋ - قۇتقارۋ، بايلىق قاينارىن سەپتەۋ سياقتى جاقتاردا اناعۇرلىم تىرەكتىك رولىن ساۋلەلەندىرۋى كەرەك. ىندەت كەزىندە ينفورماتسيا تاراتۋدى كۇشەيتىپ، قۇزىرلى ينفورماتسيالاردى دەر كەزىندە تاراتىپ، بۇقارا كوڭىل بولگەن ىستەرگە اشىق تا جاريا اڭىس قايتارۋ قاجەت. ساپالى ينتەرنەت قويىلىمدارىمەن قامداۋدى ارتتىرىپ، ۇيلەرىندە ىندەتكە قارسى شايقاس جاساپ جاتقان ءار ۇلت بۇقاراسىنىڭ رۋحاني، مادەنيەت قاجەتىن ويداعىداي قاناعاتتاندىرۋ كەرەك.
جۇڭگو پوچتا توبى شەكتى سەرىكتەستىگى ءۇرىمجى پوچتا رايونى ورتالىق مەكەمەسى نەگىزىنەن تۇتاس رايونىمىزداعى پارتيا گازەت - جۋرنالدارىن، قۇپيا حات - حابارلاردى، تەز جولدامالاردى ىشكى جاقتا ءبىر جاقتى ەتۋ جانە تاسىمالداۋ، جەتكىزىپ بەرۋ سياقتى مىندەتتەردى ارقالاپ وتىر. شوكىرات زاكىر ىندەت كەزىندەگى باسقارۋ، اينالىم جاعدايىن ەگجەي - تەگجەيلى سۇراپ ۇعىسقاننان كەيىن بىلاي دەپ اتاپ كورسەتتى: پوچتالىق قىزمەت وتەۋ زاتتىق ماتەريالداردى تاسىمالداۋدىڭ، جەتكىزىپ بەرۋدىڭ ماڭىزدى ارناسى، پوچتا تاراۋلارى پوچتا جولدامالارىن عىلمي، ويداعىداي زارارسىزداندىرۋ العى شارتىندا، ءبىر تۇتاس ورنالاستىرۋدى كۇشەيتىپ، ۋاقىتپەن جارىسا پوچتا جولدامالارىن تۇرگە ايىرۋ، جەتكىزىپ بەرۋ سياقتى قىزمەتتەردى ورىستەتىپ، ىندەت كەزىندە قىزمەت وتەۋدىڭ ءۇزىلىپ قالماۋىنا، ساپاسىنىڭ تومەندەپ كەتپەۋىنە شىنايى كەپىلدىك ەتۋ كەرەك. جەر - جەر پوچتا تاراۋلارىنىڭ كاسىپتىك قىزمەتىن ورىستەتۋىنە پارمەندى قولداۋ كورسەتىپ، ىندەتتەن ساقتانۋ - تىزگىندەۋ شارتىندا پوچتالىق تاسىمالداۋ شارالارىن جاقسارتىپ، پوچتا جولدارىنىڭ ىركىلىسسىز بولۋىنا، جولدامالاردىڭ بوگەتسىز جەتكىزىلۋىنە شىنايى كەپىلدىك ەتۋ كەرەك.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ تەكسەرىپ - زەرتتەۋدە بىرگە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
