بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>شينجياڭ حابارلارى

شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە بىلاي دەپ باسا دارىپتەدى

شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك

لي كىچياڭ باسقاردى، لي جانشۋ، ۋاڭ حۋنيڭ، جاۋ لىجي، حان جىڭ قاتىناستى، ۋاڭ ياڭ ءسوز سويلەدى

2020.09.28 15:03     كەلۋ قاينارى : شينجياڭ گازەتى


  9 - ايدىڭ 25 - كۇنىنەن 26 - كۇنىنە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  ■ كەزەكتە جانە بۇدان بىلايعى ءبىر مەزگىلدە شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك

  ■ پارتيا 18 - قۇرىلتايىنان بەرى، پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن ستراتەگيالىق جاقتان باعامداۋعا جانە جوبالاۋعا تاباندى بولدى، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولدى، جۇرت تىلەگىن ۇيىستىرۋدى ءتۇبىرلى نەگىز ەتۋگە تاباندى بولدى، جۇڭحۋا ۇلتى ورتاق تۇلعا تانىمىن سومداۋعا تاباندى بولدى، ەلىمىزدە ءدىندى جۇڭگوشالاندىرۋ بەتالىسىنا تاباندى بولدى، سوتسياليستىك وزەكتى قۇن كوزقاراسىن اسقاقتاتۋعا جانە جەتىلدىرۋگە تاباندى بولدى، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى. بۇكىل پارتيا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك

  ■ شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋدا، سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جالپى بەتتىك زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك. پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن، زاڭمەن جونگە سالۋمەن قامتاماسىز ەتەتىن قوعامدىق جونگە سالۋ ءتۇزىلىسىن جالپى بەتتىك قالىپتاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالاۋ كەرەك

  ■ جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك. ءار ۇلتتىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەۋ كەرەك. شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جۇزەگە اسىرۋ كەرەك. يدەولوگيا سالاسى قىزمەتىن ىشكەرىلەي ويداعىداي ىستەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتۋ كەرەك

  ■ دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. شينجياڭنىڭ وڭىرلىك ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ كەرەك. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى 2 ءىرى ءىستى تاباندىلىقپەن ويداعىداي يگەرۋ كەرەك

  ■ ءار دارەجەلى پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا تۋرالانىپ، پارتيا ورتالىق كوميتەتىمەن سانالى تۇردە يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك. شينجياڭداعى ءار ۇلت كادرلارى سەنىم ارتۋعا بولاتىن، جاۋىنگەرلىك قۋاتقا يە كادرلار. ولاردى ساياسي جاقتان ىنتالاندىرىپ، قىزمەت جاعىندا قولداپ، مامىلە جاعىندا قامتاماسىز ەتىپ، تۇرمىس جاعىنان كوڭىل ءبولىپ، كوڭىل كۇي جاقتان قامقورلىق جاساپ، ءونىمدى شارالاردى اقىلداسىپ، قولدانىپ، شينجياڭنىڭ كادر - دارىندىلار قوسىنىن ورنىقتىرۋ كەرەك. شينجياڭ قىزمەتىن ويداعىداي ىستەۋ − بۇكىل پارتيانىڭ، بۇكىل ەلدىڭ كەلەلى ءىسى، ءسوز جوق، بۇكىل ەل ءبىر تۇتاس جۇيە يدەياسىن مىقتاپ ورناتىپ، پارتيا ورتالىق كوميتەتى ءبىر تۇتاس باسشىلىق ەتەتىن، ورتالىقتىڭ تاراۋلارى قولداۋ كورسەتىپ، جەتەكشىلىك ەتەتىن، ءارقايسى ولكە - قالالار كومەك بەرىپ، سايكەسەتىن، شينجياڭ تۇلعالىق رولىن ساۋلەلەندىرەتىن قىزمەت مەحانيزمىن كەمەلدەندىرۋ كەرەك


  شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى 9 - ايدىڭ 25 - كۇنىنەن 26 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. شي جينپيڭ بىلاي دەپ باسا دارىپتەدى: كەزەكتە جانە بۇدان بىلايعى ءبىر مەزگىلدە شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.

  لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى، ۋاڭ ياڭ قورىتىندى ءسوز سويلەدى.

  شي جينپيڭ سوزىندە بىلاي دەپ اتاپ كورسەتتى: 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، ءار جاقتىڭ جاپالى قۇلشىنۋىنىڭ ارقاسىندا شينجياڭ قىزمەتىندە كەلەلى ناتيجەگە قول جەتتى. شينجياڭنىڭ ەكونوميكاسىنىڭ، قوعامىنىڭ دامۋى جانە حالىق تۇرمىسىنىڭ جاقسارۋى بۇرىن بولماعان تابىسقا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز نىعايدى. ءبىرىنشى، ەكونوميكانىڭ دامۋى ءۇرتىس جاقساردى. 2014 - جىلدان 2019 - جىلعا دەيىن شينجياڭنىڭ وڭىرلىك ءوندىرىس جالپى ءونىم قۇنى 919 ميلليارد 590 ميلليون يۋاننان ءبىر تريلليون 359 ميلليارد 710 ميلليون يۋانعا ارتىپ، جىلىنا ورتا ەسەپپەن %7.2 ارتتى. ادەتتەگى الەۋمەتتىك مەجە ەسەپ كىرىسى 128 ميلليارد 230 ميلليون يۋاننان 157 ميلليارد 760 ميلليون يۋانعا ارتىپ، جىلىنا ورتا ەسەپپەن %5.7 ارتتى. نەگىزدىك قۇرىلعى ۇزدىكسىز كەمەلدەنىپ، بارلىق ايماق، وبلىس، قالالار جوعارى قارقىندى تاس جول داۋىرىنە ءوتتى. ەكىنشى، حالىق تۇرمىسى كورنەكتى جاقساردى. 2014 - جىلدان 2019 - جىلعا دەيىن شينجياڭ تۇرعىندارىنىڭ جان باسىندىق قولداعى تابىسى جىلىنا ورتا ەسەپپەن %9.1 ارتتى. اۋىل - قىستاقتاردا بەيقۇت ءۇي ينجەنەرياسى بويىنشا ءبىر ميلليون 690 مىڭنان استام ءۇي، قالا - قالاشىقتاردا قامتاماسىزدىق سيپاتتى بەيقۇت ءۇي ينجەنەرياسى بويىنشا ءبىر ميلليون 560 مىڭنان استام ءۇي سالىنىپ، 10 ميلليوننان استام بۇقارا جاڭا قونىسقا قۋانا كوشىپ كىردى. قالا، اۋىلداردىڭ نەگىزگى الەۋمەتتىك قىزمەت وتەۋ دەڭگەيى ۇزدىكسىز جوعارىلادى، قوعامدىق قامتاماسىزداندىرۋ جۇيەسى كۇن سايىن كەمەلدەندى، جالپى حالىقتىق تەگىن دەنساۋلىق تەكسەرۋ اتقارىلدى، ەگىن، مال شارۋاشىلىق وڭىرلەرىنىڭ ەمدەۋ قۇرىلعى شارت - جاعدايى كورنەكتى جاقساردى، اۋىل - قالاشىق شيپاحانالارىنىڭ جانە قىستاق ەمحانالارىنىڭ ولشەمدەنۋ دەڭگەيى %100كە جەتتى، تۇرعىنداردىڭ نەگىزگى ەمدەلۋ قامسىزداندىرۋىنا قاتىناسۋ مولشەرى %99.7كە جەتتى. ءۇشىنشى، كەدەيلىكتەن ارىلتۋدان قامال الۋدا شەشۋشى سيپاتتى تابىسقا قول جەتتى. 2014 - جىلى شينجياڭدا جالپى ارحيۆ تۇرعىزىلىپ، كارتچكالاندىرىلعان كەدەي حالىقتان 779 مىڭ وتباسى، 3 ميلليون 89 مىڭ ادام، 3666 كەدەي قىستاق، 32 كەدەي اۋدان بار بولاتىن. 2019 - جىلعا جەتكەندە تۇتاس شينجياڭدا جالپى 2 ميلليون 923 مىڭ 200 ادام كەدەيلىكتەن ارىلدى، 3107 كەدەي قىستاق كەدەيلىك تىزىمىنەن شىعارىلدى، 22 كەدەي اۋداننىڭ كەدەيلىك قالپاعى الىپ تاستالدى، كەدەيلىكتىڭ تۋىلۋ سالىستىرماسى 2014 - جىلعى %19.4تەن %1.24كە تومەندەدى. مۇنىڭ ىشىندە وڭتۇستىك شينجياڭنىڭ 4 ايماق - وبلىسىندا جالپى 2 ميلليون 511 مىڭ 600 ادام كەدەيلىكتەن ارىلدى، 2683 كەدەي قىستاق كەدەيلىك تىزىمىنەن شىعارىلدى، 16 كەدەي اۋداننىڭ كەدەيلىك قالپاعى الىپ تاستالدى، كەدەيلىكتىڭ تۋىلۋ سالىستىرماسى 2014 - جىلعى %29.1تەن %2.21كە تومەندەدى. ”ەكىدەن تارىقتىرماۋ، ءۇشتى قامتاماسىز ەتۋدەگى“ كورنەكتى ماسەلەلەر نەگىزىنەن شەشىلىپ، كەدەي وتباسىلارىنداعى مىندەتتى وقۋ - اعارتۋ ساتىسىنداعى بالالاردىڭ كەدەيلىك سەبەبىنەن وقي الماۋى، وقۋدان قول ءۇزۋى يكەمدى تۇردە بۇكىلدەي اداقتالدى، كەدەي حالىقتىڭ نەگىزگى ەمدەۋ قامسىزداندىرۋىنا، سالماقتى ناۋقاس قامسىزداندىرۋىنا قاتىناسۋ مولشەرى تۇگەلدەي %100كە جەتتى، كەدەيلەردى قونىس جاڭالاپ سۇيەمەلدەۋ مىندەتى جالپى بەتتىك ورىندالىپ، كەدەي بۇقارانىڭ ءوندىرىس، تۇرمىس شارت - جاعدايى بارىنشا جاقساردى. ءتورتىنشى، ورتالىقتىڭ قولداۋى مەن بۇكىل ەلدىڭ شينجياڭعا باعىتتامالى كومەكتەسۋ تەبىنى ۇزدىكسىز ارتتى. 2014 - جىلدان 2019 - جىلعا دەيىن ورتالىق قازىنادان شينجياڭ اۆتونوميالى رايونى مەن بيڭتۋانعا وتكەرمەلەپ تولەنگەن قارجى 263 ميلليارد 690 ميلليون يۋاننان 422 ميلليارد 480 ميلليون يۋانعا ارتىپ، جىلىنا ورتا ەسەپپەن %10.4 ارتتى، 6 جىلدا شينجياڭعا جالپى 2 تريلليون يۋاننان استام قولداۋ كورسەتىلدى. شينجياڭعا كومەكتەسكەن 19 ولكە - قالا جان - جاقتى باعىتتامالى كومەكتەسۋدى جالپى بەتتىك كۇشەيتىپ، شينجياڭعا كومەك قارجى(بيڭتۋاندى قامتيدى) ۇسىنىلىمى جالپى 96 ميلليارد 400 ميلليون يۋان بولىپ، شينجياڭعا كومەكتەسۋ نىسانىنان 10 مىڭنان استامى اتقارىلدى، شينجياڭعا كومەكتەسكەن ولكە - قالالارداعى كاسىپورىنداردىڭ ءبىر تريلليون 684 ميلليارد يۋان قارجىسىن ەنگىزىپ تياناقتاندىردى، ورتالىققا قاراستى كاسىپورىنداردىڭ قوسقان قارجىسى 700 ميلليارد يۋاننان استى. جالپىلاي العاندا، شينجياڭدا قوعام ورنىقتى، حالىق تىنىش ءومىر، شات - شادىمان تىرشىلىك كەشىرەتىن تاماشا جاعداي جارىققا شىعىپ، باياندى تىنىشتىققا ارشىندى قادام تاستاۋعا بەرىك نەگىز قالاندى. فاكت ەلىمىزدە ۇلت قىزمەتىنىڭ تابىستى ىستەلگەندىگىن تولىق دالەلدەدى. وسى ناتيجەلەرگە قول جەتكىزۋ پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل پارتيانىڭ، بۇكىل ەل حالقىنىڭ ورتاق كۇرەس جۇرگىزۋىنىڭ ناتيجەسى، سونداي - اق وعان شينجياڭداعى 25 ميلليوننان استام ءار ۇلت پەرزەنتتەرىنىڭ اقىل - پاراساتى مەن ماڭداي تەرى سىڭگەن. شي جينپيڭ پارتيا ورتالىق كوميتەتى اتىنان شينجياڭ قىزمەتىنە ات سالىسقان جانە قولداۋ كورسەتكەن ءار شەپتەگى جولداستاردان، شينجياڭداعى ءار ۇلت بۇقاراسىنان، نەگىزگى ساتىنىڭ ءبىرىنشى شەبىندە جاپالى قىزمەت ىستەپ جاتقان قالىڭ كادرلاردان، جۇمىسشى - قىزمەتكەرلەردەن شىنايى حال سۇرادى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى شينجياڭدى جونگە سالۋ زاڭدىلىعى جونىندەگى تانىم مەن يگەرۋدى تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن قالىپتاستىرىپ، شينجياڭ قىزمەتىن ستراتەگيالىق جاقتان باعامداۋعا جانە جوبالاۋعا تاباندى بولدى، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتۋگە تاباندى بولدى، جۇرت تىلەگىن ۇيىستىرۋدى ءتۇبىرلى نەگىز ەتۋگە تاباندى بولدى، جۇڭحۋا ۇلتى ورتاق تۇلعا تانىمىن سومداۋعا تاباندى بولدى، ەلىمىزدە ءدىندى جۇڭگوشالاندىرۋ بەتالىسىنا تاباندى بولدى، سوتسياليستىك وزەكتى قۇن كوزقاراسىن اسقاقتاتۋعا جانە جەتىلدىرۋگە تاباندى بولدى، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋگە تاباندى بولدى، پارتيانىڭ شينجياڭ قىزمەتىنە باسشىلىعىن كۇشەيتۋگە تاباندى بولدى. اماليات جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ بۇكىلدەي دۇرىس ەكەندىگىن، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى. بۇكىل پارتيا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: شينجياڭنىڭ قوعامدىق كەلەلى جاعدايىنىڭ ءۇرتىس ورنىقتىلىعىن، ۇزاق ۋاقىت ورنىقتىلىعىن ساقتاۋدا سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى جالپى بەتتىك زاڭمەن جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىرۋ كەرەك. پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، جۇرت ات سالىساتىن، زاڭمەن جونگە سالۋمەن قامتاماسىز ەتەتىن قوعامدىق جونگە سالۋ ءتۇزىلىسىن جالپى بەتتىك قالىپتاستىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن تۇلعالاۋ كەرەك.

  شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن سومداۋدى نەگىزگى جەلى ەتىپ، ءار ۇلت حالقىنىڭ ۇلى ىنتىماعىن ۇزدىكسىز بەكەمدەۋ كەرەك. شينجياڭ ەجەلدەن كوپ ۇلت شوعىرلى قونىستانعان ءوڭىر، شينجياڭداعى ءار ۇلت جۇڭحۋا ۇلتى شاڭىراعىنىڭ تامىرلاس مۇشەسى. جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىزدى ءبىر تۇلعالى ارناسىن زەرتتەۋدى كۇشەيتىپ، جۇڭحۋا ۇلتى ورتاق تۇلعا تانىمى تاربيەسىن شينجياڭنىڭ كادرلار تاربيەسىنە، جاستار مەن ورەندەر تاربيەسىنە، قوعامدىق تاربيەگە ەنگىزىپ، ءار ۇلت كادرلارى مەن بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، جۇڭحۋا ۇلتى ورتاق تۇلعا تانىمىن كوڭىل تۇكپىرىنە تەرەڭ ۇيالاتۋ كەرەك. ءار ۇلتتىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭدەي توعىسۋىن جەبەۋ كەرەك. شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىننىڭ اقاۋسىز دامۋىن جۇزەگە اسىرۋ كەرەك. يدەولوگيا سالاسى قىزمەتىن ىشكەرىلەي ويداعىداي ىستەپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتۋ كەرەك.

  شي جينپيڭ بىلاي دەپ اتاپ كورسەتتى: دامۋ − شينجياڭنىڭ باياندى تىنىشتىعىنىڭ ماڭىزدى نەگىزى. شينجياڭنىڭ وڭىرلىك ابزالدىلىعىن ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، شينجياڭنىڭ وزىندىك وڭىرلىك سيپاتتى ەسىك اشۋ ستراتەگياسىن مەملەكەتتىڭ باتىسقا ەسىك اشۋداعى جالپى تۇلعالىق ورنالاستىرۋىنا ەنگىزىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىك بەلەسىن سومداۋ كەرەك. ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ دارەجەسىن ءوسىرۋدى ىلگەرىلەتىپ، شينجياڭنىڭ ەرەكشە ابزال كاسىپ سالاسىن جەتىلدىرىپ، زورايتىپ، جەرگىلىكتى بۇقارانى كىرىستەرىن ارتتىرىپ، بايۋعا باستاۋ كەرەك. عىلمي جوبالاپ، قۇرىپ، قالا - قالاشىقتاندىرۋ ساپاسىن جالپى بەتتىك جوعارىلاتۋ كەرەك. تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، ەكولوگيانى قورعاۋدىڭ قىزىل سىزىعىن باتىل ساقتاپ، قۇمدى تىزگىندەۋ، سۋدى تىزگىندەۋ جانە ورماندى، جايلىمدى قورعاۋ قىزمەتىن ءبىر تۇتاس جوسپارلاپ ورىستەتىپ، بايتاق، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كەدەيلىكتەن ارىلتۋدان قامال الۋ مەن جۇمىستاندىرۋدى جەبەۋ سىندى 2 ءىرى ءىستى تاباندىلىقپەن ويداعىداي يگەرۋ كەرەك. قايتا كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ورگانيكالى ۇشتاسۋىن ۇزدىكسىز ىلگەرىلەتىپ، دامۋدىڭ ىشكى قوزعاۋشى كۇشىن جانە دامۋدىڭ ومىرشەڭدىگىن ايرىقشا كۇشەيتىپ، كەدەيلىكتەن ارىلعاننان كەيىن دە دامي الۋعا، باياندى بولۋعا شىنايى كەپىلدىك ەتۋ كەرەك. ساياساتتىق قولداۋ سەرپىنىن ارتتىرىپ، ءتۇزىلىس - مەحانيزمدە جاڭالىق اشىپ، جاقىن جەردە، سول جەردە جۇمىستاندىرۋ مەن ءتارتىپتى تۇردە ويىستىرىپ، سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولۋ كەرەك. وڭتۇستىك شينجياڭنىڭ ەكونوميكالىق، قوعامدىق دامۋىن جانە حالىق تۇرمىسىنىڭ جاقسارۋىن زور كۇشپەن ىلگەرىلەتۋ كەرەك. كوپ ساتىلى، جان - جاقتى، ستەرەولدى تۇردە شينجياڭ حيكايالارىن ويداعىداي بايانداپ، شينجياڭنىڭ قوعام ورنىقتىلىعىنىڭ تاماشا جاعدايىن، حالىقتىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ايبىندى ەكپىنمەن ۇگىتتەۋ كەرەك.

