بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شينجياڭ ءوندىرىس – قۇرىلىس بيڭتۋانى 6 - شىسى ۋجياچۇي قالاسى

مول ونىمگە كەپىلدىك ەتىپ، جيىن – تەرىنگە قاربالاس كىرىستى

حالىق گازەتىنىڭ ءتىلشىسى حۋ رىنبا

2020.09.28 14:50     كەلۋ قاينارى : حالىق تورابى

  التىن كۇزدەگى 9 – اي، شينجياڭ ءوندىرىس – قۇرىلىس بيڭتۋانى 6 – شىسى ۋجياچۇي قالاسىندا ون مىڭ گەكتار ماقتا اتىزىنىڭ ارعى شەتىنە كوز جەتپەيدى، ماقتا تەرەتىن ءىرى تۇرپاتتى ماشينالار قاتارلاسا ىسكە قوسىلىپ، ءبىر ميلليون 810 مىڭ ماقتا اتىزىنان مول ءونىم الىندى.

  9 – ايدىڭ 17 – كۇنى تاڭ سارىدە، ۋجياچۇي قالاسى فاڭساۋحۋ اۋىل شارۋاشىلىعى الاڭى 22 – ليانىنىڭ جۇمىسشى – قىزمەتكەرى ۋاڭ جۇڭحى قاربالاس جۇمىسقا كىرىستى. «ۋاڭ اعاي، ءبىزدىڭ ءۇيدىڭ ماقتاسىن بۇگىن جيناي الاسىز با؟»، «ۋاڭ اقساقال، بۇگىن ءبىزدىڭ ەڭ جوعارى ساتىپ الۋ باعامىز ءار كيلوگرامىنا 5.6 يۋان، زاۆودقا كەلىپ، ماقتانى ساتىپ الۋ ىستەرىن اقىلداسۋعا ۋاقىتىڭىز شىعا ما؟». كاسىپتىك سەلبەستىك كوپەراتيۆىنىڭ مۇشەسى، ماقتا ءشيتىن ايىرۋ زاۆودىنىڭ يەسى قاتارلىلار تۇس – تۇستان تەلەفون سوقتى.

  ۋاڭ جۇڭحى بيڭتۋان تۋان الاڭىنىڭ امبەباپ تۇلعالاندىرۋ رەفورماسى بارىسىندا جەر ءوندىرىس تيجاراتى كۋالىگىنە ءبىرىنشى توپتا يە بولعان جۇمىسشى – قىزمەتكەرلەردىڭ ءبىرى، بۇگىنگى تاڭدا، ول جۇڭحى ەگىنشىلىك كوپەراتيۆىنىڭ القالار باستىعى بولىپ سايلانعان، كوپەراتيۆ مۇشەلەرىن باستاپ، ماقتا ەگۋمەن شۇعىلدانعان.

  «بيىل ىندەت پەن قۋاڭشىلىققا ۇشىراعانمەن، ءبىز ەرتە باستان دايىندىق ىستەدىك»، — دەدى ۋاڭ جۇڭحى تىلشىگە، — «كوكتەم مەرەكەسىنىڭ الدىندا، كوپەراتيۆىمىز 9200 مۋ جەرگە ىستەتىلەتىن سۋلياۋ جارعاق، تۇقىم، اۋىل شارۋاشىلىعى دارىلەرى قاتارلى وندىرىسكە قاجەتتى زاتتاردى تۇگەل ساتىپ العان ءارى تولىق تاراتىپ بولعان».

  ىندەتتەن ساقتانۋ – تىزگىندەۋ مەزگىلىندە، زيانعا ۇشىراۋ جاعدايىن ەڭ تومەنگى شەككە ءتۇسىرۋ ءۇشىن، ۋاڭ جۇڭحى كوپەراتيۆ مۇشەلەرىنىڭ جاعدايىن انىقتاۋ نەگىزىندە، كوپشىلىكتى باستاپ، ءوزارا كومەكتەسۋ گرۋپپالارىن قۇرىپ، وتباسىندا اۋاشالانعان جانە شوعىرلى اۋاشالانعانداردىڭ اتىنان ۋاكىلاتان ەگۋ جانە باپتاۋ جۇمىستارىن ىستەپ، ءتۇرلى قىزمەتتەردىڭ ءتارتىپتى ورىستەتىلۋىنە كەپىلدىك ەتكەن.

  بيىل جازدا جەرگىلىكتى ورىندا اۋا تەمپەراتۋراسى ءبىرشاما جوعارى بولىپ، جاۋىن – شاشىن ازداۋ بولعان، سۋ قويماسى مەن وزەن اعارىندا سۋ كەمشىل بولىپ، اۋىل شارۋاشىلىعى الاڭىنىڭ 490 مىڭ مۋدان استام جەردەگى ماقتا اتىزىنا ءتيىمسىز ىقپال جاساعان. قۋاڭشىلىق تۋىلعان سوڭ، ۋاڭ جۇڭحى لياندۇي پارتيا ياچەيكاسى مەن باسقارۋ كوميتەتىنىڭ باسشىلىعىندا، لياندۇيدەگى پارتيا مۇشەلەرىمەن جانە حالىق جاساقتارىمەن بىرگە ىرىقتىلىقپەن اتتانىسقا كەلىپ، وزدىكتەرىنەن «اپاتقا قارسى اتتانىپ، سۋارۋعا كەپىلدىك ەتۋ قىزمەت وتەۋ اترەتىن» ۇيىمداستىرعان. ولار ءشي قالپاق كيىپ، كەتپەن – تەسەلەرىن كوتەرىپ، اتىزداعى ءبىرىنشى شەپكە بارىپ، لاي – باتپاقتى تازالاپ، توعانداردى جوندەپ، كولشىك قازۋ ارقىلى سۋ باستاپ، قۋاڭشىلىققا قارسى اتتانىپ، مول ونىمگە كەپىلدىك ەتۋگە كۇش سالعان.

  «9 – ايدىڭ 22 – كۇنى — جۇڭگونىڭ شارۋالار مول ءونىم مەرەكەسى، ءبىز اتىز باسىندا قاربالاستىقپەن جۇمىس ىستەپ ءجۇرىپ، مول ءونىم مەرەكەسىن تويلاۋدامىز!» — دەدى ۋاڭ جۇڭحى شىجىعان ىستىقتا ماڭدايىنداعى تەرىن ءسۇرتىپ جاتىپ، — «توسىن جاعداي تۋىلماسا، 85 مۇشەسى بار ماقتاشىلىق كوپەراتيۆى بيىل تاعى دا مول ءونىم الماقشى».

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار