شينجياڭ شارۋاشىلىق ونىمدەرىمەن قامداۋدى جانە ساتۋدى كوپ ءتۇرلى شارالارمەن قامتاماسىز ەتتى
□ گازەتىمىزدىڭ جالپىلىق اقپارات قۇرالدارى تىلشىلەرى
2020.08.13 16:47 كەلۋ قاينارى : شينجياڭ گازەتى
ىندەت كەزىندە رايونىمىزدىڭ جەر - جەرى قوعامدىق كۇشتەردى كوپ ءتۇرلى شارانى قاتار قولدانىپ اتتانىسقا كەلتىرىپ، ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، ءار جاقتىڭ بايلىعىن بىرىكتىرىپ، ءوندىرۋ مەن ساتۋدى ينتەرنەت جەلىسىندە جانە جەلىدەن تىس ۇشتاستىرۋ ارناسىن ورناتىپ، اۋىل شارۋاشىلىق ونىمدەرىمەن قامداۋدى جانە ساتۋدى پارمەندى قامتاماسىز ەتتى.
ينتەرنەت جەلىسىنەن تىس دالمە - ءدال ۇشتاستىرىپ، اۋىل شارۋاشىلىق ونىمدەرىن وتباسىلارعا جەتكىزىپ بەردى
8 - ايدىڭ 6 - كۇنى تۇستەن بۇرىن سانجى قالاسى بينحۋ قالاشىعى بينحۋ قىستاعىنىڭ تۇرعىنى فۋ جۇننىڭ شاعىن اۋلاسىندا ءبىر ءۇيلى جان جاڭا عانا ءۇزىپ الىنعان پاميدورلاردى قوراپقا سالىپ، تارازىلاپ، اۆتوموبيلگە تيەپ جاتتى. سالدەن سوڭ تولايىم ساتۋشى ساۋداگەر جاڭ يۇڭنىڭ شاعىن جۇك اۆتوموبيلىنە ءبىر توننادان استام پاميدور تيەلىپ بولدى، ”مەن ءار كۇنى كەلىپ 5 − 6 توننا كوكونىس الىپ، ولاردى چيفىڭ بازارىنا اپارىپ ساتامىن“.
شينجياڭ چيفىڭ اۋىل شارۋاشىلىق قوسىمشا ونىمدەرى ساۋدا بازارىنىڭ (شەكتى سەرىكتەستىك) ورىنباسار باس ديرەكتورى پەي لياڭ بىلاي دەدى: ”كوكونىسشىلەردىڭ ساتۋى مەن كوكونىس بازارىنىڭ قامداۋىن قامتاماسىز ەتۋ ءۇشىن، ءبىز ساتىپ الۋ تەبىنىن ارتتىرىپ، ءار كۇنى 70 نەشە ساتىپ الۋ ماشيناسىن شىعارامىز“. ساناققا نەگىزدەلگەندە، جۋىردا سانجى قالاسىنداعى كوكونىستىڭ كۇندىك تولايىم ساتىلۋ مولشەرى 1000 توننا توڭىرەگىنە جەتكەن.
”ءبىز بۇكىل اۋداننان 7 تولايىم ساتۋ ساۋداگەرىن تاڭداپ، اۋدان قالاشىعىنداعى 30عا جۋىق ساۋدا دۇكەنىن، ەرەن بازاردى، الەۋمەتتىك اۋماق قولايلى دۇكەنىن استىق، ماي، كوكونىس، ەت سياقتىلارمەن قامدادىق ءارى جۇڭتۇڭ جەدەل جەتكىزۋ سەرىكتەستىگى مەن ءبولىپ جەتكىزۋشىلەردى تايانىش ەتىپ، كۇندەلىكتى تۇتىنۋ بۇيىمدارىن، كوكونىستى، جەمىس - جيدەكتى ءبىر قالادا كەزدەسۋسىز جەتكىزۋ جۇمىسىن ورىستەتتىك“، - دەي كەلىپ باعراش اۋداندىق ساۋدا ىستەرى جانە ونەركاسىپ، ينفورماتسيالاندىرۋ مەكەمەسى پارتيا باسشىلىق گرۋپپاسىنىڭ شۋجيى شۇي تاۋ: اۋىل شارۋاشىلىق ونىمدەرىنىڭ سىرتقا ساتىلۋىن قامتاماسىز ەتۋ ءۇشىن، باعراش اۋدانىنىڭ جاسىل ارنا اشىپ، اۋىل شارۋاشىلىق ونىمدەرى مەن اۋىل شارۋاشىلىق ءوندىرىس زاتتىق ماتەريالدارى تاسىمالىنىڭ ىركىلىسسىزدىگىنە شىنايى كەپىلدىك ەتكەندىگىن ايتتى.
كۇشار قالاسى ءدوڭقوتان قالاشىعى ياقاشونۇت قىستاعىنىڭ تۇرعىنى جاڭ بايجۇن ەككەن 5 مۋ جەردەگى جالپاق شابدالى تۇگەل پىستى. قىستاق كادرلارى، پارتيا مۇشەسى ەرىكتىلەرى ونىڭ جەمىس باعىنا وزدىكتەرىنەن كەلىپ ۇزۋگە كومەكتەستى. ”ءبىز قاراستى اۋماقتاعى كاسىپورىندارمەن، قىستاقتارمەن دەر كەزىندە بايلانىس جاساپ، ءبىر تۇتاس ءۇزۋ، وتباسىلارىنا جەتكىزىپ بەرۋ ءتاسىلىن قولدانىپ، اۋىل شارۋاشىلىق ونىمدەرىن ساتتىق“، - دەدى ءدوڭقوتان قالاشىعىنىڭ ورىنباسار باستىعى تۇرسۇن ناسىر.
ەلەكتروندى ساۋدا تۇعىرلارىنىڭ جەبەۋىندە ساتۋ ارناسىن كەڭەيتتى
”ەلەكتروندى ساۋدا تۇعىرىنىڭ قولداۋىندا مەنىڭ تالشىن اسقاباعىمنىڭ جارتىسى ساتىلىپ بولدى“، - دەدى 8 - ايدىڭ 9 - كۇنى توقسۋ اۋدانى تاسارىق قالاشىعى قۇمۇشلۇق ارىق قىستاعىنىڭ تۇرعىنى لي شينمين. توقسۋ اۋداندىق ەلەكتروندى ساۋدا ىستەرىنەن قىزمەت وتەۋ ورتالىعىنىڭ جاۋاپتىسى چاڭ جۇنفىڭ تانىستىرىپ بىلاي دەدى: وسى بىرنەشە كۇندە اۋدانداعى ەلەكتروندى ساۋدانىڭ كۇندىك ساتۋ تاپسىرىسى 800 − 1000 نۇسقا ارالىعىندا بولىپ، ساتۋ سوماسى 50 مىڭ يۋان توڭىرەگىنە جەتتى، مۇندا باسىم كوپ ساندىسى اۋىل شارۋاشىلىق ونىمدەرى.
8 - ايدىڭ باسىندا موڭعۇلكۇرە اۋدانى ۇزىنبۇلاق اۋىلى دۇڭشىڭ قىستاعىنىڭ قۇرىلعىلى اۋىل شارۋاشىلىعى ەگىنشىسى لي جىننىڭ بۇلدىرگەندەرى ىركەس - تىركەس پىستى، ول ءار كۇنى دوۋيىن ارقىلى تىكە تاراتۋ تاسىلىمەن ونىمدەرىن ينتەرنەت جەلىسىندە ساتتى. بيىل بۇل قىستاق ەگىنشىلەردى ”ينتەرنەت جەلىسىندە + ينتەرنەت جەلىسىنەن تىس“ ساتۋعا بەلسەندىلىكپەن جەتەكتەپ، ولارعا كومەكتەسىپ، شارۋالاردى ىرىقتىلىقپەن بازار ىزدەپ، ساتۋ جولىن اشۋعا شابىتتاندىردى. قازىر قىستاق ”ەكى كوميتەتى“ مەن قىستاقتا تۇرعان قىزمەت اترەتىنىڭ كومەگىندە جەرگىلىكتى ورىنداعى 12 جىلىجايدان 1200 كيلوگرامنان استام بۇلدىرگەن ساتىلىپ بولدى.
قاشقار جياڭنان اۋىل شارۋاشىلىق قوسىمشا ونىمدەرىن تولايىم ساتۋ بازارى شەكتى سەرىكتەستىگى، قاشقار جياڭگوگو اۋىل شارۋاشىلىق عىلىم - تەحنيكا شەكتى سەرىكتەستىگى سياقتى كاسىپورىنداردىڭ جانە ەلەكتروندى ساۋدا اينالىمىنىڭ ارقاسىندا كونەءشار اۋدانى وپال قالاشىعى ايدىنكول قىستاعىنىڭ تۇرعىنى قۇربان قادىردىڭ جەمىس - جيدەكتەرى، قاۋىن - قاربىزدارى تاياۋدا ىشكى وڭىرلەرگە ساتىلماقشى. جاس ورىك جيناۋ ماۋسىمىنىڭ وزىندە - اق قاشقار جياڭگوگو اۋىل شارۋاشىلىق عىلىم - تەحنيكا شەكتى سەرىكتەستىگى شۇنفىڭ جەدەل جەتكىزۋ سەرىكتەستىگىمەن سەلبەستىك جاساپ، كونەءشار اۋدانىنىڭ 277 توننا ساپالى جاس ورىگىن گۋاڭجوۋ، شىنجىن سياقتى ىشكى وڭىردەگى قالالارعا ساتتى.
ءار جاقتار بەلسەندىلىكپەن كومەكتەسىپ، ساپالى قىزمەت وتەدى
قۇلجا اۋدانى جاڭاتام قالاشىعى اقتام قىستاعىنداعى شابدالى باعىندا ەرىكتىلەردىڭ كەيبىرەۋلەرى جەمىس ءۇزىپ، كەيبىرەۋلەرى قوراپتاپ تارازىدان وتكىزىپ جاتىر، قوراپتالعان جالپاق شابدالىنى قىستاقتاعى تاپسىرىس ەتكەن قىستاق تۇرعىندارىنىڭ ۇيلەرىنە ەلەكتروسيكلمەن ءبولىپ جەتكىزىپ بەردى. جاڭاتام قالاشىعى تاعى كادرلاردىڭ دوستىق شەڭبەرىنە جولداپ ۇگىتتەۋ سياقتى كوپ ءتۇرلى تاسىلدەرمەن باعبانداردىڭ ساتۋ جولىن كەڭەيتۋىنە كومەكتەستى.
قازىر التايدىڭ جەرگىلىكتى ماۋسىمدىق كوكونىس، جەمىس - جيدەكتەرىنىڭ، قاۋىن - قاربىزدارىنىڭ بازارعا قاۋىرت شىعاتىن كەزى، الەۋمەتتىك اۋماق كادرلارى، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتتەرى، ەرىكتىلەر ساتۋ ارناسىنا تۇس - تۇستان بايلانىس جاسادى.
”ءار كۇنى ەگىنشىلەرمەن بايلانىس جاساپ، كوكونىستەردىڭ سورتى، سانى سياقتى ينفورماتسيالارىن سالالاپ، جيناقتايمىز، سونان كەيىن ساۋداگەرلەرمەن بايلانىس جاسايمىز“، - دەي كەلىپ التاي قالالىق قازىنا مەكەمەسىنەن قىزىلتاس قالاشىعى كوكساز قىستاعىندا تۇرعان ءبىرىنشى شۋجي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ءالي ءيۇسۇپ: قازىرگە دەيىن كۇنىنە شامامەن 6 توننا جاس كوكونىس كوكساز قىستاعىنان التاي قالا اۋماعىنا تاسىلاتىندىعىن ايتتى.
8 - ايدىڭ 5 - كۇنى باركول قازاق اۆتونوميالى اۋدانى شىرىنزى اۋىلى نۇڭفىڭيۋان كوكونىس كاسىپتىك سەلبەستىك كووپەراتيۆىنىڭ ەگىنشىلىك بازاسىندا جۇمىسشىلار كوكونىس جيناپ قاربالاس ءجۇر. شىرىنزى اۋىلدىق حالىق ۇكىمەتى بايلانىس جاساۋشى مىندەتىن ىرىقتى تۇردە ۇستىنە الىپ، قاتىستى تاراۋلارمەن بەلسەندىلىكپەن ۇشتاسىپ، كوكونىستى اۆتوموبيلگە ءبىر تۇتاس تيەپ ءۇرىمجى، حاڭجوۋ، فۋجيان سياقتى جەرلەرگە ساتۋعا جونەلتتى.
(ءتىلشى جاڭ تيڭ، قاتىناسقان تىلشىلەر گى يوۋجۇن، حان چين - يان، بايىنعولين وبلىسىنداعى تىلشىلەر پۋنكتىنەن جوۋ حايشيا، ەرىكتى تىلشىلەر يۋە ۋىنليڭ، فان كاي، دۇڭ شىجۇي)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