  شي جينپيڭ بىلاي دەپ اتاپ كورسەتتى: پارتيامىزدىڭ اۋەلگى ماقساتى مەن بورىشى − شينجياڭداعى ءار ۇلت حالقىن قامتىعان جۇڭگو حالقىن باقىتقا كەنەلتۋ، شينجياڭداعى ءار ۇلتتى قامتىعان جۇڭحۋا ۇلتىنىڭ گۇلدەنۋىن جۇزەگە اسىرۋ. ءار دارەجەلى پارتكوم جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا تۋرالانىپ، پارتيا ورتالىق كوميتەتىمەن سانالى تۇردە يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋ كەرەك. مۇرات - سەنىم تاربيەسىن قاجىماس تاباندىلىقپەن كۇشەيتىپ، ساياسي جاقتان جاتتىقتىرۋدى كورنەكتىلەندىرىپ، كادرلاردىڭ ساياسي ساپاسىن پارىقتاۋدى ۇدايىلاندىرىپ، ءار دارەجەلى باسشىلىق ۇقىقتى قاشاندا ادال، كىرشىكسىز، جاۋاپكەرشىلىك ارقالايتىن كادرلاردىڭ قولىندا مىقتاپ مەڭگەرۋىنە شىنايى كەپىلدىك ەتۋ كەرەك. تاربيەلەۋ - باۋلۋ سەرپىنىن ارتتىرىپ، شينجياڭ كادرلار قوسىنىن تاربيەلەۋ - باۋلۋ جوباسىن اقىلداسىپ جاساپ، نازاريالىق نەگىزى مىعىم، ساياساتتى يگەرۋى جەتكىلىكتى، امالياتتىق قابىلەتى كۇشتى كادرلار قوسىنىن كۇش سالا جەتىلدىرۋ كەرەك. پارتياعا ادال، ءمورالدى دا قابىلەتتى، جوعارى ساپالى از ۇلت كادرلار قوسىنىن قۇرۋدى ماڭىزدى مىندەت رەتىندە ءارقاشان بوساڭسىماي يگەرۋ كەرەك. ادام ىستەتۋدىڭ ايقىن باعدارىن ورناتىپ، ساياسيدا ىسىلعان، باتىلدىقپەن جاۋاپكەرشىلىك ارقالايتىن تاڭداۋلى از ۇلت كادرلارىنا تولىق سەنىپ، باتىل ىنتىماقتاسىپ، جۇرەكتىلىكپەن تاڭداپ ءوسىرىپ، باتىلدىقپەن ىستەتۋ كەرەك، بەينەسى كورنەكتىلەرىن تىكەلەي دارەجە اتتاتىپ ءوسىرىپ ىستەتۋگە بولادى.

  شي جينپيڭ بىلاي دەپ باسا دارىپتەدى: شينجياڭداعى ءار ۇلت كادرلارى سەنىم ارتۋعا بولاتىن، جاۋىنگەرلىك قۋاتقا يە كادرلار. ولاردى ساياسي جاقتان ىنتالاندىرىپ، قىزمەت جاعىندا قولداپ، مامىلە جاعىندا قامتاماسىز ەتىپ، تۇرمىس جاعىنان كوڭىل ءبولىپ، كوڭىل كۇي جاقتان قامقورلىق جاساپ، ءونىمدى شارالاردى اقىلداسىپ، قولدانىپ، شينجياڭنىڭ كادر - دارىندىلار قوسىنىن ورنىقتىرۋ كەرەك. ۇلت رۋحى مەن ءداۋىر رۋحىن اسقاقتاتىپ، توراڭعى رۋحىن جانە بيڭتۋان رۋحىن امالياتتا ايگىلەپ، ءار دارەجەلى كادرلاردى جاڭا داۋىردە شەكارا وڭىرگە تامىر تارتۋعا، شەكارا وڭىرگە ۇلەس قوسۋعا ىنتالاندىرۋ كەرەك.

  شي جينپيڭ بىلاي دەپ اتاپ كورسەتتى: شينجياڭ قىزمەتىن ويداعىداي ىستەۋ − بۇكىل پارتيانىڭ، بۇكىل ەلدىڭ كەلەلى ءىسى، ءسوز جوق، بۇكىل ەل ءبىر تۇتاس جۇيە يدەياسىن مىقتاپ ورناتىپ، پارتيا ورتالىق كوميتەتى ءبىر تۇتاس باسشىلىق ەتەتىن، ورتالىقتىڭ تاراۋلارى قولداۋ كورسەتىپ، جەتەكشىلىك ەتەتىن، ءارقايسى ولكە، قالالار كومەك بەرىپ، سايكەسەتىن، شينجياڭ تۇلعالىق رولىن ساۋلەلەندىرەتىن قىزمەت مەحانيزمىن كەمەلدەندىرۋ كەرەك. ورتالىق شينجياڭ قىزمەتىن سايكەستىرۋ گرۋپپاسى پارتيا ورتالىق كوميتەتىنىڭ باسشىلىعىندا، شينجياڭ قىزمەتى جونىندەگى جاعدايدى تۇجىرىمداۋدى، ساياساتتاردى زەرتتەۋدى، سايكەستىرۋ - جەتەكشىلىك ەتۋدى، قۋزاۋ - تەكسەرۋدى كۇشەيتىپ، كەلەلى ماسەلەلەر جونىندە دەر كەزىندە قىزمەت پىكىرىن ورتاعا قويۋ كەرەك. ورتالىقتىڭ قاتىستى تاراۋلارى ءوز قىزمەت جاۋاپكەرشىلىگىن اتقارىپ، تىعىز سايكەسىپ، ىشكەرىلەي تەكسەرىپ - زەرتتەپ، قۋزاپ - جەتەكشىلىك ەتىپ، ماسەلەلەردى دەر كەزىندە بايقاپ، قيىنشىلىقتاردى شەشۋگە كومەكتەسۋ كەرەك. شينجياڭ اۆتونوميالى رايوندىق پارتكوم ءبىرىنشى شەپتە تۇرىپ، نەگىزگى تۇلعالىق جاۋاپكەرشىلىگىن ويداعىداي اتقارىپ، قىزمەتتەردى تياناقتاندىرۋدى ويداعىداي يگەرۋ كەرەك. ىشكى وڭىردەگى ءارقايسى ولكە، اۆتونوميالى رايون، قالالار شينجياڭعا قاتىستى قىزمەتتى شىنايى ويداعىداي ىستەپ، شينجياڭنىڭ ورنىقتىلىعى مەن دامۋىنا قولداۋ كورسەتۋ كەرەك. شينجياڭعا كومەكتەسكەن ولكە، قالالار شينجياڭمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋگە ۇزاق ۋاقىت تاباندى بولىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن جوعارىلاتۋ كەرەك. رەفورمانى ۇزدىكسىز تەرەڭدەتىپ، ورنىقتىلىقتى قورعاۋ قابىلەتى قۇرىلىسىن كۇشەيتىپ، بيڭتۋاننىڭ ۇيىمدىق ارتىقشىلىعى مەن جۇمىلدىرۋ قابىلەتىن ۇزدىكسىز كۇشەيتىپ، ەرەكشە رولىن اناعۇرلىم ويداعىداي ساۋلەلەندىرۋ كەرەك.

  لي كىچياڭ ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭ قىزمەتىندە قول جەتكەن ماڭىزدى ناتيجەلەردى جالپى بەتتىك قورىتىندىلاپ، كەزەكتەگى شينجياڭ قىزمەتىندە ءدوپ كەلگەن جاعدايعا تەرەڭ تالداۋ جاساپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن بايىمداپ، كەزەكتەگى جانە بۇدان كەيىنگى ءبىر مەزگىلدەگى شينجياڭ قىزمەتىنىڭ جەتەكشى يدەياسىن، نىسانا - مىندەتتەرىن، باعىت - ساياساتتارىن، ستراتەگيالىق شارالارىن ايقىنداپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە قاتىستى ءتۇيىندى قىزمەتتەر جونىندە جالپى بەتتىك ورنالاستىرۋ جاسادى، اسا كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات. مۇقيات ۇيرەنىپ، ءتۇسىنىپ، قىزمەت ءىس جۇزىندىگىمەن بايلانىستىرا وتىرىپ ىشكەرىلەي وي جۇگىرتىپ، دايەكتىلەندىرۋ، تياناقتاندىرۋ شارالارىن اقىلداسۋ كەرەك. يدەيا مەن ارەكەتتى پارتيا ورتالىق كوميتەتىنىڭ شينجياڭ قىزمەتى جونىندەگى شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءتۇرلى مىندەتتەردىڭ تياناقتانۋىن مىزعىماس تاباندىلىقپەن ويداعىداي يگەرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ كەرەك.

  ۋاڭ ياڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، مازمۇنى باي، ول − جاڭا داۋىردەگى شينجياڭ قىزمەتىنە جەتەكشىلىك ەتەتىن تۇعىرنامالىق حۇجات، شينجياڭ قىزمەتىن تۋراشىلدىقتى ساقتاپ جاڭالىق اشۋعا، جەڭىسپەن العا باسۋعا جەتەكتەيتىن قۇدىرەتتى يدەيالىق قارۋ. باس شۋجي شي جينپيڭنىڭ ماڭىزدى ءسوزىنىڭ رۋحىن تەرەڭدەي ۇيرەنۋدى، جەتە ءتۇسىنۋدى ماڭىزدى ساياسي مىندەت ەتىپ، وزەكتى ويى مەن رۋحاني ءمانىن شىن مانىندە يگەرىپ، ۇيرەنۋ بارىسىن تانىمدى جوعارىلاتۋ، قىزمەتتەردى جاقسارتۋ بارىسىنا اينالدىرۋ كەرەك. جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال ءتۇسىنىپ جانە وعان ۇزاق ۋاقىت تاباندى بولىپ، ءىس جۇزىندىكپەن بىرلەستىرە وتىرىپ دايەكتىلەندىرۋدى، تياناقتاندىرۋدى ويداعىداي يگەرىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. شينجياڭ قىزمەتى باس نىساناسىن مىقتاپ يگەرىپ، ۇزاق بولاشاقتىق جوبا - جوسپار جاساپ، نەگىزدى بەكەمدەۋ شارالارىن قولدانىپ، باياندى تىنىشتىققا ساياتىن تەرەڭ قاتپارلى ماسەلەلەرگە نازاردى شوعىرلاندىرىپ، كۇش سالۋ كەرەك. شينجياڭداعى جانە ورتالىقتاعى ءارقايسى تاراۋلار ءماجىلىس رۋحىن دايەكتىلەندىرۋ، تياناقتاندىرۋ جونىندە اتقارۋ پىكىرىن جاساپ، ءتۇيىندى مىندەتتەردى ءبىر - بىرلەپ اشالاپ، جىكتەپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ءىس جۇزىندىك قىزمەت ناتيجەسىنە اينالدىرۋ كەرەك. ۇيىمدىق باسشىلىقتى جانە سايكەسۋدى، سەلبەسۋدى كۇشەيتىپ، قىزمەت جاۋاپكەرشىلىگىن ناقتىلاپ، قۋزاۋ - تەكسەرۋدى كۇشەيتۋ كەرەك. باي مازمۇندى، الۋان ءتۇرلى ۇگىت، ۇگىت - لەكسيا قيمىلدارىن ۇيىمداستىرىپ، ورىستەتىپ، ءماجىلىس رۋحىنىڭ نەگىزگى ساتىعا ىشكەرىلەي ەنۋىن، جۇرت جۇرەگىنە تەرەڭ ۇيالاۋىن ىلگەرىلەتۋ كەرەك.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار، ت.ب ماجىلىسكە قاتىناستى.

  شينجياڭ ۇيعۇر اۆتونوميالى رايوننىڭ پارتيا، ۇكىمەت ورىندارىنداعى جاۋاپتى جولداستار جانە ءارقايسى ايماق، وبلىس، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى جاۋاپتى جولداستار جانە ءارقايسى شى پارتيا، ۇكىمەت ورىندارىنداعى نەگىزگى جاۋاپتى جولداستار، باسقا ءارقايسى ولكە، رايون، قالالارداعى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى حالىقتىق ۇيىمدارداعى، فينانس قۇرىلىمدارىنداعى، ورتالىق كاسىپورىندارىنداعى جاۋاپتى جولداستار، ارميانىڭ قاتىستى ورىندارىنداعى جاۋاپتى جولداستار، ت.ب ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار